861 K. iiii. Oenach Raighne do dhénamh la Cearbhall mc. Dunlaing.
Ár la Cearbhaill mc. Dunlaing for mhuinntir Roduilbh i Slebh Mairge, & a marbadh uile, acht fioruathad tearna dhíobh i c-cailtibh. Creach Leithghlinne, & dna a braid ra bhoí aca ar marbadh dreime móir do muinntir Leithglinne dhóibh.
857 K. ui. Matodan mc. Muiriodhaigh, rí Ulad, in clericatu obiit.
857 K. ui. Maongbal, ab Fobhair, .m.
857 K. ui. Tríar do losgadh do thenidh shaignen a t-Tailten.
858 K. uii. Cionaodh mc. Ailpin, rex Pictorum, .m. Conadh dhó do raidheadh an rann:
- Nad mair Cionaodh go lion sgor
fo déra gol i n-gach taigh;
áoinrí a logha fo nimh
go bruinne Rómha ní bhfail.
858 K. uii. Cumsud, epscop & princeps Cluana Ioraird, quieuit.
858 K. uii. Tiopraide Bán, ab Tíre da Ghlas, quieuit.
858 K. uii. Maol Tuile, ab Imleacha Iobhair, .m.
858 K. uii. Adulph, rí Saxan, .m.
858 K. uii. Ceallach mac Guaire, ri Laighean Deasgabair, .m.
858 K. uii. Cearnach mhac Cionaodha, rí Ua m-Bairrche Tíre, .m.
862 K. u. Aodh mc. Neill & a chlíamhain, .i. Amlaibh (ingean Aodha ro bhaoi ag Amhlaoibh) go slóghaibh móra Gaoidhiol & Lochlannach leo go magh Midhe, & a ionnradh léo, & saorclanna iomdha do mharbhadh leo.
{MS page 44} 862 K. u. Maoil Seachloinn mc. Maol Ruanaid, rígh Eireann, i pridcallainn December defunctus est. Unde quidam cecinit:
- As iomdha mairg in gach dú,
as sgél mór la Gaoidhealú;
do rórtadh fíon flann fo ghlenn,
do rodbad áoinri Eirenn.
862 K. u. Aodh mc. Néill, deargnamha Maoil Seachlainn, do ghabail ríghe n-Eireann tar eis Maoil Seachlainn. Craibhdheach soichinelach aigneadh Aodha. Seacht m-bliadna décc do i ríghe go siodhamhail sonairt, cía fogebheadh imneadh minic.
859 K. i. Ailill Banbain, ab Biorar.
860 K. ii. Aongas Cluana Fearta Molua sapiens .m.
862 K. u. Maol Odhar .H. Tindridh, sáoi leighin Eireann, .m.
862 K. u. Muirghius, angcoire Ard Macha, quieuit.
862 K. u. Dalach, ab Cluana m. Nois6, quieuit.