¶812] Cairpre Liphechair trá mac Cormaic trí mc leis .i. Eochaid & Eochu Domplén & Fiachu Sraiptene senathair Néill & is fair do-rónsat mc a bráthar in fingail .i. na trí Collae. Colla h- Uais a quo Úi Meich h-Uais, Colla Mend a quo Mugdorna, Colla Fochríth a quo Úi Chremthaind eter dá loch.
¶813] Cethri mc Conla Fochríth .i. Imchad, Findchad, Rochaid, Fiachra Cassán.
¶814] Óenmc la h-Imchaid Muiredach Míad nó Méth a quo Úi Méith.
¶815] Cenél Rochada .i. Síl Daim Argait & Úi Briúin ar Chaill & Úi Labrada & Dál n-Uaich.
¶816] Óenmc la Rochaid .i. Daig Duirn.
¶817] Óenmc la Daig .i. Fiacc.
¶818] Cethri mc Féicc: Crimthann Lethan & Crimthann Oach a quo Dál n-Oaich, Brion, Labraid.
¶819] Secht m. Crimthaind Lethain: Eocho, Muiredach, Brocc, Fergus Cennfotai, Lugaid, Conall, Énnai.
¶820] Dá mc Echdach .i. Cairpre Dam Argait & Eochaid Ándgne la Conaille Fernmaige & Cenél n-Albanaich la Uu Labrada & Cenél n-Encha la Léithrind Luacháin.
¶821] Secht mc Coirpre: Daimíne, Nad Sluaig, Feradach, Báetán, Láegaire, Cormac, Nath Í.
¶822] Ocht mc Daimíni .i. Luachán, Lugaid, Ailill, Conall, Tuathal, Damán, Bennán{facsimile page & column 141a} Mór, Bennán Bec.
¶823] Síl Fiachra Cassán .i. ind Airthir im Ard Macha. Cethri mc Feideilmid mc Fiachrach .i. Bressal, Eochaid Crón, Fiacc, Trian Cennfhindán. Dá mc Féicc m. Feideilmid: Niallán a quo Úi Nialláin, Dorthon a quo Úi Dorthain.
¶824] Trí m. Echach m. Conlai Óiss .i. Ercc, Brion, Fiachu Tuirtri .i. ar sheirc tuirtri.
¶825] Brion mc Echdach a quo Úi Cormaic.
¶826] Dáire m. Eircc m. Echach m. Conlae Óiss a quo Úi Dáire.
¶827] Fiachu Tuirtri .i. tort ríi ar is leis cétna ro nas torgabail Conailli for Maig Muirtheimne.
¶828] Trí mc Cáirthind m. Fiachrach .i. Forggu & Mac Eircc & Amalgaid.
¶829] Colla Fochrí dano is de as-berar són nó Fochré. Mac-som Echdach Domplíuin & mac Eilgri. Ben-side Chrindén cerdda co rus- toirrchestar Eochu do chind a céile. Con-bretha Colla de & con-celta-si fora céile & ebaltair sé fri fichit m-bliadan. As-rir Eochu coícait lulgach dond altrom- sin fri Crindáin tria
¶830] Item. Trí mc Dega Duirn mc Rochado .i. Fiacc athair Crimthaind, Labraid a quo Úi Labrada, Brian a quo Úi Briúin.
¶831] Cóic m. Crimthaind .i. Eochu, Áed, Fergus Cennfhota, Muiredach. Mc dó-side Echaid Amainsen a quo Úi Meic Brócc.
¶832] Mc Echdach Amainsen: Blatchú, Muiredach, Mac Ieir, Tigernach Garb.
¶833] It h-é inso mc Carpri Daim Argait mc Echach mc Crimthaind mc Féicc m. Dega Duirn m. Rochada mc Colla Fochrith .i. Daimíne, Cormac, Nad Sluaig, Feradach, Fiachu, Báetán, Áed.
