¶1446] h-Ír septimus filius Militis qui cum uenisset filii Militis ad Hiberniam in insola Sicciliae sepultus est de quo tertia plebs regalis generis exortus est. h-Ír autem unum filium habuit id est Éber. Éber uero filius h-Ír qui ante omnes Scottos Campum Lini habuit et quintam partem Hiberniae tenuit.
¶1447] Dá mc dano la h- Éber .i. Airttrí & Ébricc. Do- rochair dano Éber la Palap mc n-Éremóin.
¶1448] Ébrecc immorro m. Ébir dá mc la suide .i. Cermna Find & Sobairche, dá chét-ríg h-Érenn a h-Ultaib. Lethu do-rónta na dá dún .i. Dún Sobairchi & Dún Cermna. Eochu m. Conmáel ro marb Chermna 'na dún.
¶1449] Eochu Echenn rí na Fomaire ro marb Sobairche. Ní áirmiter a clanna Sobairchi & Cermna.
¶1450] Artt m. Ébir óenm. leis .i. Sétna Artt, rí h-Érenn conid-romarb a mc ut alii dicunt .i. Fiachu Findscoithe .i. Rothechtaid m. Móen m. Óengusa Olmugáeda do shíl h-Éremóin ro marb Sétna Artt h-i Cruachain eter dí láim Fiachach Findscoithe a mc fodeissin,
¶1451] Ollam Fótla m. Fiachach Findscoithe a athair m. Sétna Airtt m. Ébir m. h-Ír m. Míled. Is ó Ollamain dano ainmnigtir Ulaid .i. Ulaid Olleith ó Ollamain nó ulchai liatha léo i cath Óenaich Macha .i. olann liath ro chenglad dia smechaib nó Ulaid .i. ulliu leth léo sin chath. Ollam Fótla dano is lesi do-rónad feis Temra prius & Múr n-Ollaman i Temair. Ollam trá báe .xl. bliadan i r-rígiu h- Érenn dia clainn & ro gab mórfheissiur ríge h-Érenn cen nech inter se. Ollam dano cethri m. leis .i. Cairpre & Fínnachta, Slánoll & Géde.
¶1452] Rudraige dano m. Sittride m. Duib m. Fomuir m. Argatmáir m. Sírláim m. Find m. Blátha m. Labrada m. Carpri m. Ollaman Fótla.
¶1453] Argatmár úa dó Cimbáeth m. Fintain m. Argatmáir.
¶1454] Áed Ruad m. Baduirn m. Argatmáir.
¶1455] Díthorba mc Dímáin m. Argatmáir.
¶1456] Fomuir m. Argatmáir is uad Rudraige cona clainn.
¶1457] Rudraige trá it iat so a mc .i. Congal Cláringnech.
¶1458] (dá mc Congail .i. Uislenn pater Noísen & Aindle & Arddáin),{facsimile page & column 156b} Cathbad druí.
¶1459] Bresal Bódíbad m. Rudraigi
¶1460] Ross m. Rudraigi.
¶1461] Fergus m. Rossa.
¶1462] Fer Filed m. Glaiss m. Rossa m. Rudraigi.
¶1463] Celtchair m. Cuithechair m. Fothaid m. Fhir Fhiled m. Glaiss m. Rosa m. Rudraigi.
¶1464] Óengus Bélderg m. Fir Filed
¶1465] Ferchertne File m. Óengusa Béldeirg.
¶1466] h-Iliach m. Rudraigi.
¶1467] Lóegaire Buadach m. Connaid Buidi m. Iliach.
¶1468] Niall m. Rudraigi.
¶1469] Let m. Rudraigi.
¶1470] Fergus m. Leite.
¶1471] h-Illann m. Rudraigi.
¶1472] Gerrgeinn athair Muinremuir.
¶1473] Cass cuius filius Fachtna Fáthach.
¶1474] Briccne Biltengaid m. Carbad m. Cais.
¶1475] Secht mc dano la Carbad quorum nomina enumerabimus id est Glan mc Carbad (is aice ro buí Achall ingen Charpri Niad Fir), Gormainech m. Carbad, Maine Minscothach m. Carbad, Redgc mc Carbad, Dures m. Carbad, Ailill Miltenga, Bricne Beltenga.
