Corpus of Electronic Texts Edition

Genealogies from Rawlinson B 502 (Author: unknown)

Section 3

MÍNUGUD SENCHUSA LAIGIN AND SO SÍS.

14

¶23] Labraid Loingsech Móen m. Ailella Áine m. Lóegaire Luirc m. Augaine Máir a quo Lagin ut Laidcenn m. Barcedo dixit :

1. Labraid Longsech Móen
   m. do Ailill Áine óen,

¶24] Is é in Labraid-sin trá ro h-alt h-i tírib Gall & do-dechaid dar muir co n-Gallaib imme dochumm n-Alban co h-Érind. Is lais dano ro h-ort Dind Ríg for Cobthach Cóel m-Breg co tríchait ardríg imme. Is

p.18

1. Cóic cét bliadnae buadach rím

   & rl.

1. Dind Ríg     ruad tuaim tenbad,
   tríchait n-airech    fo brón bebsait.
2. Brúisius, bréosuis     bár niad lonn Labraid,
   láth Elgca     úa Luircc Lóegaire.
3. Lugaid lóeg     lonn sanb Sétna
   sochla Cóel     Cobthach mál muiredach.
4. Mandrais armu     athar ollomon
   ort Móen     macco áin Augaine.

¶25] Is iarum ro gab rígi n-Érenn amal ad-fét Find m. Rossa isin fursunnud do-rigni. Gabais dano rígi fer n-Alban & do-breth Muiriath ingen Scoriath ríg Fer Morcc dó ut poeta dixit:

1. Ní celt céis céol
   do chruitt Craiptini

   & rl.

¶26] Gabais Labraid iar sin ríge Gall

p.19

1. Domnais giallu Gall,

¶27] Ní rabi trá do rígaib h-Érenn ro-siacht in cumachta ro-siacht Labraid ut poeta dixit:

1. Lug scéith     scál finn
   fo nimib ní raibe     bid mac Áine aidblither.
2. Airddiu deeib dóen     dron daurgráinne
   glan gablach     úa Luircc Lóegaire.

¶28] Bresal Brec dá mc leis: Condla senathair Ossairge ut de illis post dicemus ocus Lugaid senathair Lagen. Mc do Lugaid in Sétna Sithbaicc.

¶29]

¶30] Cethri mc la Sétna Sithbacc ut Senchán dixit:

1. Cethri mc la Sétna Sithbacc
   suabais n-athmet, imbaid argg:
   Óengus Aucha, Artt Mes Telmann,
   Nuadu, Augen Aurgnaid ardd.

p.20

14

¶31] Óengus Auca dia tá Dún n-Ucae do-roíbaid a chlann.

¶32] Artt Mess Telmann díbad a chlann. Is lais con-rótacht Múr n-Alinne licet antea ciuitas regalis fuit, ut poeta:

1. Mál ad-rualaid iathu marb     mac sóer Sétnai
   selaig srathu Fomaire     fo dóene domnaib.
2. Di uachtur Alinne     oirt tríunu talman,
   trebunn trén tuathmar     Mis Telmann Domnainn.

¶33] Cethri meic dano leis de quibus dicitur:

1. Cethri mc Airt Mis Telmann

   & rl.

¶34] Augen Aurgnaid in tres mac Sétnai Sithbaicc: .xiii. m. lais-side ut Find Fili fatur:

Eochu Ferngen.
Finteng. Aucha. h-Eriu.

Orb. Alb. Rogen
Ruad. Donnaile
Dána. Nár. Noe.

---

p.21

Ladrann Lergnaid.
luad Cuar. caín Másc
mc Augein Aurgnaid.

¶35] Do-róebatar a clann acht Aucha a quo Cenél n-Aucha. Aicmi Ceníuil Aucha .i. Úi Fidchellaig & Úi Máeli Derir, Úi Báetáin Bic, Úi Broscae, Úi Fólaing, Úi Fithecháin.

¶36] Item. Find Fili de filiis Ailb m. Augein Aurgnaid cecinit:

1. Báeth buide     bánán dron
   dána dílmain     maicne n-Ailb áirme.
2. Achir búire     brú di derg
   Dondobur dóel Gabruan     ginne fur Findubur.