¶834] Mc Daimíne m. Daim Argait .i. Conall, Ailill, Lócán, Bennán Már, Bennán Bec, Damán Láech, Damán Cléirech díbad, Tuathal a quo Úi Tuathail, Áed. Is ón Chonall dano atát Léithrind Conaill for Dobla. Ónd Ailill Léithrind Ailella. Ón Lócán Léithrind Lócáin. Ón Damán Láech Úi Damáin & Úi Guassai. Cethri m. Conaill m. Daimíni .i. Fínán a quo Síl Fáeldobuir, Rónán a quo Cland Dognaith, Fiachra a quo Síl n-Eistich, Fergus a quo Síl Sechnassaich. It h-é sin Síl Daimíne &rl.
¶835] Colla Óss ara déine nó combad h- é Óss sédguine no-dn-ailed nó h-Uais ara uaisle a quo Úi Meic Uais & Úi Tuirtri.
¶836] Furudrán m. Béicce m. Cuanach m. Dáire m. Feideilmid m. Echíne m. Fiachach Tuirtri m. Colla Óiss.
¶837] Bressal m. Fergusa Forcraid m. Máel Fothardaich m. Suibne m. Furudráin m. Béicce.
¶838] Congus mc Moínaich m. Óengusa m. Béicce.
¶839] Cú Dínaisc mc Rothechtaid m. Rónáin m. Ultáin m. Suibne m. Furudráin m. Béicce.
¶840] Trí mc Béicce: Subne, Rónán, Furudrán. Secht meic cach meicc do macaib Béicce.
¶841] Colmán mc Éogain m. Forgco m. Meic Cárthind m. Eircc m. Conlae Óiss m. Echdach Dampliúin m. Cairpri Liphechair.
¶842] Colmán Muccaid mc Áeda Guaire m. Amalgada m. Muiredaich m. Meic Cárthind.
¶843] Fiachra & Mac Cárthind dá mc Eircc m. Conla Óiss.
¶844] Secht mc Fiachrach: Dochortach, Eochaid, Conrii, Tigernach, Óengus Sinlám nó Sírlám, Éogan Dub, Maine.
¶845] Dá mc Dochartaich .i. Brénaind, Cormac.
¶846] Cóic m. Cormaic .i. Crimthann a quo Cenél Raithne, Fergus Corr a quo Cenél n-Erchoil & a quo Adnach Letrach Dalláin, Áed Ropp a quo Genus Ropáin de quibus Nepotes Tnúthaich, Ainmeire a quo Genus Forannáin, Epscop Áed díbad.
¶847] Forannán trá mac-side Ainmerech.
¶848] Cóic mc Forannáin .i. Guaire, Scandal, Commán, Rónán, Cummascán.
¶849] Cethri mc Guaire .i. Congal, Máel Cothaid, Máel Dúin, Cellach & in cóiced Tonnach .i. díbad.
¶850] Coibdenach{facsimile page & column 141b} et Flann & Muirgius trí mc insin Écomris m. Congaile m. Goaire.
¶851] Máel Bresail m. Áeda m. Crícháin m. Cathasaich m. Máel Cothaid m. Guaire m. Forannáin m. Ainmerech m. Cormaic m. Dochartaich m. Fiachrach m. Eircc m. Conlae Óis.
¶852] Dá mc Óengusa Sírláim .i. Crimthann & Nad Sluaig.
¶853] Cóic mc Nad Sluaig .i. Rígán, Breccán, Áedán, Slóigíne, Fechíne.
¶854] Cú Domnaich & Tairndrechtach dá mc Cind Fáelad m. Máelóc m. Baígill m. Rígáin m. Nad Slóig.
¶855] Étar m. Ségáin m. Conaill m. Áedáin m. Coluim m. Crimthaind m. Fergusa m. Oengusa Sírláim m. Fiachrach.
¶856] Mac Cárthind .xii. filios habuit id est Muiredach, Énna, Tigernach, Óengus, Lóegaire, Fergus pater Desséne. It é inso mc na cumal. Laugaid Lomm, Brion a quo Genus Dímae m. Nath Í m. Brion, Óengus Coll Cáech a quo Úi Findchuill, Senach Seissi, Dau, Nad Sluaig.
