Cionoadh imorro iar t-tain ceithri bhliadna i righe n-Eireann. As do sain do geall Adhamhnan, & sé a m-broinn a mathar, go n-gebhadh ríghe n-Eireann. Bá maith dno righe an Cionaodha. Indradh Laigean lais an céd bliadain & maidhm for Dunchadh mc. Murchada, is sochaide do sháorclandaib ro marbadh tresan chogadh so.
723 K. ui. Indreachtach mc. Muireadhaigh, rí Connacht, moritur.
?724"[gt ]?724 K. uii. Cath eidir Dúnchadh mc. Murchada & Laidgnéin, rí .H. c-Cionnsiolaigh, & maidhid an cath for Laidgnen.
?724 Cath eidir Dúnchadh mc. Murchada & Laidgnéin, rí .H. c-Cionnsiolaigh, & maidhid an cath for Laidgnen.
724 K. uii. Cath Cinndelgthean i t-torchar Fogartach .H. Cearnaigh. Cionaodh mc. Iorgalaig uictor erat. Unde Ruman cecinit:
- Meamhuidh Cath Cinn Delgthen
do rig londbuirr;
luidh ergall dar ergail:.
cath ceis drechdeirg Domhnaill.
Gombadh iar marbhadh Fogartaigh nó gabhadh Cionaodh righe, íar f-fairind.
724 K. uii. Cuindleas, ab Cluana m. Nois.
724 K. uii. Faolchu, ab Iae.
725K. ii. Colman Uamach, sáoi Airdmacha, .m.
725 K. uii. Colman Banbain, sáoi Cille Dara, .m.
Mc. Ailearain Cille Ruaidh .m.
726 K. iii. Cillene Fota, ab Iae.
726 K. iii. Dochonna craibhdheach, epscop Condere, quieuit.
726 K. iii. Guin Criomhthainn mc. Ceallaigh mc. Gertidhe, righ Laighean, i c-cath Bealaigh Licce.
726 K. iii. Guin Ailella mc. Bodbchadha Midhe.
Cath eidir Eadarsgel, righ Breagh, & Faolán, rí Laighean, & meamhaidh ann for Eatarsgel, rí Breagh.
728 K. u. Isin bliadain seo ro marbadh Cionaodh Cáoch mc. Iorgalaigh, & níor gabh neach dá shíol righe n-Eireann. Flaithbeartach mc. Loingsigh ros marbh.
728 K. u. Initium regni Flaithbheartaigh.
?729 K. uii. 'San bliadain si ro bhris Aongas, rí Foirtreann, tri catha for Drust, righ Alban.
727 K. iiii. Cath Droma Fornochta edir Cenel Conaill & Eogain i t-torchair Flann mc. Iorthuile & Snedgus Dearg .H. Brachaidhe.
{MS page 14} 727 K. iiii. Adamnani riliquiae in Hiberniam transferuntur, & lex eius renouatur.