Corpus of Electronic Texts Edition
Die fünfzehn Namen des Boyne (Author: Unknown)

p.105

  • A écsiu Fáil, fégam sein,
    dénam dáil náchandubaig,
    samlam ann-óge uili
    anmann Bóinne Bregmaige.

    • p.106

  • Cóic anmand déc tre blaid m-binn
    fil d'anmanaib for Bóinn,
    ó Síth Nechtain, níth im gail,
    co pardus n-úasal n-Ádaim.
  • Segais a h-ainm isin síd
    intan failsigthir íar fír,
    Sruth Segsa ótá síd somma
    co Linn Mocóe Nóemdroma.
  • Dá n-ainm fuirre ó sin immach
    i l-Laignib na laechmarcach:
    Rig Mná Núadat, ní lúad lac,
    ocus Colpa Mná Núadat.
  • Bóänd i m-Mide na mál,
    dá n-ainm fuirri ó sein co sál:
    Mórchuing Argait, h-úaisle de,
    ocus Smir find Feidelme.
  • Trethnach tonn co Cúalngne h-úass cath,
    Sruth Findchuill co Loch n-Echach,
    galla a nem re gail n-glúair n-gil,
    Banna íar sin co Túaig inbir.
  • Lunann i n-Alpain cen ail,
    sruth Sabrann i Saxanaib,
    sruth Tibir i r-Róim na recht,
    dligid co cóir comaitecht.
  • Sruth n-ard n-Eordanán, ní cél,
    hi tírib mac n-Israél,
    Tigir a h-ainm íar n-astar
    hi pardus na prímapstal.
  • Ropond1 béo for deis mic Dé
    íar n-étsecht, íar n-essérge,
    is hé ro-fargní, ro-fes,
    iss é ardrí na n-éces.
    • A hécsiu F.