Corpus of Electronic Texts Edition
Scéla Cano meic Gartnáin (Author: [unknown])

section 16


324] Luid Cano co h-Illand mac Scanláin co ránic Dún
325] m-Baíthi
. Ad-fíadar dó íarum a m-buith forind faithchi.
326] ‘Fochen dúib!’ or Illann. ‘Cano mac Gartnáin sin dom-roachtain-se
327] íarna m-brath & íarna reic do macaib Æda
328] Sláne
ar argad & íarna m-breith do gortai la Guaire. Robar-bia
329] biad sunn; ni biae for conair; nit-rirfider ar argad.’


330] Con-gairther dó íarum a reachtaire.
331] ‘Na seacht core trá filed isin lis, nát gataigter do thenid
332] co cend m-blíadna oc (berb)ad biid. Berid na firu isa teach;
333] co cend trí tráth nicon reg-sa dia n-acallaim. Fritháilter do
334] biud & do lind.’


335] Con-gairter Corco Loígi dó.
336] ‘Maith trá’, orse, ‘dom-ánic áinius mór. Cindas for cobartha-si
337] dam-sa?’
338] ‘Bid maith do chobair lindi’, or ind óicc. ‘Dothaircgebat


p.13


339] uaindi trí doim & trí tindi & tri dabcha cach anna, & nicon
340] raga bairgen dot dligiud-so.’
341] ‘Mo bennacht for tuaith & cenél at-beir!’ orse. ‘Et tusa, a
342] ben’, orse, ‘caidi th'impide{folio 131b} dam-sa? Is coir daig-impigi
343] duit, air nidad díchumaing. Ataat .uii. n-áirge
344] lat, & .uii. fichid bó cacha áirgi di búaib, & .uii. sesrecha.’
345] ‘Athaig & bachlaich domeled sin uile. Rot-ferfat cid téora
346] airgi díb dia m-breith i n-galad.’
347] ‘Bennacht for cách ad-beir!’ orse. ‘Bid ferr de mo menma.
348] Regait dia n-acallaim a fecht-sa.’
349] Téiti iarum chuco. Feraid fáilti móir friu.
350] ‘Bennacht trá’, or Cano, ‘for cách don-áncamar. Ro-íca
351] Dia darar ceand, óre nach ícfam-ne.’
352] ‘Cid as áil dúib?’ or Illand.
353] ‘Athchuindgid ám ar cotai.’
354] ‘Dar mo chumachta-sa’, or Illand, ‘nocho regae asin lis-sa
355] frit sægal do chuindchid biid co n-digis i r-rígi n-Alban.’


356] Téora blíadnai dóib isin lis-sin cen teacht as aidche
357] n-oígidechta. No-bídis oc imbirt fithchilli cach dia; badar
358] comthrén co nónai, no-bered Cano cluithi na nóna for Illand.
359] ‘At-águr’, or Illand, ‘urchra forsin caille.’


360] Deithbir ón: () na deich cúala ar .uii. fichtib matain & fescor
361] isa tech. Is ann as-bert Cano:

    1. 362] Hi forbol
      363] feada fidruis ni glie:
      364] in fid nochon urcraba
      365] tusa for urchra bie.

366] ‘Nocho tibar dom aire a fecht-sa’, or Illand.


p.14