Na trí Fothaidh .i. Fothadh Airctheach, acus Fothadh Cairptheach, .i. Fothadh Canand, acus Fothadh Dolus, trí meic Fuindche, inghine Náir, mic Fhirmora, do Araibh Cliach a máthair. Teiti, inghen Maicniadh, mic Lughdhach, mic Dairi Derg, mic Gnathail mic Nuadhad Neacht, mic Setna Sithbhaic a siur. Bered Fuinchi emhnu trí fermeic, comadh trí meic iad do Fheidhlimidh, mac Maicniadh, mic Gnathail, mic Mairmaith, mic Cairpri Niadh Nair no Nia-fhear—unde quidum cecinit:
- Na trí Fothaidh, trí meic iad
Feidhlimidh móir mic Maicniadh,
Mic Gnathail, is meic Maírmaith,
mic Cairpri Nia naid ardmhaith.
Aderaid aroili do lebhraibh comad do Ibh Dachaibh do Ultaibh a m-bunadhus, .i. dá mhac forfhacaibh h-Irel Glúnmhar, mac Conaill Chernaich .i. Forc, acus Iboth. Fos ros-fhácáibh Rechthghidh Righdherg i n-Albain, ro mebhadar catha mára reimhibh, comdar fása crícha mára i n-Albain, cor diallsad fir Alban do Reachtghidh Ríghdherg, comba righ Erenn, acus Alban, acus is Uaithibh dana thuaith i n-Albain, .i. Tuath Fhorc acus Tuath Iboth. Do lódar trí chaecad fer for loinges tairis inall, con ghobhsad Cluithriu Cliach, acus an ferann fors a dád aniugh. Ocus ghabhsad Crích Máine, acus Crích Fiachrach Aidhne, acus Crich m-Baiscind a comharbus a senathar .i. Echach, mic Luchta, .i. Uaithni, acus Eili, da inghen Echach mic Luchta. Tír n-Eili ó tá Sinand sair acus bodhes. Tír n-Uaithne ó tá Sinand siar acus bothuaid co Dercderc. Conad ó anmandaibh na m-ban sin do gairther na cenéla. Ar do luidh in dara n-ai co Caela righdherc, righ Ele acus Bladhma .i. Eli, conad uaithi ainmnighthear Ele. Luidh aroili .i. Uaithni co Fearghus Foiltlebhar, conad uaithi ainmnighther Uaithni. Do bhadar ceithri Nia do chloind aici, .i. Uaithnia, acus Druthnia, acus Caindnia, acus Deochnia. Trí braithri .i. Oethnia, acus Caindnia, acus Deochnia, acus is iad sin itá and.6
Maicniadh, .i. athair na bh-Fothadh, mac Cairpri, mic Cormaic, mic Mesinsuadh, mic Mesinfuirc mic Mesinforgaill, mic Menboth. Alii dicunt conadh trí meic iad Feidhlimidh, mic Niadh, mic Gnathail, mic Ercmair, mic Cairpri Niafher, acus Feidhlimid Foltchaímhe. Is de itá Leithghleand Erc, acus is de ro ched nocho roibh righdamhna badh mo Erc mac Feidlimthe h-illoch ro báiti, .i. Feideílme.
Trí meic Nuadhad Neacht, .i. Gnathaltach, senathair na Fothadh, ut poeta dixit, acus Baiscne, senathair Find h-Ui Baiscne, acus Fearghos Fairrgi, senathair righraidhi Laighen, amhaíl as-bert:
- Na trí Fothaidh firsad,
Maicniad, Lughdach luind,
Dairi Derg daigh garg,
Gnathaltach gair nith,
Nuada Necht digabala,
Geilfhine Gaileoin
Find fhir Umhaill garg,
Tric trén mór thriur saer,
Sanbh Soalt Sofear brig
Baiscne Bodanar,
Nuada Necht lond Lughaidh,
Find fili, Rosa, Ruadh, Ruipi,
Feargus, Fiada, Fairrgi, Falnath Nia,
Nuada Necht mind niamhdha—Na trí.
Ailiter clanda Celtchair, mic Uitheochair .i. Eoghan, acus Ailill, acus Sem, acus Feartlachtga, acus Druithnia, acus Uaithnia. Clanda Uaithnia mic Celtchair .i. Uaithni Thíri, acus Uaithni Cliach quod fortaisin est:
{column 1}
Madadhan,
mac Ruaidhri,
mic Caithnia,
mic Cathaláin,
mic Catháin,
mic Dermada,
mic Oengusa,
mic Gormghaili,
mic Fhlaithimh,
mic Forcartaich,
mic Dondghalaich,
mic Fothaidh,
{column 2}
mic Thomáin,
mic Fináin,
mic Fiachrach,
mic Fintain,
mic Nadfraich,
mic Meiclaisri,
mic Meiccailli,
mic Fearghusa,
mic Dalláin,
mic Fochtai,
mic Fhothaidh Aircthigh,