Corpus of Electronic Texts Edition
Chronicon Scotorum (Author: [unknown])

Annal CS1010

Kl.

Cathal mac Concupair ri Connacht do ég a n-ailitre.

Marcan mac Cinnetigh cenn Muman i lleith o clercibh quieuit.

Conaing mac Aodacain episcopus Cluana M Nois, do Mugdornaibh Maigen, quieuit.

Sluaighedh la Brían go Claonloch Slébhe Fúaid go rug aidire Cineoil Eogain et Uladh.

Derbail ingen Taidg meic Catail moritur.

Crunnmaol episcopus quieuit.

Annal CS1011

Kl.

Flaithbertach h. Cetnen comarba Tigernaigh et episcopus do guin d'feroib Brephne & a ég iar ttain.

Sluaighedh la Brían go Mag Corainn go rug les righ Cineoil Conaill .i. Maolruanaidh h. Maoldoraidh fria rér go Cenn Coradh.

Flann h. Donnchadha comorba Oena quieuit.

Annal CS1012

Kl.

Tedm mor .i. cnoc & treagait a n-Ard Macha o Samhuin go Bealtaine gur marp sruithe et meic leighinn imda & a epscop .i. Cend Faoladh an tsabaill.

Annal CS1013

Kl.

Derbail ingen Congalaigh meic Maoilmithidh ingen righ Erenn d'éc.

Crech mor la h-Ualarg h. Ciardha la righ Coirbre et la mac Neill h. Ruairc et la feruibh Teabtha hi n-Gailengaibh co tarraidh lucht tighe Maoilecláinn iar n-ol issin uair sin go ttardsat cath doib tre diumus {MS folio 205va(312a)} go ttorcair ann Donnchadh mac Maoileclainn et Dub Taichligh h. Maoilcalláinn taoisioch Delbna Bice et Donnchadh mac Donnchadha Finn righdamna Temrach et Cernach mac FlainnLuigne & Senan h. LeochainGaileng et alii. Maolseclainn do torrachtain go fargta acca na gabála et go ttorcair les Ualarg h. Ciarda.


p.216

Cogadh mór eidir Gallaibh et Gaoidealaibh.

Crech mor la Murchadh mac Briain ri Laignibh gur airg an tir go Glénn da Locha & go Cill Maignenn gur loisg an tír et gur crech.

Longus mor do tect ona Gallaibh isin Mumhain gur loisgsit Corcach sed Deus uindicauit statim ar ro marbadh Amlaibh mac Sitriucca .i. mac rig Gall et Mathgamain mac Dupgaill meic Amlaibh o Cathal mac Donmaill meic Duib da Bairenn dolose.

Crech mor la Maolseclainn a ccrich Gall gur loiscc an tir go Etar go tarraidh Sitricc et Maolmordha crech da crechaibh gur marbsat da ced di im Flann mac Maoileclainn et Lorcan mac Echtigern ri Cineóil Mechair & ceteros.

Domnall mac Cathail rigdamna C{MS folio 205vb(312b)}onnacht do marbadh la h. Maoldoraidh et Magh nAe uile do losccadh et d'argain.

Annal CS1014

Kl.

Fel Grigoir ria nInid isin bliadainsi et Mincaiscc a samradh quod non auditum est.

Sluaighedh la Brían mac Cinnedigh meic Lorcain Cath Cluana Tarbla righ Erenn et la Maoilseclainn la righ Temrach go hAth Cliath. Gaill an domain do neoch baoi diobh o Lochláinn siar ro tionoilsit a n-aigidh Bríain & Maoileclainn; .x. ced luirech leó. Cuirter cath crodha amnus eturra dona frith séd na samail isna haimsioraibh seo go ttorchair and Brían mac Cinnedigh airdri Erenn et Gall et Bretan .lxxx.uiii. anno aetatis suae & Murchadh mac Bríain rigdamna hErenn lx.iii. anno aetatis suae et Toirrdhelbach mac Murchadha meic Bríain et Conaing mac Duinncuan mac bratur Bríain ogus Mothla mac Domnaill meic Faeláin ri na n-Deisi Muman & Eochu mac Dúnadhaigh et Niall h. Cuinn et Cu Duiligh mac Cinnedigh tri caoimthi Bríain et Tadg h. CeallaighH. Maine et Maolruanaidh h. {Edhin ri} Aidhne et Gebennach mac Dub{MS folio 206ra(313a)}ucanFer Muighe et Mac Betadh mac Muiredhaigh CláoinCiarraighe Luacra & Domnall mac DiarmadaCorca Baiscinn & Scanlan mac CathailEoganachda Lochu Lén et Domnall mac Emíni meic Cainnigh et alli nobiles .i. o Tulcaind go Ath Cliath gur raoinedh for Gallaibh & for Laignibh tria nert cathaighte et


p.218

imbualta et crodachta go ttorchair ann Máolmórda mac Murchadha meic FinnLaighen et Tuathal h. Ugaire righdamna Laigen et mac Brogurbáin meic Concupuir rigdamna h. fFailge & multi ogus go ttorcair ann Dupgall mac Amlaibh et Gilla Cíaráin mac Glúin Iarainn dha righdamna Gall & Sichfrit mac Lodair iarla Innsi Orc et Bruadur taoisioch na n-Danur & asé ro marb Brian & lucht na ndech ced luirec yle 'n-as lugade. Do rocrattor trica ced do Gallaibh ann.

Cath eidir Uib Ecach 'ma sech eidir Cian mac Maoilmuaidh et Domnall mac Duibh dha Bairenn go ttorchair ann Cian et Cathal {MS folio 206rb(313b)} & Rogallach et {tri) meic Máoilmhúaidh & ár impu.

Sluaicchedh la Donnchadh mac Briain a ndesgert n-Erenn gur marp Cathal mac Domnaill et go ttug gíall o Domnall.

Imaireg eidir da mac Bríain .i. Donnchadh et Tadg: maoidhedh for Donnchadh. Do tuit ann Ruaidri h. DonnagainArad et alli.

Dunlang mac Tuathail ri Laigen moritur.

Sluaighedh la h. Maoldoraidh et la h. Ruaircc a Magh nAoi gur marpsat Domnall mac Cathad & ruccsat gialla Connacht.

Flaithbertach mac Domnaill {A.} di Cláinn Colmáin dó, comarba Ciaráin & Finniáin, quieuit in Christo.

Conn h. Diugraidh comurba Caoimgin quieuit.

Domnall h. AirtTeabtha moritur.