¶37] Nuadu Necht trá in cethramad mc Sétnai Sithbaicc: is uad atá bunad Lagen & ba rí Temro sé & is leis do-cer Eterscéla Mór moccu Iair rí h-Érenn i n-Ailind .i. ar Lugdaig Reo n-Derg do-géne Nuadu in gním-sin.

p.22

14

¶38] Is iarum ro gab Lugaid rígi n-Érenn & is úa dond Nuadait Necht in Find úa Baíscne & Caílte amal ro deimnig Senchán Torpéist isin Chocangaib Máir dicens: Find mc Camaill m. Trénmóir mc Suailt mc Eltaim mc Baíscne m. Nuadat Necht m. Sétnai Sithbaicc

1. Find, Taulcha,     tuath cuire, Caílte,
   crothsat cres m-bodbae     bárcaib di thonnaib.
2. Trí úi {facsimile page & column 118b} Baíscni     buadach cuitechta
   cond ar ferga     filset trí úi Nuadat Necht.

¶39] Fergus Fairrce dano m. Nuadat Necht. Mc do suide Russ Ruad. Is é-side ar-ránic cuibdius i n-deud na comarc.

¶40] Trí mc iarum la Rus Ruad nó a cethir ut alii dicunt .i. Cathbad druí aite Conchobuir m. Nessa in cethramad: Find Fili & Ailill m. Máta & Cairpre Nia Fer.

¶41] Ailill dano m. Rossa qui et m. Máta .i. Máta Muirisc ainm a máthar do Feraib Ool n-Écmacht. Do suidib do-gairder Connachta indiu & ro-ngabsat-side h-i r-ríge forthu ara máthre .i.

p.23

¶42] Corpre didiu h-i Temair, Find i n-Alind, Ailill h-i Cruachain, ut Senchán dixit:

1. Tri mc Ruaid     ruirig flaind,
   fiangal Find,     Ailill acher, cóem Corpre.
2. Caíne dind     dem i foat
   Alinn cruind,     Cruachu, Temair tóebglan

1. Can trí macco Ruaid din rind,

   &rl.

¶43] Cairpre Nia Fer trá mc Rosa Ruaid a quo Cóiced Cairpri dicitur. Is í a chlann in Chairpri-sin .i. Eochu Inmite mc Cairpri.

¶44] Mc do Eochaid Cairpre Aithem dia tá Cenél n-Atheman Serthen .i. nomen fontis h-ic Fid Chuilenn dia tá Béoán m. Nessán cona sessiur bráthar & dia tá Cenél n-Atheman Criathar andess .i. nomen siluae h-ic Cenéol Auchae, de quibus dicitur Óchtur Criathar.

p.24

14

¶45] Conall mc Echach Inmete senathair Úa n-Garrchon. Is dia claind Úi Sílain ó Thig Thindu & Úi Chraibdeilche a h-Óchtur Fine & na secht n-epscuip ó Druim Aurchaille & Fine Cilli Bicsige .i. Úi Báethallaig & Úi Brittáin la Síl Meldae & Úi Chúáin & Úi Draignén h-i Fobur, Úi Sellaig & Úi Forca i m-Maig Lethan. Úi Inmete h-i Connull & Cenél Nath Í i m-Maigib Ailbe ó Chill Éogain, is leo grian na cille.

¶46] Find File trá m. Rossa Ruaid: is é senathair Lagen olchena. Mc dó-saide in Conchobor Abratruad. Úa dó in Chú Chorb.

¶47] It h-é inso cethri mc Con Corb: Nio Corb, Cormac Losc, Messin Corb, Coirpre Cruaid.

¶48] h-It é trá cethri prím-slointi Lagen ut est Dál Niad Cuirp dia tát mc Cathaír Máir & dia tát ind ríg olchena ar batar iat dá mc Feidelmid Fir Aurglais mc Corbmaic Gelta Gáeth m. Niad Cuirb .i. Maine Mál m. Feidelmid & Cathaír Már m. Feidelmid. Ór derg díre n-enechclainne in chenéoil-sin uile. Athich cacha slointe di shund, h-uma a n-enechclann.

¶49] Dál Messin Corb in prím-sluinniud tánaisse. Airich insin .i. tánaise ríg ind fhir-sin. Argat bruinte díre a n-enechclainne.

