Kl.
Sluaighedh la Domnall mac Duib da Bairenn go Luimnech. Da mac Briain .i. Donnchadh et Tadg go sluaghaibh Túadmumhan. Gniter cath etorra. Maoidhedh for descert n-Erenn & do tuit ann Domnall.
Sluaighedh la Maelsechlainn & la h. Nell & la h. Maoldoraidh co Ath Cliath coro loisgsiot in dun & gach a raibhe bn dtin amach do thaighibh et co ndeachadar iaromh i nUibh Cheinnselaigh gur loisgsit an tir uile & tuccsat ilmile do braid & innilibh co tarrucht crech da crechaibh arm gur marbadh {MS folio 206vb(314a)} drem dibh fin mac righ Connacht et alii et gur gabadh ann Congalach mac Concubair ri h. fFoilge et Gilla Coluim h. Agda ri Teabta.
Sluaighedh la Maolseclainn et la h. Nell et la h. Maoildoraidh a lLaignibh go ttugsat gialla Laigen et go ttugsat righe Laigen do Dunncúan mac Dúnlaing gur innirsit Osraighe.
Mac Ragnaill meic Imair rí Puirt Lairge do marbadh ó Uí'b Liatháin.
Aodh h. Ruairc rí Brefne & rigdamna Connacht do marbadh la Tadg mac Cathail meic Concupair la righ Connact dolose.
Crech mor la hUlltaibh gur airgsit Árd Macha o raith imach go rugsat gabála imda este.
Gaoth mor isin fogmur dona frith sed na samail isin aimsirsi dú a ttorcair dair mor reglesa Fingin hi c-Cluain M Nois.
Cosgalor ic Gallaibh & plag lochadh is Gallaibh & ig Laignip.
Kl.
Sluaighedh la Maolseclainn i n-Ulltaibh go ttug gialla Uladh.
Giolla Colaim h. Agda rí Teabtha do marbadh o mac Duinn {meic Donngaili} i n-Druim Raithe.
Donnagan mac Dunlaing {rig} Laigen do marbadh & Tadg h. Riaain rí h. nDrona la Donnchadh mac {MS folio 206vb(314b)} Gille Patraic for lar Leithglinne.
Cluain M Nois dano, Cluain Ferta Breaénainn et Cenannus do losccadh.
Mac Liag .i. Muircertach ardollam Erenn optimus homo moritur i n-Inis Gaill Duiph for Sinainn. Cedrann Meic Liag:
- Muircertach beg mac Mailcertach
bís ag ingaire na mbo,
ase an t-innraic nach aimsi loit,
tabair sgeanach finnraiph dho.
Connacda d'argain Cille Dalua.
Cat eidir Dal Araidhe et Ultaibh. Maoidhedh ar Dal Araidhe & do tuit ann Domnall h. Loingsigh rí Dail Araidhe et Níall mac Duibtuinne meic Ardgail airdrí Uladh {&} Concupur h. Domnaill ri H. tTuirtre & alii.
Fir Muman d'argain Innsi Clotrann et Innsi Bo Finne.
Kl.
Diarmaid {h.} Maoiltelcha episcopus quieuit.
Oengus mac Carrthaigh Calma righdamna Temra et tuir ordain Erenn moritur.
Fergal mac Domnaill meic Concupuir rigdamna Ailigh do marbad {ó} Chinel Eogain fadhen.
Donnchadh {mac} Donnchadha h. Congalaigh rigdamna hÉrenn do marbadh o feruibh Bregh per dolum. {MS folio 207ra(315a)}
Kl.
Gormgal ind Ardailean primancharadh Eirenn in Christo quieuit.
Broen mac Maoilmordha meic Murchadha rí Laigen do dalladh in Ath Cliath la Sitriucc mac Amlaoibh tre meabail.
Congaluch {mac} Concuphair meic Finn rí H. fFoilge moritur.
Kl.
Orgain Cenannsa do Sitriug mac Amlaibh co nGallaibh Atha Cliath et gur marbadh daoine ar a lár.
Mac Caturnaigh meic Aodha do Íbh Caissin do teagmail docum Donnchaidh meic Bríain go ttard béim da claidhiom'na cenn et dar a laim ndeis gur ben de. Terna iarum mac Briain & ro marbadh mac Catharnaigh.