Kl.
Domnall mac meic Loclainn rí tuaisgirt Erenn {.i. Ailiuch} quieuit.
Samuel episcopus Atha Cliath quieuit.
Crecsluaighedh la Tairdealbach h. Concupair isin Mumain gur laset crithgáir mor for Caisil & gur airgsit Ard Fináin. Tangus tre deredh an tsluaigh ag dul fo deas gur marbadh ann Aodh h. hEidin rí H. fFíacrach & Muiredhach h. Flaithbertaigh rí Iartuir Connacht {MS folio 216rb(333b)}et Muirges h. Lorcain et alii.
Morlongport la Tairdealbach h. Concupair & la Leth Cuinn ig Birra ó Samain go fél Brighde gur roinn Deasmumain eidir clainn Carthaigh et clánn mBriain.
Kl.
Aodh mac Domnaill h. Ruairc ri Airtir Connacht moritur.
Aodh mac Duinnslebhe h. Eochadha rí Uladh do marbadh do h. Matgamna i ccath.
Maolmorda h. Domnaill ri H. cCensiolaigh in clericatu quieuit.
Maolseclainn h. Donnagáin rí Arad Thíre occisus est ó clainn Cosgraigh tre meabhail.
Kl.
Damliag Cianáin do gabáil for Murchadh h. Maoilseclainn o Gailengoib et an teach a raibe do losgadh fair. Dream da muintir do marbadh & a ternum fén ass.
Donnchadh mac Gilla Patraic Ruaidh rí Osraighe a suis occisus est.
Croch Crist i g-Connachta in hoc anno.
Morsluaighedh la Tairdealbach h. Concupair for muir & for tir gur airg Ciarraighe go rúacht fén Corcaigh go ttanccuttur maithe Deasmumhan ina tech um Donnchadh mac Carthaigh et um Ceallach h. m-Bric & um h. Cinnfaoladh et um {h.} Concupair Ciarraighe & sóis clan dar clar Cille Dalua.
Kl.
Morcablach la Tairdealbach i Rinn Luimnigh gur mill & gur airg Deasmumuin.
Tadcc mac meic Cartaigh ti Deasmumhan moritur. {MS folio 216va(334a)} Cormac regnauit post eum.
An cloictech mór Cluana M Nois d'fhorbudh la Gilla Crist H. Maoileóin et la Toirdealbach h. Concupair.
Tri caistel la Connacht .i. caislen Duin Gaillme et Dun Leoda & Cul Maile.
Creachsluaighedh la Toirdealbach i m-Magh Cairbre gur airg Connmaicne go rucc Murchadh h. Maoilseclainn fair et Conmaicne gur muidh for an lorg Connacht i c-Craib Rois da Carnd go ttorchair ann Sinnach Soghain h. Ceallasgh & h. Duibh meic Lendáin. Soaid tra Connachta friu et marbaid sochaidhe dib um taoisech Muintire Geradain. ...]be
Giolla Braide h. Ruairc do badhadh ar Loch mac n-En la Connachtaibh.
Maolseclainn mac Taidcc h. Maoilruanaidh rí Muighe Luirg do marbadh d'feraib Brefne et do Tigernan U Ruairc.
Gell Desmuman um mac Cormaic meic Carthaigh do marbad la Toirdealbach h. Concupair.
Kl.
Da mac Aineisleis h. Edin .i. Flann & an Gilla Ruad da rig H. fFiacrach Aidne do marbad a ffill do Concupur h. Flaithbertaigh ag Bun Gaillme.
Gilla Braide rí Brefne occisus est a suis.
Atrighadh Murchadha h. Maoilseclainn do Toirdelbach & do Tige{r}nan.