¶50] Dál Cormaic Luisc in tres prím-slonnad. Eirrid cadesin. It é a n-aicmi-side: Úi Labrada, Úi Gabla, Úi Chuilind &

p.25

¶51] Dál Cairpri Loingsig Bic in cethramad prím-slonnud Lagen. La h-Aradu Cliach atát.

¶52] Ethne ingen Múisc uel magis Corpri Múisc ut alii dicunt máthair Corpri & Messin Corb & Cormaic & Niad Cuirp & eirrid cadessine. Argat a n-enechclann.

¶53] Is dona cethrib bráithrib-sin ro chachain in file:

1. Nia Corb Corbmac caíne airt Cairpre ara h-uirt airgdib & Messin Corb cóem h-eirr ara-chliched cairptib caín cethrar bráthar buirr bresta fian forraigtis forlunn fri macco ní gaibed Con Corb comlann.

¶54] Unde Luccraid moccu Riadda dixit:

1. Derb dal Cuirb coairt co Messin Corb caín co Niad Cuirp cuiriu Carpre cúich reri i n-óensid Baccae sluinnidar.

¶55] Et alibi dictum est:

1. Trí mc Con Corb, caín bunad,     cethramad Cairpre Arad;{facsimile page & column 119a}it h-é sin, sochla magen     sóer-Lagen lethan scarad.

¶56] Dá phrím-forsluinniud Lagen Fothairt & Laíches. Fothairt trá cétumus .i. Cenél n-Echdach Find Fuath n-Airtt m. Fedelmid Rechtada.

p.26

14

¶57] Laíchess dano Cenél Lugdach Laíchsig m. Conaill Cernaig. h-It h-é sin cliathaire Lagen díb línaib. Crédhuma a n-enechclann.

¶58] In genelogia .iiii. istorum filiorum ordo ascensionis ab inferioribus ad superiora ascendens.

DE GENELOGIA DÁIL CAIRPRI ARAD.

¶59] Cairpre Cluichechair mc Con Corb & Eithne Sithbaicce ingen side Óengusa Múisc, is uad atá Dál Carpri Arad ut diximus. Is í ind Eithne-sin birt dá mc do Choin Corp .i. Mesin Corb & Coirpre Díchmaircc.

¶60] No-s-bert-se iarum Laider ara do Ultaib a quo Dál n-Araidi. Is é ba h-ara Con Corb. Iar n-écaib Con Corb ros-fucad-se siar i m-Mumain & bert cethri macco dó i suidiu.

¶61] It é a n-anmann-side: Tecca a quoAilbe Imblecha & Énna & Dila & Artta.

¶62] Luid iarum in Cairpre siar iar tain do chuingid chobrad coa senathair co Cairpre Músc, ar ní-m-báe ferann iar n-écaib a athar .i. Con Corb lia bráithriu.

¶63] Ní tárlaic iarum Óengus aniar acht do-bert ferann dó lais tiar .i. Tír n-Duais ar ba fili in Cairpre.

p.27

DE GENELOGIA DÁIL CAIRPRI ARAD; retro haec genelogia recitatur.

¶64] Flaithbertach m. Crunnmaíl m. Commáin m. Fínáin m. Fhaigir m. Eirníne m. Féicc m. Meic Ieir m. Gossa m. Fabrich m. Máil m. Ainmerech m. Fir Roith m. Muine m. Fir Neud m. Fir Lugdach m. Buain m. Argatibair m. Cairpre Cluichechair m. Con Corb.

¶65] Item. Mebaid cath ria Síl Cuind im Artt n-Óenfer for Coin Corb co fárgbad ann Cú Chorb. Do-luid iarum Laider ara Con Corb cona chathcharput do Nás.

¶66] As-bert iarum fri h-Ethni ara toísed les ar cenn Con Corp i n-descert n-Érenn & fois-ceis as fo-des co Mugna Salchain conid h-i suidiu for-do-rá.

¶67] Luid iarum i m-Mumain co n-deirgéne fóesam a ingine fri (nó for) Óengus.

¶68] Do-bert iarum Óengus ferann do mc a ingine & do-breth leth do Chairpriu a óenur fri cethri macco ind arad & do-bert flaithius dó foraib sicut hodie apparet.

p.28

GENELACH DÁIL CORMAIC & ÚA LABRADA.

