Corpus of Electronic Texts Edition

Background details and bibliographic information

Genealogical Tracts I: Anmand na n-Athachthuath

Author: [unknown]

File Description

Electronic edition compiled by Beatrix Färber

Funded by School of History, University College, Cork

1. First draft.

Extent of text: 2120 words

Publication

Distributed by CELT online at University College, Cork, Ireland.
Text ID Number: G105012

Availability

Available with prior consent of the CELT programme for purposes of academic research and teaching only.

Sources

Manuscript Sources
1. Dublin, RIA, 536 olim 23 P 12 alias Book of Ballymote; 14th century (AD 1383x–1397). Owned by archbishop James Ussher in the seventeenth century. Later in the Library of Trinity College Dublin from which it was borrowed in 1719, never to be returned. Presented to the Royal Irish Academy in 1785. Digital images and a detailed catalogue description of the manuscript can be viewed on the ISOS Project of the Dublin Institute for Advanced Studies (http://www.isos.dias.ie/).

Edition
1. See below.

Secondary literature
1. Review: M.V.D., Studies: an Irish quarterly review 23 (June 1934) 341–343 [with corrections to MS readings].

The edition used in the digital edition
1. Genealogical tracts I. Toirdhealbhach Ó Raithbheartaigh (ed), First edition [1 volume; viii + 245: Introduction to Dubhaltach Mac Firbhisigh's Genealogies (preface 1–32; introduction proper 33–106); tracts on the tributary peoples from BB, the Book of Lecan, TCD 1336 (H. 3. 17), RIA 1134 olim 23 E 29 (Book of Fermoy) and MS Laud 610 (107–132); miscellaneous excerpts from the Book of Lecan and one from Rawlinson 502 (133–end).] Stationery Office Dublin (1932)

Encoding

Project Description

CELT: Corpus of Electronic Texts

Sampling Declaration

The present text represents pages 107–116 of the printed edition.

Editorial Declaration

Correction

Text has been checked and proof-read twice.

Normalization

The electronic text represents the edited text. Editorial corrections are tagged corr sic="" resp="TRa" with the corrected form given in the 'sic' attribute. Text other than in Irish is indicated. Names are capitalized in line with CELT practice.

Quotation

Direct speech is tagged q.

Hyphenation

The editor's hyphenation was retained.

Segmentation

div0=the tale. div1=the editor's paragraph. Page-breaks are marked pb n="". MS foliation is tagged mls unit="folio" n="".

Interpretation

Names are not tagged, nor are terms for cultural and social roles.

Profile Description

Created: By an unknown Irish scribe. Date range: 1383–1397.

Use of language

Language: [GA] The text is in Middle Irish.

Language: [LA] A few words are in Latin.

Revision History

• (2011-12-06)

  Beatrix Färber (ed.)

• Header completed; more encoding added; file parsed; new SGML and HTML versions created.
• (2011-11-29)

  Beatrix Färber (ed.)

• File proofed (2); more encoding applied; TEI header created.
• (2010-12-05)

  Beatrix Färber (ed.)

• Encoding streamlined to TEI P4-conformant XML; file proofed (2); more encoding applied.
• (pre-1998)

  Students at the CURIA project (ed.)

• File proofed (1); structural markup applied.
• (pre-1998)

  Students at the CURIA project (data capture)

• Text captured.

Corpus of Electronic Texts Edition: G105012

Genealogical Tracts I: Anmand na n-Athachthuath: Author: [unknown]

p.107

¶1] Anmand na n-Athachthuath ocus a fodla dia rer Libuir Glinne Da Locha inso.
Aithechthuatha em fodailset fo fodailset fo Erinn iar ndibad a saerchlann ocus a saerfer .i. xlui. do aicmib.
Semrige. Saithrige. Benntraige. Catraige. Crothraig. Brugraide. Scotraig. Lathraige. Carraige. Gabraig. h-Uraige. Mendraige. Teocraige. Rathraighe. Nudhraige. Callraighe. Bondraige. Bladraige. Ludraige. Luffraighe. Condraige. Sedraige. Granraige. Curaig. Glasraige. Bibraige. Boccraige. Corcoige. Corcu Ainge. Corcu Dega. Corcu Maighi. Corcu Muichi. Corcu Solchend. Corcu Bili. Corcu Bruighi. Dal Mo Chon. Dal n-Didail. Dal Mathrach. Dal Maigni. Dal Tidilli. Dal Mo Coirp. Dal Mendato. Dal Mude. Dal Muigid. Dal Murchon. Dal n-Uisquide.

