Corpus of Electronic Texts Edition
Chronicon Scotorum (Author: [unknown])

Annal CS1146

Kl. Eanair for Mairt & .xu. fuirre.

Crech la Tairdealbhach Ó cConchabhair i t-Teathbha goro airg drem do Muintir Maoilshionna. Forghagaibhsiom d[a]no sochaidhe dia mhuintir ag Áth Lúain edir bhadhadh & mrbhadh la fiora Teathba.

Maidhm Maighe Buaighnighe ria desgert Bregh for Gulla Atha Cliath & for dhrem do Laighnibh ubi .cc. & xxxu im Raghnall mac Turcaill righ Gall.

Cormac h. Cathasaigh airdepscop Laigen & comorba Brigde fria ré quieuit.

Domhnall h. BrainBreghmaine moritur.

Giolla Padraig mac Donnchadha h. GillepadraigOsraighe do marbadh do mhacaibh Conghalaigh Ui Braonáin i c-Cill Chainnigh.

Ceallach Ó CeallaighBreagh occisus est ó [Fh]laithbheartach h. Cathasaigh & ó Galluibh Atha Clíath.

Magh nAii do iondradh do Tighernan h. Ruairc & Dun Imgan do losgadh & tecait for Loch Longa & araile do lonngaib Con[n]acht do loscud doibh & ár daine intibh.

Giolla na Naomh mac meic Con Meadha h. Laegacan do tuitim do laim a dearbrathar fessin .i. Domhnall & Con Meadha a mac aile.

Annal CS1147

Kl. Enair for Céudáoin & .xxui. fuirre.

Giolla Mochonna .i. h. Cathailh. Fiachrach Aidhne do mharbhadh do mac meic Domhnaill Ui Conchabhair.

Maidhm Atha Lúain for Domhnall mac Toirrdhealbhaigh & for U Maine ria feraib Tetba du i ttorchar mac meic Amhalgadha meic [Fh]laind & alii cum eo.

Meas mór isin bliadhainsi etir chnomeas & corthmheas.

Coimtionol morshloighedh lasna Cristaighibh go h-Ierusalem do ionnarbadh nert Iúdaighe.

Annal CS1148

Kl. Enair for Dardaoin & .uii. uathadh fuirri & bliadain bisexa.

Tighernan h. Ruairc do bualadh ó Muintir Angaib.

Comtionol seanaig ag Inis Padruig oc drem d'eascopuib na h-Érenn im Mael Maedoic h. Mongair im comorba Padruig & im epscopu ailigh goro cinnsiot aroile do riaghluibh and. Mael Moedoic dano do teacht asind [s]enudh sin do accalaim comarba Pedair. {MS folio 334}

Creach lá Toirrdealbach h. Conchabhair i n-airther Midhe gur airg drem do Muntir Laegachan.

Dairmeas mor isin bhliadhainsi.

Otir ri Gall Atha Cliath do mharbhadh tria meabal do macaib meic Turccall.

Muiridhach SinnachTethba mortuus est.

Sitriucc h. Brain ri Bregmaine do tuitim la mac Congalaigh h. Brain tria fhionghail.

Mac Fearghail h. Máolmhuaidh ri Fear Ceall occissus est ó Aib Racan.

Maol Maedoic h. Mongair archiepiscopus & uirgo & scriba caput relegionis totius Hibernie & Albane & legatus apostolici Innocenti & fear ro athnuigh manchine & canonach rigaulla h-ecailsi n-Erinn uitam feliciter terminauit hi Clarbull ic tocht do agallamh comarba Peadair.


p.296

Annal CS1149

Kl. Enair for Sathurn l.xuiii & cet bliadain bisigh fair.

Torand & soighnen do tiachtain i n-Ernair gur gabh an teni i n-iubhar Chíarain conid tre neart dóeine ro baidhedh & goro marbadh trí cáoirigh .x. ar ced fon n-iubhar.

Muircheartach h. Maelmochorgi episcopus h. mBriuin Brefne quieuit.

Giolla Padruig h. Ailcinned episcopus Clu[a]na Fearta Bréunainn quieuit.

Laoigsioch h. MordaLaoighsi mortus est.

Concubhar mac meic Cochlain leithrí Dealbhna Bethra moritur.

Sluaigheadh la Muirceartach mac Néll meic meic Loclaind co Conall & co n-Eogan & co n-Oirgialluib i n-Ultaibh goro inreastar Ullta eidir chealla & tuatha. Tug dano braigde leis iar ttain.

Ceallacán mac mic Carrtaigh mortus est.

Sluaigheadh la mac meic Loclaind go rug braighde Tighernáin h. Ruairg & braighde Murchaid h. Mailechlainn & braighdi Conmaicne & fhear Teathba les don cur sin.

Callruighe uile do argain ó Shíol Ronán {&} a n-ionnarba uile i c-Connachta i ccionaidh Ghiolla Ultán mac mhic Gargamna ro marbsat.

Annal CS1150

Kl. Enair for Domnach luno .xxix.

An Giolla Claon h. CiardhaCairbre do tuitim la h. Faolan.

Congalach h. Brain [ri] Breagmaine do marbadh do mhuintir Chethearnaigh i ffill i n-Garga na Gamhnuighe i c-Clúain Mucc Noiss.

Muireadach h. Dubtaigh arc[h]iepiscopus & caput relegionis uitam feliciter terminauit.

Muireadach [...]