¶69] Corbmac Con Corb, óenmc lais .i. Imchad. Mc dó-side in Labraid ó tát Úi Labrada.

¶70] Secht m. immorro la Labraid m. n-Imchada: Luguid, Cathbud, Cóeldub, Cainnech, Cáirthenn, Nio Cuillenn, Daig Bec.

¶71] Is sí clann Lugdach Úi Ochrai.

DE GENELOGIA ÚA N-OCHRAE.

¶72] Dub Dá Chrích mc h-Írgusa m. Echdach m. Éogain m. Máel Anfaid m. Sáráin m. Feradaig m. Senaig Bloit m. Nannida m. Fergusa Óenochrae m. Lugdach m. Labrada m. Imchada m. Corbmaic m. Con Corb.

GENELACH ÚA LOMTHUILE.

¶73] Flann suí-epscop & rí Lagen m. Nuadat m. Cellaich m. Furudráin m. Fóelleáin m. Lomthuile m. Ceisse m. Lugdach m. Labrada m. Imchada m. Corbmaic m. Con Corb.

p.29

GENELACH ÚA M-BUIDE.

¶74] Echthigern m. Donngusa m. Mencossaig m. Máelgairb m. h-Uargusa m. Buide a quo Úi Buide m. Laidcnén m. Cuimmíne m. Colmáin Elténe m. Blaithmeic m. Áeda Indén m. Cathbad m. Labrada m. Imchada m. Cormaic m. Con Corb.

¶75] Clann Cathbath m. Labrada: m. dó-side Áed Indén. Mc do Áed in Blathmac. Mc dó-side Colmán Eiltíne. Dá m. Colmáin: Cuimmíne et Máelodor.

¶76] Trí mc la Cuimmíne .i. Laidcnén, Connadil, Suibne. Connadil m. Cuimmíne a quo Úi Chonanla.

ITEM ÚI MÁELHUIDIR.

¶77] M. immorro don Máelodur in Gerthide.

¶78] Dá m. la Geirthide: Dúngal nó amail & Snédgus.

¶79] Cóic m. la Dúnamail .i. Móengal, Cellach, Gerthide, Tómíne, Dúngus.

p.30

¶80] Artgal m. Fiangaile m. Cellaich m. Dúnamla m. Máelhuidir mc Colmáin Elténi.

¶81] Trí mc Snédgusa: Fergus, Tuathchar, Uargalach.

ITEM ÚI BUIDE.

¶82] Dúngalach m. Móenaig m. h-Uarchride m. Buide m. Laidcnén.

22

¶83] Dúngus mc Slógíne m. Odráin m. Diangusa m. Doithnennaig m. Conannlo m. Cummíne.

ITEM ÚI MÁELHUIDIR.

¶84] Branán m. Fintain m. Sencháin m. Ségíni m. Conmarcáin m. Con Dínisc m. h-Uarchride m. Thómíne m. Dúnamail.

¶85] Flan[gap: illegible/extent: 1 letter] Fil[gap: illegible/extent: 1 letter] m. Ma[gap: illegible/extent: 3 letters] Mod[gap: illegible/extent: 2 letters] m. Dia[gap: illegible/extent: 5 letters] m. Ca[gap: illegible/extent: 5 letters] m. Ca[gap: illegible/extent: 3 letters]saig.

p.31

¶86] Coirpre m. Cathasaig m. Muirgiusa m. Fergusa m. Snédgusa m. Máelhuidir m. Colmáin Eltíne m. Blaithmeic m. Áeda Indén (a quo Fuithirbi) m. Cathbath m. Labrada m. Threna m. Imchatha m. Corbmaic m. Con Corb.

¶87] Fothaid m. Cethernaig m. Colmáin m. h-Uargalaig m. Snédgusa.

¶88] h-Íracán m. Fiannérge m. Fiannachtaig m. Tuathchair m. Snédgussa &rl.

¶89] Nia Cuilind m. Labrada dia tát Úi Chuilinn. Is í a forbba Mag n-Abna .i. Síl m-Brain la Láechis. Melige mc Cuilind. Baí didiu in Cuilenn-sin & Ciar Cúldub de Úib Néill oc comraim. Is de as-breth: ‘ar-corathar Culenn Ciar’ .i. no-ngegna & ba díguin dond ríg.