¶857] Cóic m. Énna: Forgco, Colum, Fintan, Fergus Baille, Eochaid.
¶858] Cóic m. Forgco: Éogan, Breccán, Bressal, Eochu, Nath Í.
¶859] Congal trá m. Dúnchada m. m. Ultáin m. Colmáin m.
Éogain m. Forgco.
¶860] Cóic mc Tigernaich: Cathchern, Fortchern, Ercc, Ailill, Cairpre Dergc Oircc .i. súil messáin.
¶861] Cenél Catcheirn a quo Síl Find oc Léthrind Binnich.
¶862] Dá mc Láegaire .i. Crimthann & Maine.
¶863] Óenmc Maine Dechoin Áed h-i Cúil Maine.
¶864] Muiredach mc Meic Cáirthind óenmc leis .i. Amalgaid.
¶865] Noí mc Amalgada .i. Áed Guaire, Totán, Domungart, Fiachra, Conall Find, Conall Crón, Guaire, Áed Menn, Osgen.
¶866] Dá mc Áeda Guaire .i. Suibni & Muccaid.
¶867] Dá mc Muccada .i. Máel Aithi & Fergus.
¶868] Cethri mc Fergusa: Conall, Muiredach, Congal díbad, Fiachra díbad.
¶869] Dá mc la Conall: Nia & Congal.
¶870] Óenmc la Muiredach .i. Fland.
¶871] M. do Flaund Áed.
¶872] Sé mc Niad: Fergus, Flaithnia, Muiredach, Colgco, Amalgaid.
¶873] Dá mc la Suibni m. Áeda Guaire: Diucaill & Máel Bressail.
¶874] Óenmc la Diucaill .i. Moínach.
¶875] Trí m. Moínaich: Dúnchad, Dúngal, Murgal.
¶876] Trí mc Murgaile: Ruidgel, Báethallach, Muirthile.
¶877] Cethri m. Dúnchada: Dindotach, Fergal, Dub Dá Braine, Suibne.
¶878] Cóic mc Dindotaig: Mimdenach, Moíngalach, Cathasach, Murgal. Dúngal. In sessed Sáergal díbad.
¶879] Óenmc Máel Bressail .i. Ailill.
¶880] Trí mc Ailella: Eochuid, Díchú, Máel Aba díbad.
¶881] Dá mc Echach: Fiachra, Bécc.
¶882] Finnachtach m. Díchon a quo Úi Díchon.
¶883] Cóic mc Totán mc Amalgada .i. Conall, Lóchíne, Báetán, Forannán, Colmán díbad.
¶884] Dá mc Conaill: Forannán, Diucaill.
¶885] Trí m. Forannáin: Máel Aithgén, Fiannamuil, Scandlán.
¶886] Fidrue mc Máel Aithgén a quo Clann Fidrui. Secht m. la Fidrui .i. Nuadu, Cuithgal, Cumascach, Cú Chailled, Rúngal, Scandlán, Illan.
¶887] Óenmc Fiannamla .i. Congus.
¶888] Trí m. Congusa díbaid.
¶889] Óenmc Diucaill mc Conaill .i. Tómmán cuius filius Dícuill.
¶890] Lóchíne mc Totáin mc do suide Cummíne.
¶891] Trí m. Cummíne: Máel Fithrich, Máel Ochtraig, Fáeldobur. M. dó-side Báeglech ailithir díbad.
¶892] Dá mc Máel Ochtraich .i. Fiangnia et Snéidgus.
¶893] Máel Mílcon mac-side Máeli Fithrich.
¶894] Cethri mc Máel Mílcon .i. Fáeldobur, Snímach, Condae, Fianchú.
¶895] Forannán m. Totáin óenmc leis .i. Máel Aithgén.
¶896] Cethri mc Máel Aithgén .i. Blatchú, Fualascach, Indarcach, Cú Doith.
¶897] Óenmc la Báethchoin .i. Aildobur.
