Corpus of Electronic Texts Edition
The genealogy of Corca Laidhe (Author: Unknown)

section 6

1

Do ghenelach h-ua n-Duibhleisc, acus h-ua n-Aenghusa ar cheana, amhail as-bert in leabhar a duadar na daíne bochta sa bh-fásach

Cethri meic Aenghusa, mic Maicniadh .i. Nathi , Maine, Oilill Beac, Aenghus Duibhfhleasc. Ro ghobhsad in ceathrar sin forba i n-athar dia éis. Aenghus Nemhdherg, mac Aenghusa Duibhlesc, mic Oenghusa Builc, a quo h-Ui Duibhlesc, acus Máine Cerr mac Aenghusa Builc, a quo h-Ui Aithne, acus cenel Maithne no Maine et ceteri.

Dá mhac Nathi, mic Aenghusa, .i. Eterscel acus Coluim. Seacht meic Etersceoil .i. Fearadhach, Ainmiri, h-Al , Brandamh, Brundodhran, acus Ferghus Baeth. Trí meic Choluim mic Nathi .i. Mairnin, Flaithnin , Aedh. Trí meic Ail, mic Eidersceoil .i. Scellan, Colman, Finan. Secht meic Brannduibh, mic Eitersceoil, .i. Flandan, Aedh, Scandlán, Eochaidh Daimhine, Cormac, Fiama , Cathusán. Trí meic Flandáin, mic Brandaibh .i. Conall, acus Uisne, acus Cobchan. Inghen dó Mughain inghen Fhlandáin a Cill Mughaine. Dá mac Fhlandáin, .i. Dubhduin acus Folachtach. Ceithri meic Fholachtaich .i. Conall, acus Criche, acus Dunghalach, acus Aenghus. Máine, mac Aenghusa dá mhac lais .i. Enna acus Cathra, acus aen inghen lais .i. Lighain inghen Maine,


p.20

is í máthair Chiaráin t-Sairi : is and ro genir ac Findtracht Chléri, acus in aingil rus-fritháilsid h-í. Gradha nimhi rodus bhairt h-é. Is and ro baí in toiseach ro chreideadh do chrois i n-Erind, ár is dech m-bliadhna fiched remh Phátraic do ghabh Ciarán Saighir, amhail as-bert in fili so:—
    1. Saighir fuair
      Fothadh cathair ar a brú;
      I cind trichad bliadhain band
      Conchobhar ann acus tu.

Is and sin iarumh do thairrngir Conall acus Fachtna, dia n-ebairt:

    1. Mac geines i Tulaich-teind,
      Bidh maith dúind biaidh aen lá land,
      Mór manach is maincher mall
      Fodheoidh do gebha Conall.

Acus Is h-é do thairrngir do Uibh Etersceoil righi acus aireochus d'á síl co bráth, acus is é forfhácaibh do righ Chorco Laighi


p.22

Enicland righ cúicidh dhó ar creidemh chroisi aco ar dús. Acus is é Ciarán sindser naemh Erend, acus is é Ciarán ro uraib dóibh air Chill Chiaráin do chostadh aici ar tus .

Dá mhac aili do Enna, mac Máine Chirr, mic Aenghusa Builc, .i. Ailill Comard, Conall Claen. Is é in Conall sin ro thinóil in lebhar rochair sea do Chonall acus do Fhachtna, acus do rad dóibh a n-Ard na b-Partán a n-Inis Bic. h-Ui Duibhlisc, acus h-Ui Builc, acus Aes Glindi sibhne, acus Aes m-Berra, do shil Aenghusa Bhuilc, mic Maicniadh, mic Luighdheach, mic Maicniadh, dóibh. Dá mhac Aenghusa Cendfhota, mic Enna, mic Máine Chirr, mic Aenghusa Builcae, .i. Enna acus Muiredhach.


p.24