¶90] Cartta iarum as ferunn et & do-cer a forbba (dia) flaith. Do-breth iarum Énna Ceinselach ferand do Chuiliund ar imguin inna (ré). It Úi Chuilin dano Úi Chon Ciriet. Melige mc Cuilinn a senathair.

p.32

¶91] Is Úi Labrada Cuthraige .i. Fergus Cuth a senathair.

¶92] Is di chlainn Cormaic[gap: illegible/extent: 6 letters] Úi Trena & Úi Chuircc & Úi Gabla Fini & Úi Gabla Roírenn .i. Eithni Gabulfhota óen-ingen Cormaicc mc Con Corp is h-í máthair Úa n-Gabla & a qua nominati suntt. A díthriub Connacht immorro a n-athair .i. céile Eithni Gabulfhota.

DE GENELOGIA ÚA LIBRÉN.

¶93] Flathróe mc Echach m. Forannáin m. Librén m. Furudráin mc Beccáin m. Librén m. Óengusa mc Trena m. Fergusa mc Cormaic m. Con Corb.

p.33

GENELACH ÚA CUIRCC.

¶94] Arttacán m. Taidc m. Sinill m. Ánchoraig m. Siadalta m. Máelhuidir m. Oen m. Colmáin m. Cuircc m. Fergusa m. Cormaic m. Con Corb.

¶95] Bánhuma díre eneclainni in chenéoil-sin.

ITEM ÚI LABRADA.

¶96] Cáirthenn m. Labrada.

¶97] h-It h-é Úi Meic Cáirthinn: Úi Chuimmíne, Úi Brócáin, Úi Gedgcáin, Úi Fiannáin, Úi Dímmae, Úi Lill.

¶98] Clann Cóelbad m. Labrada immorro: Úi Epscuip Áeda, Úi Chrutháin secundum alios & Úi Lill.

¶99] Daig Bec m. Labrada: Úi Dega Bic .i. Úi Muiredaig. Is leo Ráth Dromma & Methus Úa m-Bic & Tech Midnann & Cell Clochair.

¶100] Cainnech mc Labrada immorro a quo Úi Chainnich, Úi Bróccéni, Úi Chimíni, Úi Thoichthe, Úi Amalgaid, Úi Dímmae, Úi Chuiléni, Úi Attáin, Úi Gaimdechair.

p.34

h-It h-é FORSLUINTE ÚA LABRADA:

¶101] Úi Berráin, Úi Chormaccáin, Úi Luchíne, Úi Chéoláin, Úi Lantarnaig, Úi Altbae, Úi Éoganáin, Úi Cethirnn, Úi Thíre, Úi Duirnn, Úi Mancháin, Úi Flannáin, Úi Chire, Úi Dícolla, Úi Gairbíne, Úi Géráin, Úi Dáire, Úi Iarnnáin, Úi Fidbadaig, Úi Forannáin, Úi Máelglais, Úi Duib Ratha, Úi Ingainn, Úi Chellacháin, Úi Brugais. Úi Labrada huc usque.

¶102] It h-é ranna Úa Cormaic la Laigniu .i. na n-geibthe Úi Gabla Fine h-uile & Cuthraigi & Úi Gabla Roírenn óthá Áth Cuilchinged co Dubáthu Maisten & óthá Glaise Críchi h-i Cluanib{facsimile page & column 120a} co Uada fri Láechis co clantais co Áth Lethnocht h-ic Sléibti co tét i nh-Uissin fri Úib Bairrche & ana n-gaibthe Úi Trena & Úi Chuircc is la Cormac.

p.35

¶103] Is díb Abbán moccu Chormaic.

¶104] Is uadib máthair Coluim mc Crimthaind .i. Mincloth ingen Cenannáin m. Ceise m. Lugdach m. Labrada.

¶105] Is díb in dá Sinchell .i. Sinchell m. Cenannáin m. Macha mc Cruaich m. Dulge m. Imchada m. Brolaich m. Lugdach m. Labrada.

¶106] Sen-Sinchell m. Corcáin m. h-Eircc m. Cruaich m. Duilge &rl.

¶107] Is do Úib Meic Cáirthind .i. do Úib Cumma máthair Mo Dímmóc Glinne h-Uissen.

