Corpus of Electronic Texts Edition
Scéla Cano meic Gartnáin (Author: [unknown])

section 15


284] ‘Maith trá, a Gúaire’, or Senchán, ‘is romór turcbais-seo
285] fort. Ba leór do Chondachtaib beith foar muirer ar n-dís cenco
286] tabarthae nech aile chucond; .i. in gilla ansa’, arse, ‘mac
287] Gartnáin, no-théisead amach fon túaith & na coin maithi leo,
288] & dénat ánius eturru.’


289] Rob ed ón ó medón laí co medón laí ara bárach: íar lécon a
290] chon dóib ni chomránic fer díb fri araile. Batar tuirsich oc
291] suidiu; celebraidhsed do Gúaire.
292] ‘Fír’, or Gúairi, ‘ro-fetar-sa a na-tathai.’
293] ‘Ni taam ní’, or Cano, ‘acht maith lind ánius .i. cúaird Érend
294] do chur co n-acamar a n-dindgnu & a n-dúne & a cella & a cóemu.
295] Cucot-so do-regam & is úaid regmai. Ad-fíadar dún atá gilla
296] án andess la firu Muman, .i. Illand mac Scannláin do Chorco
297] {folio 131a} Loíge; maith lend dul dia acallaim.’
298] ‘Teit dí’, ar Gúairi, ‘co tormolaid feis na h-aidchi lim-sa.’


299] Lotar ón íarum, & do-llotar maithi Condacht do chelebrad
300] dóib. Do-lluid dí Créd & Marcán & Colco don irgnam. Ba
301] hécen immurgu ceathrar ó Marcán do choimét Chréidi. Conatictis
302] co Gúaire combad sí bad dáilem do feraib Alban & do Chondachtaib
303] ind aidchi-sin, co tard-si bricht súain forin slúag co
304] torchradar ina codlud acht sisi & Cana, co tuidchid co[gap: extent: four letters] co
305] m-baí forsin dérgud ocai-sseom oca thimgaire; conaná; h-étas
306] úad-som airet no-beth i nn-amsa[i]; mad dia n-gabad rígi
307] immurgu, do-regthae ara cend-si, & is sí bean no-biad aicce
308] c'aidche.


309] Co farcbad lee-si a lia-som i n-airius dála. Ar ad-rubairt-seom
310] is isind liic ro-buí a anim. A máthair ro-buí i séolai;

p.12


311] ro-chotail-side co nfaca in dí mnaí sída ina dochum,
312] co tolaid a anmain as fora béuol i richt lici, co tallsath a
313] máthair a l-láim indala n-aí.
314] ‘Anim do meic, a ben’, orsi, ‘ro-n-ucais.’
315] ‘Rocomet mo máthair co corbam tualaing-se a chomét.’
316] ‘Faicibthar lim-sa’, orsi, ‘i n-airius dála.’
317] Ba fír són: rofacbad lee-si in lie, & do-berthe asin chriol
318] cach dia; as-bered-si íarum:
    1. 319] A lia
      320] ó dodechur cach dia
      321] acht lochrad i nimnadmaim
      322] ni géb m'anmain dot' madmaim.


323] Tuideacht Chano in sin i n-Éirinn & co Gúaire.