Kl.
Crech la Aodh h. Concupair righ Connacht dar iartur Mide go rug gabala imdha & brait mor ass.
Maolduin mac Gille Andrias episcopus Alban et ordan Gaoidel quieuit.
Gilla Patraic rí Osraighe moritur.
Kl.
Flann fer leiginn Mainistrech et tiugsháoi na n-Gaoidheal etir leigenn & sencus quieuit. +
Odor mac Flainn ri Calraighe iugulatus est.
Kl.
Dunchadh h. Donchadha rí Caissil moritur.{MS folio 211ra(323a)}
Morcrech Luigne la Aodh h. Concupuir.
Mugron h. Mutain comurba Bairre et uasalepscop & fer leiginn do marbadh da muintir féin iar ttoigecht on iarmerge.
Kl.
Lulach rí Alban do marbadh do Maolcoluim mac Donnchadha per dolum.
Creach la Aodh h. Concuphair et lasna Sinnchaibh gur airgsiod Lothra.
Cat Slebe Crot la Diarmaid mac Maoil na mBó et la Tairdealbach h. m-Briain for Donnchadh h. m-Briain dú i ttorchair Ligda comarba Ailbe & Rigbardan mac Con Coirne rí Éle.
Mac Betadh mac Finnlaich airdri Alban do marbadh do Maolcoluim mac Donchadha.
Gallbrat {h. Cerbaill} do matbadh la Concobur h. Maoilseclainn {rigdamna Temrach} tre meabail. Claidheb Carrlosa & mor arcena do breith do mac Maoil na mBo 'na inadsin ar ro boi i ccomarce fris.
Kl.
Niall h. Maoildoraidh rí Cineóil Conaill mortuus est i nailithre.
Cathal mac Tigernáin rí Airtir Connacht do marbadh d'Aodh h. Ruairc.
Conn na mBocht Cluana M Nois quieuit.
Mac Bríain do dul i ttech Aodha h. Concupuir rí Connacht go ttug a riar dhó.