¶898] Cóic m. Aildobair: Máel Aithgén, Forannán, Báethgus, Máel Raitte, Sodomnach.
{facsimile page & column 142a}¶899] Cóic m. la Fualascach: Fáelchú, Totán, Báethchú, Ailching, Constans anchorita qui est in Éoinis.
¶900] Constans m. Fualascaig mc Máel Aithgén m. Forannáin m. Totáin m. Amalgada m. Muiredaich m. Meic Cáirthind m. Eircc m. Colla Uais.
¶901] Báetán m. Totáin cethri m. leis: Crunmáel, Ferdomnach, Táidíne, Máel Anfaid. Díbad triar díb.
¶902] Óenmc la Máel Anfaid .i. Diucaill.
¶903] Óenmc Diucaill .i. Manchán.
¶904] Trí m. la Conall Find .i. Rónán, Ailill, Diucaill.
¶905] Dá m. Rónáin: Báethíni, Máelodrán.
¶906] Óenmc Ailella: Cuirennán.
¶907] Dá mc Cuirennáin: Airmedach & Cenn Fáelad.
¶908] Connachta trá it h-é ata nesom do Úib Néill do mórchlannaib h-Érenn. Oc Eochaid Mugmedón con-drecat Úi Néill & Connachta .i. Niall & Brian & Fiachra & Ailill & Fergus cóic m. Echach insin ut supra diximus. Na h-Airgialla trá at é as nessom do Úib Néill aithliu Connacht. Oc Cairpriu Liphechair con-drecat Airgialla fri Ú Néill & Connachtu .i. Fiachu Sraiptene m. Carpri Liphechair m. Cormaic Ulfhota m. Airtt Óenfhir m. Cuind Cétchathaich is é senathair Echach Mugmedóin. Is uad-side atát Úi Néill & Connachta.
¶909] Eochu Domplén m. Cairpri Liphechair úi
Cuind Chétchathaich bátar trí mc oca .i. na trí Collai ó tát Úi
Meic Cuais & Úi Crimthaind & Mugdorna.
Fiachu Sraptene didiu & Eocho Domplén dá mc Carprí Liphechair. Is forin
Fiachaich-se trá fo-ruirmiset trí m. a bráthar na trí Collai in fingail, conid h-í
ind fhingal-sin trá ro ro scar flaithius n-
Érenn fri clainn Echach Dompliúin .i. frisna
Collaib. Is amlaid seo for-cóemnacair ind fhingal.
¶910] Ba rí i Temair in Fiachu Sraptene as- rubramar.
¶911] Baí dano mc amra oca .i. Muiredach Tírech. Is h-é ba tuarcnid flatha la Fiachaig ar ba h-ord isind aimsir-sin ná téiged in rí fodeisin isin cath acht a thuaircnid flatha dia don. Luid iarum fechtas in Muridach Tírech di ráith a athar co slógaib móraib imme. Mebais reme & do- breth giallu Muman lais. Bái dano in Fiachu h-i fus coléic i n-Dubchommur fri Talltin anes. Sluag dano lais-side insind inud i m- baí. Sluag ali la trí macaib a bráthar .i. lasna Collaib i telaich fo leith acht ba la Fiachaich bátar uile.
¶912] In tan iarum tánic in fis scél isin n-dúnad a m-báe Fiachu .i. mebsain ria Muiredach Tírech, is ed báe i m-bélaib cáich: ‘Is é adbar ríg h-Érenn in Muiredach-sa’. Is and as-bertatar na trí Collai: ‘Cid do-génam? Ro gab flaithius élúd uan. Is rí in Fiachu-sa. Ised as-beir cách ‘bid h- é a mc bas rí iarum’. Is ed as maith dún, tabram cath dont shenríg-se & teichfid in sluag uad & ticfait cucuinne riasiu tí Muredach & do-béram cath dó-side acht co tí.’
¶913] Tiagair uaidib co Fiachaich co bráthair a n- athar asin telaich i nn-araili. ‘T'airm it lámaib co comris fri macco do bráthar’.
