Kl.
Niall h. Concupuir righdamna Connacht et Maolseclainn Got rí Mide do ec.
Saorbreatach ab Imlech Iobair ordan Erenn quieuit.
Muiredhach mac Mugróin do muintir Imligh fordeoraigh comarba Ciarain quieuit.
Comaltan rí h. fFiacrach Aidne occissus est.
Kl.
Sluaighedh la mac Briain go ttug gialla Midhe et Bregh & Gall & Laigen {&} Osraighe.
Sluaighedh la Flaithbertach h. Néill et la mac Maoilseclainn meic Maoilrúanaidh i mMidhe go ttugsat gialla & go ndecatur for lic aigridh gur innirsit Inis Mochta.
Maolrúanaidh h. Maoldoruidh ri Cineóil Conaill do dul tar muir da ailitre.
Conall h. Cillin comarba Cronáin Tuama Greine quieuit.
An clochan ó garda an bainb co ilaid chilaid na ttri ccros do denam la Bresal Conaillech.
Tri catha {MS folio 208rb(317b)} ria Róen {.i. Raon} .i. cath for fire Mide et cath for fire Bregh et cath for Gallaibh Atha Cliath.
Kl.
Sluaighedh la mac Bríain i n-Osraighibh gur raoinedh {for} drem día muintir gur marbadh ann Gadra mac Dúnadaigh et Domnall mac Sencáin meic Flaithbertaigh rigdamna Muman et Maolsechlainn h. Concupair ri Corcumrúadh et da mac Cuilin meic Concuphair rí & rigdamna H. Conaill et dá mac Egertaigh rí & rigdamna tuaisgirt Eoganachda & Ogan h. Cuirc mac Anluain meic Cennedigh & alii.
Bachall Iosa do brisiodh.
Maolrúanaidh h. Maoldoraidh d'ec i n-ailitre.
Ricard rí Frangc moritur.
Sluaighedh la Sitricc mac Amlaibh & la Donnchadh rí Breagh i m-Midhe go Lec mBladha & go Munai Milain go gcomrangattur friú fir Midhe go ttorchair Raon rí iartair Midhe & Dunchadh rí Bregh & ri H. mBriuin Cualann et alii.
Kl.
Tuathal h. Dubanaich episcopus Cluana Iraird quieuit.
An t-epscop h. Suairlig quieuit.
Sitriucc mac Amlaibh do dul do Roim & Flánnugan h. Ceallaigh rí Bregh. {MS folio 208va(318a)}
Mac Amlaibh o Roimh.
Brían mac Cathail h. Concupuir rigdamna Connacht do marbadh la Maolseclainn h. Maolruanaidh.
Kl.
Amlaibh mac Sitricc do gabail do Mathgamain h. Riagain rí Desceirt Bregh go ffargaib da ced décc bó & se .xx. ech Bretnach et tri .xx. unga d'ór et claidhiom Carlusa & marc ind fhir rodnergaib.
Mortlaid mor i n-Inis nAlainne hi gCairbre moir dú in ro loisgtea da .xx. dég duine {do} maitib Cairbre & rí Dartraighe & rí Coirbre et airchinnech Droma Cliabh.
Muircertach h. Maoildoraidh rí Cineóil Conaill do marbadh do Uib Canannain Catain oc Rait Canannain.