234] Airchetal do-roindi-seom do Díarmaid mac Æda, Sláne.
235]
‘Airg, a gilla’, orseisem, ‘co n-airchedal do ríg Érenn.’
236]
Téid-side sair. (Saidig) a n-airchedail.
237]
‘Is maith ind n-airchetul’, or Díarmaid.
238]
Is ann buí-seom: oc sním irchomail fo Grip .i. gabar Díarmada.
239]
240]
‘Beir lat ind n-idh-sea do Senchán.’
241]
Luid-side síar & nirbo buideach.
242]
‘Asso, a bachlaich’,{folio 130b} orse, ‘id id n-irchomail duit i
243]
ndúais t'airchetail.’
244]
‘Ónaib rígaib ferr id adlaic a gillai’, orseiseam.
245]
‘Airg, a gilla’, orse, dia blíadnae, ‘co n-airchedul do ríg Érenn.’
246]
Gaibid in gilla a n-airchetal.
247]
‘Maith’, or Díarmaid, ‘ber lat in gablaig-se do Senchán.’
248]
‘Asso, a antocaid’, or in gilla, ‘gaiscead duit dot chuitmed
249]
ór Díarmaid.’
250]
‘Airg, a gilla, co n-airchetul do Díarmaid.’ (Is maith a
251]
n-archetal.)
252] Gaibid in gilla fair.
253]
‘Cade Díarmaid?’
254]
‘Atá i n-arucol ic tomus óir & argaid. Ba maith duit teacht
255]
chuici.’
256]
‘Oslaic!’ ol in gilla.
257]
‘Cía so?’ or Díarmaid.
258]
‘Gilla Seancháin.’
259] Gaibid in gilla a n-airchetal.
260]
‘Is maith’, or Díarmaid, ‘beir lat so do Seanchán .i. cét unga
261]
do dergór & trí .xx. do argat duid fén.’
262]
‘Maith, a gillai’, or Senchán, ‘cid do-t-gní fáilid don chur-sa?’
263]
‘Atá maith sund dait’, or in gillai, ‘.i. cét unga do dergór.’
264]
‘Is ferr, a gillai, oldás a olcugud.’
265]
‘Airg, a gillai, co n-airchetul do Díarmaid.’
266]
‘Regthair’, orse.
267]
‘Cade Díarmaid?’
268]
‘Do-choid do thafand.’
269] Luid 'na diaid isa slíab. Tecaid ind fir na n-diaid ind
270]
aigi isin gleann. Fácabair Díarmaid iter a echaib. At-géoin in
271]
gilla. Adroich in gilla iter na h-eachaib. Slaindid in gilla ind
272]
n-airchedal dó.
273]
‘Maith, a gillai, ber lat so do Seanchán .i. trícha each ina
274]
sríanaib & ina muincib.’