¶914] Marbthair iarum Fiachu 'sin chath. Lotar dano na trí Collai co tríb cétaib léo for teched i n-Albain ria Muiredach. Gaibid-side rígi n-Érenn. Do-bert rii Alban grádugud mór dona Collaib ara láechdacht. Bátar téora bliadna i n-Albain. Im-rádit tuidecht co n-dernad Muiredach fingail fortho & co ructha díb int eire trom báe forro ind fhingal do-génsatar.
¶915] Do-lotar a triur na trí Collae cen choin cen gilla co m- bátar h-i Temair. At-bert in dorsaid fri Muredach: ‘Atát na trí Collai forsin fhaitchi. Cid do-géntar friu’? ‘Oslaic rempu’, ar Muredach, ‘dús cid do-génat iarum’. Do-llotar a triur co m-bátar ar lár in tigi i Temair. ‘In filet scéla lib’, ar Muredach. At-bert fer díb: ‘Ní filet ém’, arse, ‘batis ansu duit oldás a n-do- rigsem-ne .i. t'athair do guin’. ‘Ro-fetar-sa in scél-sin’, ar Muredach. ‘Ní dot dígde ém táncamar-ne’, ar in Collae cétna. ‘Is cumma dúib’, ar Muredach, ‘ní dígéltar foraib. Másu dia for n-guin do-deochabair int eire ro gabsaid foraib ní-n- dingéb-sa díb’. ‘Is maith ind airbire-sin do drochlaích’, ar in Conlae. At-bert Muiredach: ‘Ná bíd garbad foraib; ro-for-bia fáilti & diúiti i fus’. Ocus bátar iar sin ré mór i n-degbráthirse & bátar tuaircnide flatha la Muredach na trí Collai & ba mór ind imshercc báe dóib & in rí.
¶916] As-bert Muredach frisna Collu iar sin: ‘At- chíu ro gabsat ar clanna h-ilugud, bes níbat córaig diar n-éise. Scuchad cách uain ó chéile & gaibid im aimsir-se oín na tíre’. At-bertatar in Chondlae: ‘Cia tír as assum lat du thitacht dúinni dit chumachtu-so co n-dernam- ne tír claidib de’, ar ní bátar óic bad fherr andáti na Collai. At-bert Muiredach: ‘h-eirgid for Ultu fothuaid, nídat goir dún’.
¶917] Fianláech móra annsin dona Collaib. Lotar iar sin in Chonlae co Firu Ol n-Écmacht comtar daltai doaib & co-n-dar-gabsat ar grád & miad. Do-lotar postea Fir Ol n- Écmacht lasna Collu co fersat secht catha léo oc Carn Achaid Leithdeirg h-i Fernmaig for Ultaib .i. sé catha o Fheraib Ol n-Écmacht & in sechtmad lasna Collu féin. No maided dano for Ultu cech óen-laí. Cath na Conla in lá dédenach. Ní collad bág h-i s-suidiu. Gabtha in cath sam-laí & sam-adaig co tánic fuil fernu. Atá h-i fail in chairn Caill na n-Othur. Maidid for Ultu iar sin riasna Conlaib i tossuch indara laí & regair in ruac co Glenn Rigi.
¶918] Sechtmain dóib iar sin oc slaidi Ulad, co n- dernad tír claidib don tír h-i tát Mugdorna & Úi Chremthaind cosna h-Airtheraib & Úi Meic Chuais &rl.
¶919] Is é trá Leth Cuind .i. Úi Néill in deiscirt & in tuaiscirt & na Connachta & na h-Airgialla.
¶920] Conla h-Uais a quo Úi Meic Uais & Úi Tuirtre.
¶921] Conla Menn ar ba got nó ar ba Mennit Chruthnech & Mugdorn Dub di Ultaib ro-dn-alt. Mennit didiu a quá Dál Mennat la Mugdornu a quibus Máel Bresail mc Máeli Dúin, sed Mugdorn Dub unde ortus ignoratur sed dicitur di Ultaib tantum.