¶2] Aicmeda na n-Athachthuath insin. A tuatha inso. Gaileoin. T. Aithechda. T. Fochmaind. T. Fidga. T. Firbb. T. Brecraige. T. Treiethirni. T. Semonn. T. Mc n-Derbchon. T. Benntraige. T. Mairtine. T. Cairige. T. Bibraigi. T. Senmogad. T. Sen-Erann. T. Fer Morc. T. Geibtine. T. Emenrige. T. Mc n-Umoir. T.Cathbarr. T. Carra. T. Fer Ruidi. T. Fer Ninais. T. Cathraighe. T. Sencheneoil. T. Choncobuirni. T. Mc n-Umoir. T. Resen. T. Humoir. T. Domnann. T. Cruithnech. T. Cregraighe. T. Ochuinne. T. Guaire.

p.108

¶3] IS uaidib se ro fas daerchis fognuma for saerclandaib Erenn .i. na feranna dia fognaitis dofallsat na saerclanda uaib & atroebatarsun & forbrisetar na saerclanda foraib & rucsat a ferann uaidib co ro len in doerchis na soerclanda de sein for slicht in feraind ar at soera uili Fir h-Erenn acht in lucht doruirmisem.

¶4] Bai fodord mor icon lucht so .i. ic Athechthuathaib h-Erenn i n-aimsir na tri riag sa ar h-Earinn id est Fiacha Findolaid & Fec m. Fidfeoccoeich & Bres m. Firb.
Batar didiu tri aithig robdar toisigh comairle d"Athechthuathaib h-Erenn in inbaidsin .i. Monach & Buan & Cairpre Catchend & ba cenn doib uili Cairpre Catchenn.
Doronsat comairli iarum Aithechthuatha h-Erenn do rer in trir sin.

p.109

¶5] Ba si comairli na n-Athech targud fledi dia tigernaib & a marbadh leo icon fled sin.
Badar iarum na h-athig tri bliadna ic airitin & ic foichill na fledhi sin, & trian a toraid cacha bliadna doratsat fria h-aireac. Is and uero dorrigenset i Maigh Acrach la Connachta.
Do-lodar iarum Fir h-Erenn dind fledh sin as cach aird i m-batar. Faidit didiu .ix. nona ic tomalt a fledi & ni frith homo¹ nosmairnfed. Do-bretha lenda soineamhla doib imun nomaid combat mesca miciallmair. Ro ortait iarum soerclanda h-Erenn icon fleid sin tria thairised (?) na n-Athech & tria n-a mesca fodesin, acht sil na tri macc badar i m-brondaib a maithreach in tan sin. Batar carait clemna do tigernaib h-Erenn imun inbaid sin ria Alban & ria Saxan & ria Deiscirt Bretan. Ba cara cetamus do Fiachaig Findolaid Luath mac Derera ria Cruithentuaithe. Baine uero ingen Scail riag Fomoiri ben Luaith. Dobreth didiu do Fiachaig

p.110

¶6] Ni tharat in talam a thoradh du na h-Aithechaib iarsin fingail do-ratsat for soerclannaib Erenn & bai gorta mor la Firu h-Erenn etir inberu & fedu &ocus ithu & ocus blechtu.

¶7] Ro fessai iarum tri comarbai h-Erenn do bith in Albain .i. Feradach Find Fechtnach & Corb Ulom ocus Tipraite Tiarech.
Tiagar iarum uaidhib fora cenn dia righad leo i n-Erinn & dobertatar ratha nimi & talman in t-seachtai & na huili dula friu immoa fognum doib dia rer airet beth muir im h-Erinn.

p.111

¶8] Dothogat na maicc la sodain & gabais cach dib ina rind, Tipraite Tiarech i n-airther h-Erenn i n-Ulltaib, Feradach Find Fechtnach i medoan h-Erenn i Temraig, Corb Aulom a n-descert h-Erenn .i. i m-Mumain. Conid uaidib sin rogenedar tri soer Erenn a frithisi .i. Conn, Eogan, Araide, de quibus poeta dixit hoc carmen:

¶9]

1. Soerclanda h-Erenn uili
   romarbtha la h-enduine
   acht na tri maic monar n-gle
   atrullatar o Cairpre.
2. Feradach Find Fechtnach Fail
   Corb Ulom a Mumain mair
   Tipraite Tiarech tren tall
   at iat sin a comanmann.
3. Torrcha adrullatar sair
   a maithrecha na mac sin
   conid ann ruchta astir thair
   iar riachtain doib i n-Albain.

---

p.112

4. Ingen riag Alban gan ail
   ba si maathair Feradaig
   Baine ba sed ainm na mna
   ingen Luaith mc Derera.
5. Gruibi ingen Gairtniat gluair
   rogab Breatna gusin m-buaid
   maathair Corb Uluim cen ail
   isa sil fil i Mumain.
6. Ingen riag Saxan nia snead
   maathair in Tipraite trein
   Aine ba he h-ainm oc a taig
   ingen comlan Caindi Oil.
7. Doronsat comairli chain
   Athaig h-Erenn in uair sin
   uair thallad forthu as gach mudh
   ith blicht mess & torud.

