Múradh Boruma & losccadh Cinn Coradh & argain Tuadmuman la Tairdealbach mac Ruaidri h. Concupair.
Gorta mor isin errach go recad an fer a mac & a ingin ar biadh & go n-ithdís na daoine cidh a chéle ann & na coin. Fasughadh Laigen uile {acht beg} & a sgaoiledh fo Eirinn ar gorta.
Kl. for Luan.
Diarmaid mac Enna meic Murchadha rí Gall & Laigen quieuit a n-Ath Clíath.
Crecsluaighedh la Connachtaibh isin Mumain go rancuttur Sliab Crot & Claire & Sliabh Cúa. Do luidh cath Tuadmumhan a ndeaghaidh Connacht i m-Mumhain & fertar cath etorra. Muidhis for feraib Muman & cuirter a n-ár um Ua Cennedigh & multi. Cath Ber.
Merughudh Murchadha h. Maoilsechlainn.
Maol Muire h. Dunáin airdepscop Erenn cenn ecna et cradbaidh iartuir domain quieuit in Christo i c-Clúain Iráird.
Gell Murchadha h. Maoilsechlainn la Tairdealbach h. Concupair.
Kl.
Diarmait h. Briain rí Leithe Mogha moritur.
Sluaighedh la Tairdealbach h. Concupair & la Murchadh h. Maoilsechlainn i m-Mumhain go rancuttur Glenn Maghair go ttugsat gialla Muman leó.
Sluaighedh oile dano leisin lucht {MS folio 216ra(333a)}cedna go ttugsat gialla Laigen leó & go ttugsat Domnall mac Murchadha h. Maoilsechlainn leó ar ecin a hAth Cliath.
Ruaidri h. Concupair airdri Connacht in clericatu uitam feliciter quieuit i c-Clúin M Nois.
Domnall mac Ruaidri rí Sil Muiredhaigh moritur et sepultus est i tTuaim Grene.
Kl.
Muircertach h. Briain rí Erenn d'urmor in clericatu uitam feliciter quieuit.
Aodh h. Concenainn rí H. nDiarmada moritur.
Hua Baigillain rigfile Erenn do marbad do Tuaith Rátha ón Spailliuch o Flannagain.
Kl.
Aonach Taillten la Tairdealbach h. Concupair do denum.
Tri primdrocait do denum la Tairdealbach h. Concupair in hoc anno .i. droiched Ata Lúain & droiched Atha Croca & droiched Duine Leoda.
Sluaighedh la Tairdealbach i m-Midhe gur innarb Murchadh h. Maoilseclainn isin tuaidsgert & a gell do d'eniuch comarba Patraic & bacla Iosa.