¶922] Secht m. Mugdoirn: Dubad a quo Dubraigi oc Imliuch Corco Duib, Pápa a quo Pápraige la Cremthaine, Caíra a quo Cairigi i Cuib, Sord a quo Sordraigi la Cremthaine de quibus epscop Ibair for Fobrech, Art a quo Artraigi Ulad de quo Cluain Artraigi la h-Ulto, Inomun a quo Corco Inomain nó Inmendi la Laigniu de quibus fuit optimus scriba Scottorum id est Lóchíne Mend, Mes Snuibi a quo Snobraigi la h-Ultu Mugdorn de quibus epscop Eithern m. Laithbe i n-Domnuch Mór Meic Laithbe.
¶923] Flanngus m. Dabuide m. Athechda m. Máeli Fótla m. Máeli Duibthemin m. Crónáin m. Fergusa m. Nad Sluaig
¶924] Bécc m. Fiachrach m. Cummascaig m. Muiredaich m. Cathail m. Echdach mc Duib Thíre m. Echach Lemna m. Máel Fhathardaig m. Máele Dúin m. Fergusa m. Luacháin m. Daimíni m. Carpri Daim Argait ut supra.
¶925] Conla Fochríth a quo Úi Cremthainn & Úi Méith & ind Airthir. Ar it é cethri mc Conlae Fochríth .i. Findchad díbad, na trí aile amal at-rubramar.
¶926] Óenmc la Rochaid .i. Daig Duirn. Trí m. leis-side amal at-rubamar.
¶927] Sé mc la Crimthann ut diximus & is é in sessed mc .i. Eochuid a quo Clann Slébíne & Clann Flannáin h-i Fernmaig.
¶928] Óenmc la Eochaid mc Crimthaind .i. Carpre Dam Argait.
¶929] Secht mc la Carpre Dam n-Argait ut diximus.
¶930] Noí mc la Daimíne mc Carpri ut diximus.
¶931] Oc Fiachaig Sraiptine con-drecat Úi Néill & in dí Chonnacht as-rubrammar frisin tres Connacht{facsimile page & column 143a} .i. fri Ú Maine .i. Brian & Niall & Fiachra & Ailill & Fergus, cóic m. Echach Mugmedóin m. Muredaich Tírich m. Fiachach Sraiptine m. Carpri Lifechair.
¶932] Maine m. Echdach m. Domnaill m. Fiachach Sraiptine m. Carpri Lifechair in tres Connacht.
¶933] Oc Cairpriu Liphechair con-drecat Úi Néill & Connachta & na trí Conlae trí m. Echach Dompliúin m. Carpri Liphechair.
¶934] Oc Nuadait Argatláim con-drecat Muimnig & Laigin fri Síl Cuind co n-Ultaib & Dál Riata.
¶935] It eat slointi fil ó Lochaib Éirni siar .i. int shlointi quidem(?) ata nessom de lochaib de Úib Néill do suidib .i. Cenél Cairpri m. Néill & Cenél Láegaire m. Néill & Énnae m. Néill.
¶936] Callraigi Mór & Luigni fri suidiu aniar. Tuatha aithech acht is i n-géillni immorro ad- rímiter & ní-s-fil i n-árim Connacht.