¶1476] De quibus hoc carmen dicitur:
- Secht meic Carbad cróda in chrech:
Glan glórda is Gormainech,
Maine Minscoth co cét chles
ocus Redg ocus Dures.- Dia fairinn is tomthach trá
Ailill molbthach Miltengga
is fer foíded fichtiu im gá
Briccriu noíthech neimthenga.- Fora agaid tócbad bolg,
ba méit duirn—nírbu dronordd—
dia fessed rún n-grádfher n- glóir
meni ráided fo chéitóir.- In tan no-s-ceiled cen chol
at-beired fri Conchobar:
mebais in bolg-sa cia bé,
meni dord-sa in caingin-se.- Cách do inluch dogra drenn
ba h-é bés brogda Briccrenn,
iarum ni fhíchaiged fill
is no-s-sídaiged Ailill.- Ciaptar carait coraib crech
fo-s-rolaich talam tírech;
iar n-gleicc gormgráda & gal
secht meic comlána Carbad.S.
- De durn Fergusa co fí
cosna firu fitchilli,
bebsad Briccriu bertglan blad
in sechtmad mac do Charbad.S.
- Cenco tuinsitis cen táir
na tairb ocond imfhorráin;
din durn ro-mbena cen brath
bebsad mac cena Carbad.Secht.
¶1477] Aitheirne m. Athchló. Fachtna m. Sencha m. Ailella m. Athchló. Eirrge Echbél m. Athchló.
¶1478] Cóic ríg fichit do Ultaib ro gabsat h-Érinn cenmothát secht ríg ro gabsat do Dál Fiatach ut alii dicunt. Haec sunt nomina eorum id est:
- Fergus Dubdétach m. Imchada,
- Fiachu Find,
- Eochu Gunnat m. Féicc,
- Daig,
- Muiredach Muinderg,
- Cairell,
- Baítán.
¶1479] De quibus dicitur hoc carmen:
- Secht prím-ríg for h- Érind áin
do Dál Fiatach ercctais máil;
batar flaithi formnaib sell
for cóic cóicedaib h- Érenn.
- Fergus Dubdétach ba daith,
Eochuid mac Féicc in fír-fhlaith;
Fiachu Find ocus Daig,
batar flaithi fuinedaich.- Muiredach Muinderg—miad mas—
ocus Cairell cruad-amnas,
ba rí Báetán cosin blaid
for h-Érind is for Albain.- Giallastar do Báetán bán
ardd-rí na h-Alban Áedán;
ic Ross na Ríg—rád n-glan n- glé—
i n-airthiur-tuaisciurt Semne.- Batar flaithi formnaib dál
h-Érenn cen nach n-imforrán;
níro damsat cóir ná cert
ro gabsat h-Érind fo shecht.Secht.
¶1480] Di chlaind trá Ollaman di Ultaib .i. do Dál Araide ar is iat sin na fír-Ulaid. Is iat so immorru na ríg-sin:
- Cermna,
- Sobuirche,
- Sétna Artt,
- Fiachu Findscothach,
- Ollam Fótla,
- Fínnachta,
- Slánoll,
- Géde Ollgothach,
- Berngal m. Géide,
- Ailill,
- Find m. Blátha,
- Sírlám,
- Argatmár,
- Áed Ruad,
- Díthorba,
- Cimbáeth,
- Macha,
- Rudraige,
- Bressal Bódíbad,
- Congal Cláringnech,
- Fachtna Fáthach,
- Éllim m. Conrach,
- Mál m. Rochride,
- Cóelbad m. Cruind.
¶1481]
¶1482]
¶1483] Secht n-aithechaiccmi in tíre ria tíchtain do Úib Echach id est: Gáelraigi de quibus Cainnech Dromma Fata; alii dicunt eum esse de genere Feidelmedo Gáel de Mumae; Conaille de genere Fachtna m. Senchada dicunt, Rosraige de genere Celtchair m. Cuithechair, Corccraigi a quibus Cruimthir Corcáin Drumma Cruind, Lusraige, Dubraige, Lugraige.
¶1484] Áedgna fer gáe lethain dia tá Dál Gaibinni. Garbraigi do genere Éogain Gairb do Dál Riata nó Fergna Garb mc Salaich m. Loairn Máir & unde Garbraige dicuntur. Buachaill et Conall Cass & Corcc: at-berat araile comtis trí bráithir do Chonget Chonganchnis mc Dedaid et téora ingena do Cheltchar m. Cuithechair a téora máithrecha .i. Ibel et Némdaille et Scáthdarcc. Angain dano ben do Choinget Conganchnis ingen-aide Celtchair & Dar Ómae ingine Conchobuir m. Nessa. Ab his ergo praedictis tribus fratribus Conget Conannchnis nati sunt Dál m- Buachallo & Casraige.
¶1485] Trí mc Lugdach m. Óengusa: Áed & Daig et Dallán. Téora ingena Lugdach: Indu et Indécht et Sciath. Indiu ben Néill m. Echach máthair Conaill & Éogain. Indécht ben Bruiti .i. Cruind. It h-é a mc Colgo & Crimthan. Sciath ben Taidg mc Céin a Caissiul.
