Kl.
Donnchadh mac Murchadha meic Fhlainn h. Maoilseclainn rí Mide do marbadh d'U Minnicen.
Cormac h. Cillin ards{MS folio 214vb(330b)}eacnab Síl Muiredhaigh & aircinnech tige aiged Cluana M Nois quieuit in pace.
Domnall mac Ruaidri h. Concupuir d'aitrigad do Connachtaib & Tairdealbhach 'na inadh. Ic Ath an Termainn ro rigadh Tairdelbach h. Concupair.
Muircertach h. Maoilseclainn d'aitrigad & righe Mide do Murchadh.
Kl.
Concupur Cisenach h. Eochadha rí Uladh do marbadh.
Maidm Atha Clagan re n-Airter Teabtha dú inn ro marbadh Cinaoth mac meic Amalgadha taoisech Calraighe.
Samuin na gaoithe.
Gaoth mor & tene gealáin i n-Erinn isin bliadainsi gur marb ár daoinedh & innile.
Kl.Enair.
Domnall mac Donnchada h. Ruairc rí H. mBriúin Brefne do marpad o Cairbrib.
Goll Garbraighe h. Eochadha rí Uladh occisus est o h. Matgamna.
Trosgadh samtha Ciarain for Muircertach h. Mailseclainn (... in daim ... bl-si...nt .h ...sigh) ig cuingidh saoire Cille Moire Muighe Enir sed mox uindicauit Deus .i. tasc Muircertaigh fo Erinn & argain Mide.
Kl. Caisc for sept. Kl. Mai & Mincaisc i samradh.
Flaithbertach h. Loingsigh comarba Ciarain quieuit.
Kl.
Gilla Coluim h. Maoilmhuaidh rí fFer cCeall & a ben do marbadh .i. ingen h. Bric don Geocuch h. Aillein.
Maidm na Rass re Toirdealbach mac Ruaidri re rig Connacht & re Sil Muiredhaigh for Conmaicnibh i Maigh Aí gur marbadh ár Conmaicne ann um mac Con Caille h. Fergail & um mac Gilla na Naom h. Fergail & um Duarcán mac Duipdara h. Eoluis & sochaidhe aile. {MS folio 215ra(331a)}