Kl. Enair.
Mac Amalgada meic Flainn taoisech {no rí} Callraighe do marbadh do Maolseclainn mac Concupair.
Aru d'argain do Galloiph.
Kl. Enair.
Domnall mac Taidcc h. Concupair rigdamna Connacht do marbadh do Cathal mac Aodha h. Concupair tre fhell. Cathal h. Concupair do tuitim la Ruaidri h. Concupair go sochaidhe moir uime. Maidm na n-ethar
Cinaoth h. Ruadhain tanaisi abbad Cluana M Nois quieuit.{MS folio 212va(326a)}
Kl. Enair.
Aodh h. Maoilseclainn rí Ailig moritur.
An Meranach h. Eochadha rí Uladh do badhadh a Luimnech.
Kl. Enair.
Cat eidir Donnchadh h. Ruairc go n-Airter Connacht & go Cairbre & co n-Gailengaibh re Muircertach h. m-Briain go n-Gallaibh & Laignibh & Osraighibh & Muimnechaibh gur marbadh ann Donnchadh h. Ruairc & Cinnédigh h. Briain & Congalach h. Concupair Failge et alii.
Kl. Enair.
Ar daoine & innile in hoc anno.
Mac Domnaill h. Ruairc rí h. mBriuin occisus est per dolum.