Corpus of Electronic Texts Edition
The Irish Charters in the Book of Kells (Author: [unknown])
section 6
VI.
Sochur arda brecan ó rig erendh o muirchertach ua lochlaindh & o diarmait ua malshechlaindh o rig midi & o rig loigaire o aed mac conulad ua chaennulbán. Araile dochur ro boí o loígairib ar indh eclais .i. adaig coinnmeda cech raithi. ro aslaig ua lochlaind rig erend & diarmait ua maelshechlaind rig mide ar
ríg loegaire reic na haidche sin co bráth. ar tri hunghaib dór conid soer din ó díb modaib ind eclas co na crích & co na ferundh ar shaire coitchindh na nule neclas & ar in cendhaigecht sin conid scartha din ó na huilib modaib amlaid sin ard mhrecan fri
p.144
Loégairib. IS iat so slána in tshochuir sin & na soire, .i. gilla meicliac comarba patraic muirchertach rig erend, diarmait mac domnaill meic murchaid rig mide étrú ua miadacan espcop mide, Congalach mac shenan rig galengh Imar ua cathasaig rig saitne, domnall ua braín rig luigne, maelruanaid ua ciarda rig cairpre, moélcrón mac gilli shechlaindh rig deiscirt breg, murchad ua findhullan rig delbna, mac rónan ríg cairpre gabra, in ogshaire na hecailse co brath, can chomaithches
p.146
sliged no cailled acht a bith icoichend do muintir arda brecan amal bias do cach midiuch ar china.