¶937] Úi Ailella immorro ní-s-fil i n- áirim Connacht ar it clann sáerbráthar do Niall & do Brian ut diximus. Téora Connachta cách díb h-i fail araile. Tuatha inso filet fri Loch aniar. In dá Niall immorro & na h-Airgialla fri Loch anair. Dál n-Araide fri suidiu anair: ainm aili dóib Cruithne. h-Ulaid friu-side
¶938] Conaille dano di chlainn Conaill Cernaich dóib. Dál Runtair & Glasraigi h-i Cuailnge & Dál n-Imda di chlaind Conaill Costamail nó Cosduib. Ingen ro-s-fuc dia h-athair .i. Creidne banfhéinnid a m-máthair. Ingen-side do Chonall Costamail. Baí cóicid Conchobuir in Conall. Ba h- aithis leis a ingen do brith macc dó. No-s-berthi uad iar sin i n-imechtar a fheraind ar ba h-écen do Chonall etarscarad na m-mac-sa fris fo bíthin a rígnai .i. Aífe a h-ainm ar ba már in cocad báe eter Aífe & Creidne. Do-luid Creidne iar sin for fiannas do fhogail a h-athar & a lesmáthar ar bith a m-macc sechtar a m-bunadchenél. Trí nónbuir dí for fiannas, cúl-mong fichthi furri. Cumma fo-fiched muir & tír. Is aire at-breth dí Creidni ba féinnid. Secht bliadna dí for longais (.i. eter h-Érind & Albain) co n- dernai córai fria h-athair. As-bert intí Conall tria fáithsine & fissidecht fria ingin: ‘Biaid dílgenn for Ultaib’, ar Conall, ‘& fo- gluaisfitir asa tír & do thrí meic-siu, a Chrethni, biat léo co lá brátha na tíre inlatar & ní bia cumscugud foraib & ro-s-bia ana & immad n-gaiscid’. In Conall Costamail-seo trá mac- side Findchaid m. Óengusa m. Gáeth m. h- Ubláith m. Rochada m. h-Íréil Glúnmáir m. Conaill Cernaich.
¶939] Callraigi .i. Trebullchallraigi fri Lochaib Éirne aniair & Corcco Laígdi la Mumain & Corco Oircthen la Mumain; trí mc insin Dáire mc Íréil Glúnmáir m. Conaill Cernaich.
¶940] h-It é inso na trí Lugdaig meicc Dáire .i. Lugaid Cál a quo Calraige, Lugaid Leog a quo Corcco Lóegdi, Lugaid Orc a quo Corco Orcthi. At- berat fairenn cóic mc Dáiri mc Sidebuilc cóic Lugdaig: Lugaid Loígde & Lugaid Cal-, Lugaid Orc, Lugaid Lon, Lugaid Fer Corb cóic mc Dáire m. Sidebuilc m. Fir Fuilni m. Tecmanndrach m. Lugmandrach m. Loga m. Eithnenn m. Lugdach m. Ítha m. Míled Espáin.
¶941] Corco h-Óchae dano a m-bunadas di Ultaib.
¶942] Is aire as-berar Fergus Foga .i. cruísech la gáe i nh-Éire is é ro airnecht conid de ro lill Fergus Fogae. Is é tairthiud immorru ind Fhergusa .i. bert Indécht ingen Maicniad m. Lugdach di Ultaib trí macco i n-óen-tairbirt do Chruind. Téora cíchi trá for bruinnib Indeichte. It é annso anmann na m-mc .i. Coíldub a quo Úi Choílduib la Dál n- Araidi. Is díb Fiachna{facsimile page & column 143b} m. Báetáin, ocus Iarlaithi et Mongán. Eochu a quo Fergus & Áedán m. Mongáin. Nannid a quo Diucaill mc Echdach & Cellach m. Bleidíni rí Latharna. Ba marb iarum Indecht ben Chruind ocus do-bert Cruind Findcháem ingin Findchaid Ulaich m. Conlai m. Thaidg m. Céin m. Ailella Auluimm Máir a Mumain. Ruc side dano secht macco do Chruind & unam filiam id est Óchae. It h-é immorru anmann na mc .i. Óengus, Éogan, Lóegaire, Sétna, Fiachu, Ercc, Fróecher Furtre a quibus orti sunt Úi Dercco Céin la Dál n-Araide. Fróechar Furtre for-corastar a fiair dano tria meisce .i. Óchae. Is de atá Ráth Mescae. Berid ind Óchae mc dia bráthair .i. Fergus. Bretha dano in mac-sin conidn-alt Aldóit muccaid Echach. Is de ro- ainmniged iarum clann ind Fhergusa .i. Corco Óchae do anmaim Óchae máthar Fergusa & is lasin Fergus- sa trá ceta-báe foga i nh-Érind &rl.