¶1486] Clanna Fergusa .i. Dál Connaid et Dál Cethirnn et Dál n-Áuluim (a quo episcopus Eircci Sláine et Brénaind Birra) et Corcco Dálann a quo Cainnech moccu Dálann et Dál Condrach dia m-báe Éllim m. Condrach. Do óen-breith roducait Aulomm & Condrí dá m. Fergusa & is amlaid rucad Condrí & cluas Auluim inna béolu iarna tescad de et Dál m-Buinne et Mendraige.
¶1487] Fer Cíchech m. Fergusa a quo Orbraige na h-Aille & Orbraigi Irruis.
¶1488] Trí mc Medba fri Fergus dar cenn n-Ailella: Ciar, Corcc, Conmac. Ciar a quo Ciarraige Luachra & Ciarraige Chuirchi & Ciarraige Áe & Ciarraige Choinnenn, Corcc a quo Corcco Mo Druad tantum, Conmac a quoConmacne Réin & Conmacne Mara & Conmacne Cúili Talad & Conmacne Chúle & Conmacne Ceníuil Dubáin.
¶1489] Mug Roith m. Fergusa a quo Fir Maigi Féine. Is é luid do fhoglaim druídechta co Símón n-druíd & is maróen do-rónsat in roth rámach tic dar Eóraip ria m-bráth h-isin bliadain ria cathugud do Símón fri Pól & fri Petur. Ocus is aire chairigthir for Eóraip ar dáig dalta cach ceníuil ro báe moalle fri Símón ic cathugud fri Petur.
¶1490] Cacht ingen Cathmind ríg na m-Bretan máthair Moga Ruith. Roth mc Riguill ro-dn-alt. Is de as- berar Mug Roith.
¶1491] Dá mc Moga Ruith: Buan & Fer Corb. Der Draigen máthair dá mc Moga Ruith & máthair Chairpri Lifichair dí siair do Chorco Barddéine ó Dún Chermna.
¶1492] Dron immorru ingen Láiríne cétmuinter Moga Ruith, ocus ingen do Mug Ruith Tlachtga ut alii dicunt, co ru-s-toirrchitar trí m. Símóin ria tíchtain anair & ruc trí macco dóib & h-is sí tuc lé Coirthi Chnámchaille .i. fuidel ind roith, & is é no-d-mbrisse. Dall cach n-óen no-dn-aiccfe, bodar cach óen no-cluinfe, marb cach óen frisa m-bena.
¶1493] Conall Cernach: Findcháem ingen Cathbad a máthair nó ingen Mágach siur secht m. Mágach.
¶1494] Clann Conaill Cernaich: Dál n-Araide & Úi Echach Ulad & Conaille Murthemni & Laígsi Laigen & na secht Sogain.
¶1495] Clann Celtchair dano: Éogan et Ailill, Sem et Fer Tlachtga, Cathnia & h-Uathnia & Drúithnia a quo Muindruine la Connachto.
¶1496] Clann Uathnia: h-Uaithni Thíre & Uaithni Cliach.
¶1497] Clann Cathnia na Cóenraige.
¶1498] Clann Fir Tlachtga dia tá Dál n-Umain & na dá fortuaith Arad.
¶1499] Clann Sem dia tá Semne na n-Déisse de quibus Mo Chuaróc ind ecnae.
¶1500] Clann Ailella dia tát Cenna la Luigne Connacht & Úi Forchellaich ind Fhochlae.
¶1501] Clann Éogain: Corcco Soilgind Cruaich & Corcco Solgind des Fiud, Corcco Solgind Droget, Corco Solgind Maige Locha, Corcco Solgind Tethba.
¶1502] Clann Chonchobuir m. Fachtna .i. Cormac Cond Longass, Cúscraid Menn Macha, Furbaide Fer Benn, Findchad Find, Fiachu, Fiachna, Conaing, Maine, Follamain, Glaisne a quo Cenél n- Glaisne.
¶1503] Dicunt alii eum habuisse duos alios filios{facsimile page & column 158} id estBenna a quo Benntraige, Lama a quo Lamraige & ní h-é Lama m. Eircc & m. Findscuapi ingini Conchobuir.
¶1504] Cú Chulainn cecinit:
- Ro-m-báe laithi rordu rind
i n-iath Cairpri des Bóinn
báe cenn airech ar ar feirt
for ar sithbi báe egaircc.- Bátar cadain for Clár Chlíu
clár n-dess géisse for suidiu;
ba derg ar carpat uile
ba lán cenn ar n-etruide.- Ba fír ba h-escond ar scor
ar-róet ocus Ibor
ba h-é sin ar gním glan glé
h-isind laithiu bámar- ne.ROM.
