Corpus of Electronic Texts Edition
Chronicon Scotorum (Author: [unknown])

Annal CS1050

Kl.

Cluain {M Nois} d'argain fa tri a n-aon raithe .i. fecht o Shíol Anmchadha & fa dhó o Calraighibh gus na Sinnchaibh.

Donnchadh mac Gilla FaoláinH. fFailge do marbad d'U Concubair do rig H. fFoilge.

Cluain {M Nois} et Inis Clotrann d'argain do Conmaicnib.

Natiuitas Muirchertaig h. Briain rig Erenn.

Annal CS1051

Kl.

H. ConcuphairH. fFoilge occisus est a suis.

Amalgaidh mac {Catail mc} Ruaidri ri Iarthair Connacht do dalladh la h-Aodh h. Concupair {MS folio 210va(322a)} la righ Airtir Connacht gur gapsidhe iar sin arus a n-iartur Connacht.

Maidm Slebe Formail for Conmaicnibh ria n-Aodh h. Concupuir dú a ttorchair ar Conmaicne.

Domnall Bán h. Bríain occisus est ó h. Concubair o righ Connacht.

Bile Muighe Adair do trasgradh la Aodh h. Concupair.

Annal CS1052

Kl.

Creach la mac Maoil na mBo i Fine Gall gur loisg an tír o Ath Cliath go Albene acht noco tarraidh bu co ndernsat scandrecha mora imon dun i ttorchair ile co ndeachaidh rí Gall .i. Echmarcach mac Ragnaill tar muir & ro gaph mac Mail na mBo righe Gall dar a ése.

Creach la Aodh h. Concupair i Conmaicne gur indir go mór.

Echtigern h. Egrain do Sogon h. Maine comarba Ciarain Cluana M Nois & Comáin d'éc a n-ailitre i g-Clúain Iraird.

Ar Callraighe im a rig um mac Airechtaigh la Conmaicnibh per uirtutem Ciaraini.

Dubeassa ingen Briain moritur.


p.242

Annal CS1053

Kl.

Niall h. EccnigFer Manach et a brathair do marbadh d'feraib Luirc.

Sluaighedh la mac mBríain & la h. Maoilsechlainn i Fine Gall go ttugsat aidire ó mac Maoil na mBo.

CochlanDealbna Betra a suis per dolum occisus est.

Annal CS1054

Kl.

Cloictech tened d'faicsin i Ross Deala dia Domnaigh fele Giurgi fria recuig n-úair. Eoin dupa diairmitte inn & as & aoinen mór ina medhon et tegdis fo a cluim side na hén bega an tan tegdis isin cloictech. Tancuttur {MS folio 210vb(322b)} amach gur togbattur an coin báoi for lár an baile i n-airde isin aier et tarlaigsit é sios go ndearbailt fo cedoir et tuargapattur tri bruit dilend i n-airde & ra legsiot síos doridisi. An caill iarum forsa ndesettur na heóin da rochair foithibh & an dairbhe forsa ndesiottur na heoin ro báoi for crioth cona fremaibh hi talmain.

Loch Suide Odrain i Sleb Guaire a elodh a nderedh aidqe fele Michil co ndeachaidh isin Feabail.

Cact ingen Ragnaill rigan Erenn moritur.

Creach la Aodh h. Concubair la ríg Connacht go Corcu Baiscinn et go Dartraicce gur gab gabála mora & gur marbadh don cur sin lais Aodh mac Cendedigh muire & ordan Dáail cCais.

H. Ger{i}thir episcopus Cille Dalua quieuit.