Kl.
Cinaodh mac Maoil Coluim a suis occisus est.
Domnach Padraig d'argain do Gallaibh Atha Cliath & do Muircertach h. Congalaigh sed Deus uindicauit in fine mensis eiusdem.
Fail Tomair et claidebh Carlusa do breth do Maoilseclainn mac Domnaill ar écin o Gallaibh Ata Cliath.
Kl.
Airgialla d'argain Áird Macha go rugsat fiche ced bo este. Árd Macha do losccadh taigibh templaibh & a chloigthech.
Gilla Padraig mac Donnchadha rí Osraighe do marbadh do Donnduban mac Imair.
Donndubán mac Imair occisus est o Laignibh.
Gilla Padraig h. Flannagan rí Tebta occisus est o Fiach mac Raduibh .i. taoisech Muintire Maoilsinna.
Domnall mac Faoláin rí na n-Desi moritur.
Tech n-aoidhedh Droma Raithe do losccadh d'feroib Mumhan & tri ced do daoinibh ann.
Kl.
Cath eidir Albanchaibh gur marbadh {Constantin} rí Alban .i. mac Cuilenan & alii.
Maolcoluim mac Domnaill rí Breatan tuaisgert moritur.
Ruaidri mac Nell h. Canannain rí Cineoil Conaill moritur.
Kl.
Sluaicchedh la Maolseclainn et la Brian go ttugsat gialla Gall. Brian go feroib Mumhan & Maolseclainn go fferoib Midhe go Connachtaibh go ttugsat a ngialla.
Dub dha Lethe comarba Patraic & Coluim Cille quieuit.
Conaing h. Cosgraigh suiepscop Cluana M Nois quieuit.
Diarmait mac Domnaill ri H. cCensilaigh moritur.
Gilla Padraig mac Donnchada rí Osraighe moritur.
Gilla Enain mac Agda ri Teabta occisus est o Sil Ronain.
Kl.
Donnchadh mac Domnaill rí Laigen do gabail do Sitriug mac Amlaibh.
Lía Ailbe do tuitim.
Cell Dara d'argain do Gallaibh Atha Cliath.
Sluaicchedh mor la Maolseclainn mac Domnaill & la Brian mac Cinnedigh go Glenn Mama go ttancuttur Gaill Atha Clíath da ffobairt gur raoinedh for Gallaibh & gur lad a n-ar im Aralt mac Amlaibh et um Culen mac Etigen et um maithibh Atha Cliath et go ndechaidh Maolseclainn & Brían iar sin a n-Ath Cliath go rapattur sechtmain ann go rugsat a or & a airged & a brait & gur marbsat an righ .i. Sitriug mac Amlaibh.
Niall mac Agda rigdamna Teabtha do marbadh do Calraighibh a c-Cluain M Nois um fel Ciarain. {MS folio 204ra(309a)}
Diarmarid {uel Diarmaid} mac Dunadhaigh rí Sil nAnmchadha do marbadh do mac Comaltáin .i. rí Aidhne.
Cath eidir Airgiallaibh & Cinél Conaill dú a ttorcuir Gilla Crist rí Conaille & alii.
Maolseclainn h. Maoilruanaidh ri Cremtainn occisus est da Ibh Ceallaigh .i. Cu Caille.