¶1422] Na trí Fothaith id est Fothud Airgdech & Fothud Carptech & Fothud Canann. Óendé & Clóendé & Tróendé a n- anmann. De quibus hoc carmen dicitur:
- Tri Fothaid Elgga cen chron
trí h-úi Luigdech meic Garbchon;
riasiu roptar Fothaid fir
éol dam anmand in trír-sin.- Óendé ocus Clóendé cingg
ocus Tróendé ní cheilimm,
ba h-ed sain ar cach achud
anmann na trí fír- Fathud.T.
¶1423] Trí mc sin Fainchi Treichíchige ingine Náir m. Airmora do Aradaib Cliach .i. trí mc Maicniad m. Lugdach m. Dáire Deirg m. Gnáthaltaich m. Nuadat Necht ut alii dicunt. Beired Fainche emnu .i. trí fermaic.
¶1424] At-berat araili de h-Ibdachaib de Ultaib a m-bunadas .i. dá mc Iarél Glúnmár Forcc & Inboth fo-s-focaib Rechtaid Rigderg i n-Albain.
¶1425] Ó ra mebdatar catha remib con-selgat crícha mára i n-Albain comtar fássa.
¶1426] Giallsat fir Alban do Rechtaid Rigderg comba rí h-Érenn & Alban. Is de atát Tuatha Forc & Inboth allathair. Do-llotar sé cóicait fer ar longais tairis anair. For-gabsat [gap: extent: 6/7 letters] Chluichri & ní fortaat. Gabsat crích Maine & crích Fiachrach Aidne. Gabsat crích m-Baiscind a comarbus a senmáthar h-Uaithne ingine Echach m. Luchtai. h-Éile & Uaithne dí ingin Echach m. Luchta.
¶1427] Tír n-Éile óthá Sinaind sair & fodes. Tír n-Uaithne óthá Sinaind siar & fothuaid co Deirgdercc. Conid ó anmannaib na m-ban-sin do-ingartatar a cenéla & a n-geneloige. Ar do-luid in dara n-aí (.i. Éile) co h-Éli Rigderg conid de do-gartar Éle. Luid araile .i. h-Uaithni co Forccuss Foltlebur conid de do-gartar h-Uaithne & ro bátar cethri niaid do chlaind aicce .i. h-Uaithnia et Drúithnia, Cóennia & Deochnia.
¶1428] Trí bráthir Óethnia & Drúthnia. Sunt & qui dicunt Maicnia id est pater na Fothad .i. Maicnia pater na Fothud m. Cairpri m. Cormaic m. Mesen Suad m. Mesin Fuiric m. Mesin Foirgill m. Coirpri m. Inboth m. Iarél Glúnmáir.
¶1429] Alii dicunt: Trí Fothaid m. Feideilmid m. Niad m. Gnáthaltaich m. Eircc Náir m. Cairpri Niad Fir & Feidelma Foltchaíme. Is de atá Lechlenn Ircc. Is de ro-chét:
- Noco rabi rígdomna
bad mó Ercc m. Feidelmae
¶1430] Is é ro báided h-i Loch Rii. Huc usque de Psalterio Caisil scriptum est.
¶1431] Matudán mc Ruadrí m. Cathniad m. Cathaláin m. Catháin m. Dermata m. Óengusa m. Gormgaile m. Flaithim m. Fogartaich m. Donngalaich m. Fothaid m. Tómmáin m. Fínáin m. Fiachrach m. Fintain m. Nad Fraích m. Meic Laisre m. Meic Caille m. Fergusa m. Dalláin m. Fachtnai m. Fothaid Airgtich m. Maccniad ar roptar iat trí mc Maccniad na trí Fothaid.
¶1432] Sé mc Dermata: Grádmaccán et Áebennán, Dub Lenna, Finnechán, Cathán, Láegaire et Findmaccán.
¶1433] Trí mc Óengusa dano .i. Dermait & Clúmán & Mac Lachtnai.
¶1434] Dá mc Gormgaili: Cormac & Óengus.
¶1435] Gormgal et Caicher dá mc Laithim m. Fogartaich.
¶1436] Fogartach, Forbasach, Aurthuile trí m. Donngaile.
¶1437] Dá mc Fothaid: Donngalach & Cathasach.
¶1438] Ailill & Fergal dá m. Athechdae m. Ailde m. Thómmáin.
¶1439] Máel Colggaich & Tómmán & Ailill & Cenn Fáelad cethri m. Fínáin m. Fiangalaich.
¶1440] Berach & Fintan dá m. Fiachrach m. Fintain.
¶1441] Caíchne & Mac Caille dá m. Fergusa m. Dalláin m. Fachtnae m. Fothaid Airgdich.
¶1442] Cóic m. Catháin .i. Cathalán & Cermaint, Catharnach, Mac Lachtnai & Diarmait.
¶1443] GENELACH H-UAITHNE TÍRE.
¶1444] Loingsech m. Sestnáin m. Congeltaich m. Donnchada
¶1445] Cethri mc Mamennaich m. Brócáin mc Beraich .i. Eochuid & Forbassach, Fogartach & Muirgius.