Corpus of Electronic Texts Edition
Wie die zwölf Söhne Cennétigs ihren Tod fanden (Author: [unknown])

p.119

1

Wie die zwölf Söhne Cennétigs ihren Tod fanden. (Aus dem Buche von Lecan, fo. 220b und 23 E 26, 244i.)

Mac Líag .cc.

  1. Dá mac déc Cheinnéidig cháid
    meic Lorcáin meic Lachtna láin,
    indésad dáib madh áil libh
    amhail fúaradar oidhidh.
  2. Dubh ocus Fionn, clú cen acht,
    torchradar le h-Eoganacht,
    Echthigern is Donnchúan cain
    torchradar le Goisgenaibh.
  3. Lachtna mac Cennéidigh chain
    ba rí tenn ar Túathmumain,
    ro marbsat h-Úi Floinn i fill
    is h-Úi Chernaig cen choicill.
  4. Mathgamain, cían bus chumain,
    ar n-gabáil gíall for Mumain,
    ní ráinic acht ó Thaidc thair
    ar Úib Echach Chuirc Caisil.

  5. p.120

  6. Brían mac Cennéidig na cned,
    ardrí Gall ocus Gáedel,
    fer sochair soim in cach than,
    adrochair le druing n-Danar.
  7. Aed mac Cennéidig na cned
    slúag Connacht, leó do letrad,
    Domnall, Cléirchén, Anlúan ard
    fa marb do galar glégarg.
  8. Marcán díada, Día ro char,
    fa chend ar cléirchib Muman,
    ar forbad damliac co lí
    ad-bath iar m-búaid n-aithrigi.
  9. Acsin a n-oidid éicin
    chloinde cróda Cennéidig,
    sochaide ro chuir a n-éc,
    robo maith an dá mac déc.