Corpus of Electronic Texts Edition
Chronicon Scotorum (Author: [unknown])

Annal CS985

Kl.

Maolseclainn mac Domnaill d'innradh Connacht {MS folio 202vb(306b)} agus do toghad a hinnsedh & do marbadh a taisech.

Diarmaid mac Uathmurain ri Luigne moritur.


p.200

Annal CS986

Kl.

Mor ingen Donnchada meic Ceallaigh banrigan hErenn moritur.

Maolciaráin h. Maigne comarba Coluim Cille do dul dergmartra lasna Danuroib a n-Ath Clíath.

Fuadach scrine Padraig la Maolseclainn oc Ath Firdiad co At Sige tria cogadh meic Cairelláin. Sith do denam doib iarum & riar Padraig Ó Maolsechlainn .i. cuairt fer Mide etir cill et túaith; ergnam gash duine ó Maolsechlainn fesin la taob secht ccumal et ogriara archena.

Muirgius mac Donmaill ri H. Maine iugulatus est.

Cluain M Nois do losccadh aidqe Aoine ria Caisc Moir.

Annal CS987

Kl.

Treagad fithnaisi o demnaibh a n-airthir Erenn gur la ár daoinedh go mbidis ar suilibh daoinedh i foilsi.

Sancta uirgo Cellach in Christo quieuit.

Tosach an boáir .i. an mailgairb an cetnai na tudchaidh riam.

Annal CS988

Kl.

Ár Muman et Gáll Puirt Lairge la Connachtaibh dú a ttorchair Dunlang mac Duib da Bairenn rigdamna Muman et alii. Muirgius mac Concupuir ridamna Connacht do tuitim a ffrithguin.

Dunstan ardepscop Saxan uile quieuit.9

Dunchadh h. Brain comarba Ciarain meic an tSáoir d'éc a nalithre a n-Ard Macha. {MS folio 203ra(307a)}

Scrín Coluim Cille do saruccadh do Maoilseclainn.

Annal CS989

Kl.

Glun Iarainn mac Amlaibh righ Gall do marbadh da moghadaibh feisin .i. Colbain.

Gotfrith mac Aralt ri Innsi Gall do tuitim la Dá Riada.

Cath Atha Cliath for Gallaibh re Maolseclainn mac Domnaill ubi multi occisi sunt & forbáis an dúine forra iar sin fri ficit aidqe conar


p.202

ibsiot {usqe} frisen acht sal go ttardsat a ogriar fen dó cén ba rí et uinge óir gacha gardha gach aidhqe Notlac Moire tri bith sior.

Concupur mac DomnaillLuigne moritur.

Muiredach h. ClerighAidhne moritur.