¶108] Is díb máthair Mo Chua mc Lonáir ingen Lóchéni m. Dímae Chiret ó Chill Chonaich.

DE GENELOGIA DÁIL MESSIN CORB.

¶109] Mesin Corb immorro m. Con Corb: m. dó-side Euchu Lámderg. Mc do suidiu Fothad.

p.36

¶110] Secht mc immorro la Fothad m. n-Echach Lámdeirg m. Mesin Corb mc Con Corbb: Nastáir, Garrchú, Nármac, Fergus Láebderc, Catt, Óescu, Eimre.

¶111] Cóic m. Nastáir: Airmur, Cairpre Minlóscáin, Laignech, Cóelub, Facchtna.

¶112] Sé m. Airmora: Cainnech, Cellachán, Conall, Findchad, Dáire, Conlang.

¶113] Trí m. Cainnig: Sétna, Connad, Amlongaid.

¶114] Fedelmid m. h-Uargalaig m. Cianáin m. Coscraich m. Cernaich m. Áeda m. Ruidgiusa m. Tómíne m. Eiltíne m. Libráin m. Áeda m. Sétna m. Cainnich m. Aurmora m. Nastáir.

¶115] Aicme Sétnae: Úi Con Corbb, Úi Con Cainnig, Úi Chúáin, Úi Alténi.

¶116] Connad a quo Úi Doccomláin, Úi Bróccáin.

¶117] Amlongaid a quo Úi Garbáin.

¶118] Cennlachán a quo Úi Chon Galand m. Máeli Tólae m. Dícollae et Máelodrán m. Dícolla m. Gobbáin m. Caindera m. Dímmae (.i. Cróin) m. Fintain m. Branáin m. Cennlacháin.

p.37

¶119] Fedelmid m. h-Uargalaig m. h-Uarchride m. Con Dínisc m. Conmarcáin m. Ségíne m. Sencháin m. Fintain m. Branáin m. Cennlacháin.

¶120] Conall a quo Úi Bróccéni.

¶121] Cuanascach m. Fualascaig m. Duib Chaille m. Bróccíne m. Cailne m. Énnae m. Énáin m. Sinill m. Dubthaich m. Nath Í m. Conaill m. Airmora m. Nastáir m. Fothaid m. Echach.

¶122] Do síl Conaill dano téora ingena Éogain m. Conaill con-acabsat Cill n-Garraisc.

¶123] Findchad a quo Nia m. Béicce m. Bernsa m. Éogain m. Étcheáin m. Báeth m. Maithgein mc Findchada.

¶124] Dáire a quo Cenél Ciaráin & Úi Techtaire.

p.38

¶125] Conlang a quo Úi Meic Aird Maigne & Úi Moínaig & Úi Conndoith & Úi Feichíne & Úi Cáechtangéni.

¶126] Cairpre Minlóscain m. Nastáir a quo Úi Noíthig & Úi Follomuin & Úi Forandlo h-i Cúil Emre &rl.

¶127] Laignech a quo Úi Dímmae Cirr & Úi Congnaid.

¶128] Cóelub a quo Úi Dubchróin & Úi Beraich.

¶129] Fachtna a quo Úi Donnáin & Úi Sáráin eter Drummaib.

FORSLUINTE DÁIL MESSIN CORB.

¶130] Síl Findloga di Threchtraigiu & Úi Cháel m. Lugair & Úi Fleiscíni & Síl Luchtenaich & Síl n-Odorchon & Úi Chonáin Cluana Tarb, Síl Menbricc & Úi Thraigluimm & Úi Roisséni & Úi Síláin.

GENELACH ÚA GARRCHON.

¶131] Garrchú m. Fothaid m. secht meicc la suide: Finnchad, Findchú, Echen, Deilgine, Fergus, Bressal, Nath Í.

p.39

¶132] Domnall m. Fergaile m. Flaithnia m. Máel Kalland m. Gormáin m. Fáebuirdatha m. Dúngaili m. Cethernaig m. Fáeburdatha m. Dúngaile m. Cethernaig m. Fáebuirdatha m. Marcáin m. Cillíne m. Rónáin m. Sinill m. Conaill m. Con Chongalt m. Finnchada m. Garrchon m. Fothaid m. Echach Lámdeirg m. Mesin Corb &rl.

