Corpus of Electronic Texts Edition
Scéla Cano meic Gartnáin (Author: [unknown])

section 8


102] Téit-seom dí do dorus in tigi. Tíagair di athchomarc
103] Cano i n-dorus in tigi.
104] ‘Do-lleic ind’, or Díarmaid.
105] ‘Tóet ind’, or Bláthmac.
106] Téit isa tech co fosad. Is and buí in sechi cusan argad for
107] lár in tigi.
108] ‘Tair etraind sund’, orsiad.
109] ‘Maith ind foil-se’, orse, .i. foil a athar.
110] ‘Bíd imod láim’, or Díarmaid.
111] ‘Ba dúthaich cia no-beth dí’, orse.
112] ‘Cia dúthchus ón?’ orsead.
113] ‘Scél trúag ón’, orse. ‘Atchúalabair m'athair-sea. Rob adlaic
114] leo-som daigh-íartaigi dam-sa;{folio 129b} .i. ro-foilgedh leis

p.5


115] dabach lán di arcad. Ol is treisiu tocad Ædán, fo-fúair co tucad
116] úad crod an athar armo marbad-sa libh-si sund.’
117] ‘At-beram’, or Díarmaid, ‘cia do-bertha lán in tigi co h-ochthaig,
118] ni-t rirfithe aire.’
119] ‘Is buidi lend’, orse.


120] La sin gaibthi imach. Téit Bláthmac ina diaid.
121] ‘Atá ní no-t-bia, a Chana,’ orse. ‘Regait ind óic diar
122] n-inchaibh-ne murchreich. Airg-siu ara chind & dos-fúairc,
123] & tuc th'arcad fadéin chucad.’
124] ‘Am buideach de’, or Cano.