Kl.
Flaithbertach h. Canannain rí Cinel Conaill moritur.
Cluain Ferta Brenainn do losgadh do Uib {MS folio 210ra(321a)} Maine accus h. Dunadhaigh do marbadh Cu Connacht meic Gadra.
Amalccaidh mac Flainn rí Calraighe do ec do galor anaithnidh re cenn .3. ttráth iar cco{i}nnmedh egne i c-Clúain M Nois.
Kl.
Art h. Ruairc rí Connacht do marbadh do Cinel Chonaill in secundo anno iar n-argain Cluana M Nois.
Feargal h. Ciarda rí Coirpre do marbadh d'feraiph Teabtha.
Gormlaith ingen Maoilseclainn quieuit.
Máolrúanaidh Got occisus est.
Kl.
Snecda mor isin bliadainsi dona frith samail.
Gorta mor do tiachtain i nUlltaibh gur fagsat a ttir co ndechattur i lLuighnibh et as tria milledh cataigh tainig an gorta sin .i. feall for dha mac Brain meic Maoilmordha do mac Eochadha et do maithibh Uladh iarna mbeth i ccumairque friu & as ar mac Maoil na mBo do ronsat Ulaidh an feall sin.
Niall h. Ruairc do marbadh do Aodh h. Concupair isin Corann.
Ceternach episcopus o Tigh Collainn do ecc.
H. Baillen episcopus Ruis Cre quieuit.
Mac Donnchadha Guit rigdomna Temrach quieuit.
Ua Eidhin rí h. fFiacrach Aidhne quieuit.{MS folio 210rb(321b)}
Kl.
Cele episcopus Ardachaidh quieuit.
Sluaighedh la Donnchadh mac mBriain dar Midhe et dar Breagha go Gallaibh is go Laignibh go rug gialla ó mac Mail na mBo et a rér o Gallaibh.
Fergal h. Maoilmhuaidh rí fFerg Ceall d'ecc.
Cennfaoladh h. Cuill ollam Muman moritur.
Gilla Coluim h. Egnigh airdri Airgiall quieuit.
Maolfaba{i}ll h. Edhin rí h. fFiacrach Aidne quieuit.
Sluaighedh la mac nEochadha et la mac Maoil na mBó i m-Midhe gur loisgsit cealla ffer Mide acht beg.
Hic est annus finis .ui. milium secundum Ebreicam ueritatem.
Kl.
Amalgaidh comurba Patraic quieuit.
Aneslis mac Domnaill rí Corca Baisginn do marbadh do mac Aisith meic Domnaill.
Sluaighedh la mac Bríain go Mag nAirb go rucc géll Laighen & Osraighe.
Ross Comain uile do losccadh eidir damliag & regles d'feraib Breifne.