(1) Lanamnus comthinchuir: mad co tir & cethra & intreb & mad comsair comthechta a cuma lanamnusa-& is don bein sin as-berar be cuitchernsa - ni-bi cor cor nechtar da lina sech araile inge curu lesaigter a cumthus. It e-side in so: comul comair fri coibne techta, in tan nad-bi occaib fadesin comobair trebtha do luad; fochraic tire; tinol cua; comull sollumun; sil cethra do luad; lanad treb intreib; comul comsa; creic neich doda-esaib do toischidib. Cach cunnrad cen dichell, sochur sochubus iarna coir coitechta, co n-imaititiu i neoch crenar, amal mbes selb neich renar and.