Amhlaoibh do dhol a h-Eirinn i Lochlainn do chogadh ar Lochlandachaib & do congnamh rá a athair, .i. Gofridh, uair ra bhattar na Lochlannaigh ag cogadh 'na cheann-saidhe, ar t-tiachtain ó a athair ara cheann. Uair ra bá fada ra inisin cúis a cogaidh, & ara laighead tremdhírgeas cugainn cidh againn na bheith a fhios, fagbhaim gan a scribeann, úair atá ar n-obair im neoch as d'Erinn do scribeann & cidh ní iad-saidhe uile; uair ní namá fuilngid na h-Ereannaigh uilc na Lochlannach, acht fuilngnid uilc iomdha uatha fein.
?871-872 Isin bliadain si, .i. an deachmhadh bliaghain flatha Aodha Finnleith, ro innreasttar Iomhar mc. Gothfraidh mc. Raghnaill mc. Gothfraidh Conung mc. Gofraidh, & mac an fhir rá chúaidh a h-Eirinn, .i. Amlaoibh, o iarthar go h-airthear, & o dhesgeart go tuaisgeart.
{MS page 58} 872 K. iii. Gnia, ab Daimhliag Cianáin, epscop & scriba & anchore, quieuit.
ÚairGnia, grian ar c-caomhchlainne,
cenn crabhuidh Insi Émhir:
do gabh nasadh naomhrainne
comharba Cianain chéligh.- Cein mair samadh sorchaidhe
dia mba cenn—ceim gan ciaa—
dirsan mind mór molbtaighe,
ar cara caoimhfionn, Gniaa.
872 K. iii. Ceannfaoladh ua Muichtighearna, rí Cáisil & comharba Ailbe.
872 K. iii. Feardomhnach, ab Cluana mc. Nóis.
872 K. iii. Loingsioch mc. Foillen, princeps Cille Ausailli, .t.m.
872 K. iii. Robhartach Dearmaighe, scriba, .m.
872 K. iii. Orgain fear na t-Trí Maighe & na c-Comann go Slíabh Bladhma do rioghaibh Gall, i sneachta na Féle Brighde.
?872 K. iii. Isin bliaghain si, .i. in undecimo anno regni Aodha, ra thairring Báirith, & dna aitte é do mhac an righ, & rug longa iomdha ó mhuir síar go Loch Rí leis, go ro mhill ailéna Locha Rí esdibh & na fearanna comhfochruibhe & Magh Luirg. Is ann sain ro sháor Dia comarba Coluim asa lamhaibh na Lochlannach, & mar ra chúaidh asa lamaibh, andar léo ba coirthe cloiche é.
873 K. u. Ég righ Lochlann, .i. Gothfraid, do tedhmaimm grána opond. Sic quod Domino placuit.
Imneadha Breatan in hoc anno.
Deest circiter ab an. 871 ad an. 90010.
{MS page 59} 906 K. iiii. Indreachtach mc. Dobhailén, ab Beannchair, quieuit.
- Trí chéd bliaghain—cadhla cuir—
ó eitsiocht Comhgaill Bennchair
go ré roemaidh ruathar n-gle
Indrechtaigh áird oirdnidhe.
906 K. iiii. Maol Póil, princeps Sruthra Guaire, .m.
906 K. iiii. Furadrán mc. Garbhain, secnab Cille Achaidh, .m.
906 K. iiii. Céle mc. Iorthuile, secnab Achaidh Bó Cainnigh, .m.
906 K. iiii. Flann mc. Domhnaill, righdhamhna an tuaisgirt, moritur.
906 K. iiii. Éccneach mc. Dálaigh, rí Cinel Conaill, .m.
906 K. iiii. Ciarmac .H. Dunadhoigh, rí Gabhrae, .m.
906 K. iiii. Guin Muireadhoigh mc. Domhnaill, rioghdhamhna Laighean.
906 K. iiii. Ciarodhar mc. Crunnmaoil, rí .H. f-Felmeadha, .m.