¶133] Síl Findchada: Úi Marcáin, Úi Dígráid m. Máeli Dúin, Úi Cholmáin Fortabuil, Úi Furudráin, Úi Damáin.

¶134] Findchú a quo Úi Alta, Úi Srapháin.

¶135] Echen a quo Úi Sáráin Chimbeda, Úi Tormaig, Úi Fleisc, Úi Fechíni.

¶136] Deilgine a quo Úi Chuind Chuaine, Úi Aithmit Chaiss, Úi Bráen Deilgni.

p.40

¶137] Fergus a quo Síl Tuatáin, Úi Choisni, Úi Sáráin, Úi Dubthaig.

¶138] Bressal a quo Úi Cherda, Úi Ceille, Úi Nioth Ainge.

¶139] Nath Í a quo Úi Annacáin, Úi Gobbáin, Úi Dubáin, Úi Abarseáin, Úi Sáráin, &rl.

¶140] Forsluinti Úa n-Garrchon: Úi Butu di h-Uaithnib Tíre a cenél, Úi Némáin m. Lonáin do Feraib Maigi Féne, Úi Cholmáin Chinnenn, Úi Chomarbbae, Úi Ultáin, Úi Beraig, Úi Dobráin, Úi Legíne, Úi Mílaich, Úi Bissi, Úi Mairggíni Gaill.

¶141] Nár m. Fothaid secht m. leis .i. Mac Liac, Mac Tinne, Mac Ieir, Cobthach, Conall, Glasderc, Furbuide.

¶142] Mac Liac a quo Úi Berríni, Úi Rodait, Úi Flaithemda.

¶143] Mac Tinne a quo Úi Chuimmíne, Úi Chraich Cualann.

¶144] Mac Ieir a quo téora ingena Meic Ieir: Cróeb et Lassar et Find.

¶145] Cobthach: Úi Damáin & Úi Thiáin.

¶146] Conall a quo Úi Chon Annróit.

¶147] Glasderc a quo Úi Glasdeirc.

¶148] Furbaide a quo Úi Fiachon, Úi Báetáin m. Síláin.

p.41

FORSHLUINTI ÚA NÁIR.

¶149] Cenél Cathlaige, Úi Mannaig, Úi Chiarraige, Úi Deirg, Úi Chuairíne, Úi Anmíni.

¶150] Fergus Láebderc m. Fothaid a quo Cóemgen Glinne Dá Locha & epscop Éogain Aird Sratha & Lóchán & Énna ó Chill Manach Escrach & Mo Senóc Mugnai et Mo Chóeme Tíre Dá Glas, Cóemán Enaig Thruimm, Petrán ó Chill Lainni, epscop Éitcheáin m. Maine écis ó Chluain Fota Báetáin Aba.

¶151] Epscop Nath Í m. Senaich m. Fergusa h-i Cúil Fothirbi, Mo Acrau m. Senáin, Connláed cráibdech epscop Cille Dara.

¶152] Sluinti olchena iarmothá: Úi Chaili & Úi Laithecháin, Úi Fithrecháin, Úi Cattáin ó Riadán, Úi & Úi Gaimdechair, Úi Dorbbáin, Síl Cruachéne for Gabruan.

¶153] Catt m. Fothaid trí m. leis: Óengus, Conall, Decell.

¶154] Óengus a quo Úi Dolbáin & Úi Con Ciaráin. Conall a quo Úi Fóelleáin. Decell a quo Úi Rechtáin & Úi Massáin & Úi Amsáin et Berchán Senchilli la h-Uu Briúin h-i Cualaind.

p.42

¶155] Muiredach m. Columbae ingini Caitt & Ailella Céthich is uad atát Úi Mengáin & Úi Chuind & Úi Chiar.

¶156] Óesca dano mc Fothaid trí m. leis: Suibni, Forannán, Osíne.

¶157] Forannán mc Óescan a quo Úi Connois. Is di suidib Findbarr Cilli Adgair & Úi Conniss.

¶158] Eimre m. Fothaid trí mc la suide: Senach & Sétna & Fergus.

¶159] Dá h-úa Emri: Condláed & Epscop Nath Í.

