Kl.
Cennfaoladh h. Ogan comarba Brenainn quieuit.
Donnslebhe h. Eochadha rí Uladh do marbadh ó Cinel Eogain.
Mac meic Aodha meic Ruaidri rí Iartair Connacht moritur.
Maoilísa comarba Patraic quieuit a n-Ard Macha.
Kl.
Ruaidri h. Concupair ri Connacht do dalladh do Flaithbertach h. Flaithbertaigh {& d'Fagurtuch h. Faccartuigh} & ase a altra & cairdius Crist fo secht & a thigerna. Dalladh Ruaidri
In Craibdech h. Fallamain do badhadh i Loch Cairrgin.
Aodh mac Cathail h. Concupair do gabail do Brian & righe Síl Muiredhaigh do Giolla na Naomh h. Eidhin.
Cormac Mainistreach uasalepscop quieuit.
Coblach ffer Muman d'argain Cluana M Nois.
Kl. Enair.
Maol Coluim mac Donchadha ri Alban do marbadh do Frangcaibh & Edbard a mac et Margarita ben Maoil Coluim d'ec da chumaidh.
Aodh mac Cathad h. Concupair ri Sil Muiredhaigh do marbadh i Mumhain a ngemil la h. Fagurthaigh .i. Fagurtach tria fell. {MS folio 213va(328a)}
Meabadh ar Síl Muiredhaigh uile la Muircertach h. mBríain ri Erenn gur airg et gur innarb hi tTír nEogain & gur gabh a righ .i. Gilla na Naom h. Concupair & h. Concennainn mac Taidg rí H. nDiarmada.
Ailill h. Niallain do Uibh Fhiacrach Aidne tanuise abbadh Cluana M Nois & comarba Cronan Tuama Greine et Meic Duach quieuit.
Isell Ciarain do cennach ar dilse do Cormac mac Cuinn na mBocht ó h. Flaithnen & ó Domnall mac Flainn h. Maoilseclainn o righ Mide. 11
Kl. Enair.
Domnall mac Fláinn h. Mao{i}lseclainn rí Temrach do marbadh d'feraibh Mide .i. do Luignib.
Cath Fidhnacha re Tadg mac Ruaidri & re Síl Muiredhaigh ar h. fFlaithbertaigh & for Corcumruadh & for iartur Connacht gur cuiredh a n-ár.
Donnchadh mac Maoilcoluim rí Alban do marbadh a suis.
Mide do roinn eidir Donnchadh & Concupur.
Gilla na nIngen h. Cobthaigh rí Umaill aircinnec Achaidh Fabair do marbadh o feraib Cera.
Ruaidri h. Donnagáin rí Arad moritur.
Imar h. Gille Ulltáin taoisech Muintire Maoilsionna do marbadh ó feraib Mide.
Cluain M Nois d'argain do Dealbna.
Kl. Enair.
Taidech h. Egra rí Luigne occisus est.
Domnall h. Muirigen rí Teabta et{MS folio 213vb(328b)} Amlaibh mac Con Meda do marbad i fill a ngemil i Mumain.
Cluain M Nois d'argain do Conmaicnibh gur dunadh dorus an tempail do clochaibh.
Bliadain na tesca an bliadainsi cona fuil airim ar ar mare do daoinibh.
Ingrem mor o drochdaoinibh for Clúain in hoc anno gur fasaighedh an gcathraigh uile acht bec & nec potuerunt mulieres habitare seorsum sed commixtae fuerunt cum uiris suis.