---

p.113

8. Hi comairle ro chindset
   aithrech leo inni ro millset
   togairm na mac monar ngle
   dia n-oirdnedh i n-airdrighe.
9. Doratsat ratha co tend
   Aithechthuatha na h-Erenn
   im rer na mac batar tair
   acht cho tistais a h-Albain.
10. h-It h-e ratha tucsat ind
    nem talam esca grian grind
    immoa rer beinn a m-benn
    h-eret beth muir im Erinn.
11. Cond, Eogan, Airaide an
    h-it e cined na tri mal.
    Araide i n-Emain cen ail
    Conn Cetcathach i Temair.

---

p.114

12. Eogan i Caisiul na righ
    is ann tarrustar a sil
    conid riu sin siu & tall
    samlus in sai gach soercland. Soerclanda.

¶10] Fodailset tuatha Aithech[d]a iarsain fo Erinn & rodet doergreim flatha Erenn uasaibh iarna fodail, ut est hic:
Gaileoin hi Cuigiud Lagen Tuath-Gabair & teora fodla foraib : Tuath Fidga & T. Fochmaind & Tuath Aithechda.
Tuatha Fochmuinn for Aibh Failgi & for Fotharthaib AIbreach & for Almuin & anas dir di i finibh.
Tuath Aithechdha batar for Airther Lifi co muir.
T. Fidga for Fortuathaib Laigen & for UIb Cennselaig.

¶11] T. Brecraigi for Laignib Des-Gabair .i. for Osraige.
T.Treithirni i Muig Breguin & i n-Eoganacht Chaisil et rl.
T. Semonn i nDesib Muman.
T. Cairaig i n-Huib Liathain & i n-Huib mc. Cailli.
T. Bibraigi i Corco Laighi.
T. mac nDerbchon i Feraib Muige.
T. Benntraigi i n-Huib Echach Muman.

p.115

¶12] T. Mairthene i Muscraigr Mittaini & Airt[h]ir Femin & Liacc Tuill & Tiri & Aeda & Bregain etrl. & i n-Huib Cairpri.
Sil Mogad mc. Miled i n-Iarmumain & Corco Duibni & i n-Eoganacht Lacha Lein & Raithlainn & Aine & Glennamnach etrl.
T. SenErann toisech i Ciarraigin Luachra & i Luachair Dedaid.
T. Morcc & T. Geibtine i n-Huib Conaill.
T. Eminrige i nHirmumain & isnaib Helib.
T. Mac n-Umoir i nDail Cais & i n-Huib Fiachrach Aidhni.
T. Hua Cathbsrr & Hua Carra hi Corco Muichi & Bascain & Duibne Morruad & Laigdhi in Eilib & Duichni la Muscraige & Oiche inUib Conaill.

¶13] T. Fer Ruidi fos i Corc Mo Dhruadh.
T. Fer Ninais i n-Eoganacht Rois Argait & innaran (sic) & i n-Arainn.
T. Cattraig i n-Huib Maine Descirt.
T. SenCenel i n-Huib Maine Tuaiscirt.
T. Concobuirni & Mac n-Umoir for Hui Briuin & im Loch Cine & hi Cluain Fuiche.
T. Resen for Conmaicnib o Ath Moga co fairgi.
T. Mac n-Umoir i n-Umall.
T. Fer nDomnann i Crich Cera & i n-Uib Amalgada & i n-Huib Fiachrach Tuaiscirt o Rodba (proprium amnis) co Congnaig (proprium amnis) hi Cairpriu Droma Cliab.

p.116

¶14] T. Cruithneach i Maig AEi & i Maig Luirg o Loch Ce co Brog Eil & co Sinaind.
T. Crecraige i lLuigni Connacht & im Loch Teched & um in Corann & im Bernus Tire Oiliolla co Mag Tuired.
T. Ochuine & T. guaire o Rus Gauill i Tir Oilella co Mag Cetne & co h-Es Ruaid.
T. Tarduis i Tir Eoa[gain] & i n-Huib Nell in Tuaiscirt.
T. Chruithnec[h] in Tuaiscirt otha Sidan Sleabe in Cairn co Loc Febail ocus ota Bernus Tire h-AEda co Banna.
T. Chruithnech hi tir Ulad & i Maig Coba.
T. Buaim ndimbuain & T. Selle i nDal Araide.

¶15] T. Nebliarg i n-Airgiallaib o Glinn Rige co Loch N-Erne & o Buaigh co Loch Febail.
T. Ligmuine hi nGailengaib.
T. Mac Treda i n-Iarrthur Mide & Fer Fer & hi Cuircne.
T. Masraige i Maig Slecht i n-Uib Briuin Brefni.
T. Airbri i Tebtha.
T. Glasraige im Cairpre & im Loch Silenn.
T. Conraig i Sleaib Breg & i Mughornaib & i n-Uib Segain & i Feraib Rois & i Arda & i Feraib Luirg & isna da Cremhthainne.

¶16] T. Luaigne imBregaib & lLaeghaire & i n-Ardgul & isin da Delbna & i n-U Maic Huais & co Temuir o Inbuir Colbhta co comar Cluana h-Iraird.
Conid amlaid sin ro foglaid.