DE PERITIA & DE GENEALOGIS DÁL NIAD CUIRP INCIPIT.

¶160] In cethramad mc don Choin Corb as-rubrammar .i. Nia Corb. Úa do suide in Fedeilmid Fer Aurglas.

¶161] Dá m. la Feidelmid .i. Maine Mál senathair Úa Máil & Úa Téig & Úa Cellaich Cualann, et Cathaír Már senathair Úa n-Dúnlainge & Úa Ceinselaich.

¶162] In Cathaír Már immorro .xxx.iii. mc lais ut periti dicunt. Do-roíbdatar a clanna h-uili acht deich m. tantum.

p.43

¶163] Fiachu Ba h-Aiccid ósar na clainne. Is uaid-side atát ind ríg .i. Úi Dúnlaing & Úi Ceinselaich ut post dicemus.

¶164] Fergus Luascán m. Cathaír ceithri prím-slointi la suidi .i. Úi Luascán Midbine,{facsimile page & column 121a} Úi Lóscán Chruaich, Úi Lóscán Trosca, Úi Luascán Scuirri.

¶165] Úi Lóscán Midbini cétumus ó Grellaig Boair co Áth m-Bithlann. Dá prím-aicmi Úa Midbini.i. Úi Cholmáin & Úi Énna.

¶166] Trí m. Énna .i. Nárchú, Fóchtach, Annomach.

¶167] Dá m. la h-Annomach: Áedán & Fualascach.

¶168] Crunmáel m. Cuilennáin m. Con Dínisc m. Donnáin m. Rechtgusa m. Ailgelaig m. Fualascaich m. Annomaig m. Énna m. Anfothaig m. Senaig m. Guaire m. Óengusa m. Fergusa Luascán m. Cathaír.

¶169] Clann Fergusa Luascán: Úi Furudráin & Úi Binnig & Úi Sínaig, Úi Lalláin. Úi Lóscán Chruaich ó Thoithi co h-Eiscir & ó Scoith Chruaich co Féith n-Echaille. Cethri h-aicme leo: Úi Dubáin, Úi Fidáin, Úi Chais, Úi Tiloi.

¶170] h-Uidríni m. Ciarmaic m. Sóergusa m. h-Uidríne m. Conaill m. Cillíne m. Conaill Chais m. Óengusa m. Fergusa Luascán m. Cathaír.

p.44

¶171] Úi Luascán Scuirre ó Belaig Echla co Móen inn Ibair & ó h-Ibur Brechmaige co Cluain Caín. Aicmi dano Úa Lóscáin Scurre .i. Síl Cuilléni, Síl Fáeláin, Síl Crícháin, Síl m-Báethíne, Síl Folachtaich, Síl Cillín, Síl m-Báetáin, Síl Nárchon, Síl Tigernaich, Síl n-Gerráin.

¶172] Téora nóebh-uaga Úa Lóscán: Cercc h-óg h-i Cnoitti & Tailech máthair Finnia moccu Tellaich & Rígnach h-i Cill Rígnaige h-i Fothartaib Mara.

¶173] Cathaír Már trícha m. leis. Do-róebdatar tantum sed .x. ut periti dicunt: Fiachu Ba h-Aiccid a quo sunt reges, Úi Ceinselaig & Úi Dúnlainge; Dáre Barrach a quo Úi Bairrche, Crimthann Án a quo Úi Chrimthainn, Rus Failgech a quo Úi Failgi, Bresal Enechglas a quo Úi Enechglais, Eochu Timmíne a quo Úi Timmíne, Ailill Céthech a quo Úi Chéthig, Fergus Luascán ut supra diximus, Dergmosach a quo Úi Dergmosaich h-ic Áth Chliath.

¶174] Ór a n-díre enechclainne.

¶175] De quibus dicitur:

1. Fiachu, Dáire, Crimthann, Rus,
   Bresal, Echu & Fergus,
   Ailill Céthech, cian ro-clos,
   Dergmosach & Óengus.

¶176] Óengus Nic a quo Úi Nicc.

p.45

¶177] De quibus dicitur:

1. Mac Locc, Fergus, Cétach cruaid,
   Cuirrech, Furudrán findgluair,
   Athellach do Ailill ail
   Cóel Án, Nirand, Connamail.

p.46