¶1505] Fergus dano fodeisin iarna máthair m. do Róich ingin Echach mc Carpri m. Lugdach m. Loga Luaith m. Ceithnenn Caiss m. Danann Deirg
¶1506] Mongán m. Fiachna cecinit do thecosc a athar:
- A Fhiachnae ná ráid in gáe
is buidech Dia do cach fhír;
bretha córa for cach dáil
issed dlegair do cach ríg.- Mad cumma ech ocus ech
mad mé no thecmad oc rath
madat comluatha frim les
ním luaidfed men(?) ar a n-dath.- Doíne bátar sunn co se
for bruinnib Emna Mache;
mad dia no-s-tísed taithlech
a n-h-uabar isim aithrech.- Fergus m. Leite in rí
no luaided cairptiu ar Machi;
Ulaid cen écnach cen on,
dia éis ro-s-gab Conchobor.- Nocon do biuc báe dia bríg,
ba ferr Conchobor cach ríg;
acht in Rí ro delb in sam
Coimdiu nime ocus talman.- Ba fial Cacht m. Ilguine
ba suithcherna fria guide
mad ara buar cessed nech
roindfed a chrod i certleth
- Ropu chalmu láechaib Luar
bale i comraiced cach sluag,
is é bas genaige trá
cach duine nacha cuala.- Meicc beca ní geibtis eill
do Muinremur mac Geirrceind,
menad leis oc uaim a brond
tan na n-gonta i cath comthrom.- Nochon fhuilgitis na líuin
buille Fergusa fortríuin
no daimtis cauraid cára
do mac Roäich rodána.- Dá h-úa Roäich ruamna gass
Illann ocus Ilarchass;
trí h-úi Chleite—comol n-glé—
h-Iruth, h-Uath is Aislingthe.- Maicne Conchobuir ind ríg
la Ultu ba mór a m-bríg,
níro thimchell cath ná crech
nónbor ar-do-sáraigfed.- Cormac Con Loingess don laind
Fiachna, Glaisne & Conaing,
Maine, Cúscraid—comol n- glé—
Findchad, Fiachu, Furbaide.- Clann Amargin ercctha chned
Conall Cernnach a sinser,
Mess Dé & Mess Dedaid dian,
Láegaire, Cass moa m-bíd bían.- Trí meic Fiachrach a Cuailnge
cethern no bíd fri h-uaibre;
fri gail ní coímclóitis dath
Ross & Dáre is Findchad.
- Ní fácbaitis ní dia n-urd
maicne Durthecht a m-Murbulg;
is cian ó thánic a r-ré
Éogan, Crimthan, Congal Clé.- Maicne Uislenn ard a n-gus
maith a teglachus h-i fus;
reithitis caurach dar sál
Noísse & Aindle is Arddán.- Ibar coicthi cinnas lat
& trí m. Riangabrat,
Foroll ón tuind—trén a ferg—
Conall Cuinnid, Áed Óderg.- Fer ro báe sund fri sella
Bricriu noíthech Neimthenga;
dí cích mná no chlóitis leis
ba méiti no-s-imrestais.- Ailill Miltenga nád mair
is dia innisin no-m-fhail;
fir domain dia n-delbtais cath
ba derb ar-do-sídaigfed.- Gilla no bíd sun innú
diarbu chomainm Caulaind Cú,
ro báe a h-uamun in cach airm
co mair a ainm in cach dú.- Is lia a turim ar cach dáil,
is leór sin dia tuarascbáil;
nocon fhuaratar fria ré
sluag fo nim dia n-ergaire.- Dia m-bátar i n-Emuin uais
muinter Conchobuir co cruais,
triar as cach cóiciud cain
daimtis cert d'óenfiur d'Ultaib.- Ro scáchatar sin uile
nocho mair díb óen-duine
is erchraidi in domun dai
cid nách déice, a Fiachnai.A.
¶1507] Sétanta id est Cú Chaulaind m. Soaltaich m. Becalta m. Móralta m. Dubthaich m. Ibair m. [gap: cancelled by scribe/extent: about 3 lines]
¶1508] Cú Allaid m. Laisre m. Fínáin Bic m. Laisre m. Dathail m. Suíre m. Saiglenn m. Dee m. Dere m. Labrada m. Caiss m. Buen m. Moga Ruith m. Fergusa nó ita Mug Roith m. Cuinisc m. Fir Thechet m. Fir Glain m. Loga m. Mathláin m. Mathrai m. Magdoin m. Matheirni m. Allóit m. Nóende &rl.