Kl.
Redla ingantac do athruccadh isin bliadainsi & robe a med & a soillsi co ndebrattur na daoine gurab esga hí.
Gilla Braide h. Ruairc rí Brefne moritur.
Turlach dech n-uinge .xx. d'ór do tabairt ó Tairdealbach h. Bríain & o mac Maoil na mBó d'Aod h. Concupair ar congnum friu &:
Kl.
Muircertach h. Carthaigh primughdar & primollamh Connacht do badhadh i Loch Calgaigh.
Celechair episcopus Cluana M Nois quieuit.
Tadg h. Muirigean rí {MS folio 211vb(324b)} Teabta do marbadh ó Muintir Tlamáin.
Sluaighedh la Diarmaid mac Maoil na mBo go n-Gallaibh et Laignibh et la Tairdealbach h. mBriain go fferoibh Mumhan uile go h-Aodh h. Concupair gur marbside h. Concupair rí Ciarraighe Luacra. Tancuttur fir Breffne um Aedh mac Airt h. Ruairc d'inradh Connacht beós. Tri .xic. ced a lín. Fertur cath Cath Turlaigh Adhnaigh amnus feocair etir Connachtaibh & fir Brefne go ttorchair ann Áodh h. Concupair + caithmilidh iarthair domain, Cu Culainn na n-Gaoidel, toile ordain et airechuis na hErenn, duine as mó do beiredh do biudh et d'edoch d'ór & do buaiph ar a anmain a n-Eirinn.
Kl.
Murchadh h. Bríain ri{g}dhamna Erenn sgiath gerr do marbadh d'feroib Teabtha.
Domnall h. Maoilseclainn rí Cineóil Eoghain a fratre suo occisus est.
Kl. Enair.
Sluaighedh la Murchadh mac Diarmada i mMidhe gur loiscc Granard & Fabar et Ard Breacan. Ro matb dano Fecín eisiom inn gnuis do gnuis & ár Gáll et Laigen.
Mac Gadra meic Dunadaigh ri Sil Anmchadha.
Ailill h. Airechtaigh do Corca Raidhe dho comarba Ciarain quieuit. {MS folio 212ra(325a)}
Murchadh Liathanach righdamna Connacht do marbadh do Conmaicnibh tre meabail.
Donngal mac Gormain tanaisi abbadh Cluana M Nois quieuit.