¶1344] .i. Gailenga tair & tiar, Ciannachta tess & tuaid, Luigne tair & tiar & na cethri Delbna: Delbna Mór et Delbna Bec et Delbna Ethra i m-Midi et Delbna Tíri Dá Lacha i Connachtaib. Gailenga didiu et Ciannacht clann Taidgc m. Céin m. Ailella Auluimb. Sadb dano ingen Chuind Cétchathaig máthair nói m. Ailella Auluimb. Is díb-side dano Cian athair Taidg & is iat ro marbtha i cath Muccrama la Lugaid mc Con & la Lugaid Lága m. Moga Nuadat .i. bráthair a athar, et is h-é side ro marb Art m. Cuind isin chath chétna.
¶1345] Tadgc m. Céin dano dá mc lais-side .i. Condla & Cormac. Condla sen Ciannachta tess & tuaid & sen h-Éile Muman. Cormac Gaileng sen sain Gaileng tair & tiar & Luigne tiar & tair & na Saitne.
¶1346] Condla dano m. Taidcg dá mc leis .i. Findchad Ulach & Fiachu.
¶1347] Findchán mc Féicc m. Findchada Ulaich is h-é toíssech ro gab Glenn Gemen. Ocht mc leis .i. Fiac & Cú & Echen, Fergus, Mac Cass, Sabarnach, Coarthach, Find.{facsimile page & column 154a} Coarthach mc-side Loiscibet .i. bancháinte do Chiannacht Glinni Gemen do Cheníul Fergusa m. Lemna m. Cóelbad do-bert tír dó conid de at-berar Coartrige.
¶1348] Fiachu m. Condlai immorru is uad-side Clann Cind Fáelad.
¶1349] Cormac Gaileng didiu m. Taidc .i. dia ruc gáe Taidg leis dochum na m-brocc co táncatar-side for enech Taidgc immach unde Gaileng nominantur.
¶1350] Ego autem puto eos immanitate fumi uel caloris igniti cogente foras tunc et nec mirum si gentiles putarent eiusdem foras praeclari illius uiri ueritate esse uocatos & postquam foras egressi sunt statim occidit eos Cormacus, et ideo exulatus est a Tadc et hinc in prouerbium uenit nomen generis eius id est Gaileng.
¶1351] Domnall m. Menman m. Máel Choscraig m. Domnaill m. Maicnia m. Tuathail m. Éodusa m. Ailella m. Cind Fháelad m. Gerthaidi m. Crónáin m. Tigernaich m. Ailella m. Echach Binnich m. Dubthaich m. Bressail m. Fiachach m. Thaidgc.
¶1352] Dubgall m. Céile m. Cummascaig m. Muiredaich m. Thigernaich m. Óengusa m. Cind Fáelad.
¶1353] Éogan mc Echthigeirn m. Flaind Manistrech m. Echthigirn m. Óengusa m. Máel Neire m. Breisleáin m. Echdach m. Máel Dúin m. Éodusa m. Ailella.
¶1354] Murchertach m. Taidgc m. Conduib m. Máel Fábaill m. Indéirge m. Máel Temin m. Daithgiusa m. Lachtnáin m. Fulla m. Concellaig m. Condla m. Lúthláetachta m. Cáecháin m. Dubáin Chiannachta m. Find m. Findcháin m. Féicc m. Findchada Ulaich m. Condla m. Taidg.
¶1355] Máelodur m. Iffernáin m. Canacáin m. Deinmedaig m. Caracáin m. Ruadín m. Daithgiusa m. Lachtnáin.
¶1356] Bróen m. Gillai Chuileáin m. Cléirich m. Ceinnétich m. Áilgenáin m. Máel Ruanaid m. Sechnassaich m. Aingeda m. Máel Ruanaid m. Sechnassaich m. Ultáin m. Lonáin
¶1357] Rígbarddán m. Con Coirne m. Móenaich m. Cerbeill cuius filius Gilla Pátric m. Dúnlainge m. Cnáimíne m. Máel Ruanaid m. Sechnassaich ut supra.
¶1358] Corcco Áelda dano do Síl Condla m. Taidc dóib. Corcco Tene do Síl Briain m. Echdach dóib. Dá ardaiccme dano Corcco Tene: Clann Máelhuidir & Cenél n-Eircc. Trí h-ardaiccme immorru Corcco Áela .i. Úi Dínertaich & Úi Midgusa & Úi Amraid.