Kl.
Domnall h. Nell rí Temrach post penitentiam obiit.
Maolsechlainn regnare incipit for Erinn.
Cath Temrach ria Maolseclainn mac Domnaill la rig hÉrenn {MS folio 202rb(305b)} for Gallaibh Atha Cliath & for macoib Amlaoib an tshainriudh dú a ttorchair ile um Raghnall mac Amlaoibh rigdamna Gall & um Conamail mac Gille Airre uel i & arlabraid Atha Clíath & socaide. Bráon mac Murchadha righdamna Laigen & Congalach mac Flainn ri Gaileng & a mac .i. Maolán & Fiacra & Cu Duiligh da mac Dublaith da rig Fer Tulach et Lachtnan rí Mugdom Maigen do tuitim a ffrithguin an catha.
Morsluaighedh la Maoileclainn mac Domhnaill la righ Temrach & la Eochaidh mac Ardgail ri Uladh go Gallaibh Atha Cliath go ttugsat forbais tri la et tri n-oidqe forra go ttugsat gialla hErenn ass um Domnall Claon ri Laigen et um aitire h. Néll arcena a n-ogrer o Gallaibh, fiche ced bo co sedaibh et maoinibh archena go saoire h. Néill o Sinainn go muir gan cain gan cabach. As annsin tra foruagair Maolseclainn: Gach aon do Gaoidelaibh fail a ccrich Gall a ndaoire & a ndocraidhe téd as dhá tír fen ar cenn sidhe & subachuis. Ba si brad Baibiloin na hÉrenn an sluaighedh sin.
Murchadh mac Riatai ab Ruis Comain et tanaisi Cluana M Nois quieuit.
Mugron ab Iae sgriba uel c et episcopus quieuit.
Amlaíbh mac Sitriucca ardri Gall Atha Clíath go hÍ a ndeoraidhecht iar sanct iar n-aithrighe mortuus est{MS folio 202va(306a)}
Agda mac Duibcinn rí Teabtha iar n-aitrighi mormus est.
Kl.
Eogan h. Cathan comorba Brenainn Cluana Ferta moritu.
Anmchadh episcopus Cille Dara quieuit.
Domnall h. Aiteid ri H. nEchach & Loingsich taoisich H. Niallan do comtuitim diblinaibh.
Clercén mac Donngaill comarba Fechin quieuit.
Kl.
Bruatur mac Ectigern rí H. Cinnsiolaigh moritur.
Orgain Cille Dara ó Imar Puirt Lairge.
Archu mac Nell righdamna Uladh a suis per dolum occisus est.
Dal cCais d'argain do Maolseclainn mac Domnaill & bile Muighe Adair do tescadh.
Muiredach mac Ruadrach comarba Fechin quieuit.
Kl.
Cathraoinedh re Maolseclainn mac Domnaill & re Glún Iarainn mac Amlaibh for Domnall Claen & for Imur Puirt Lairge dú a ttorchair ile etir badud & marbad um Gilla Padraig mac Imair et alii.
Glenn da Locha d'argain do Gallaibh Atha Cliath.
Inradh Laigen & a orgain la Maolseclainn go muir.
Kl.
Domnall Claon rí Laigen do marbad la Aodh mac Ectigtern d'Uibh Censiolaigh.
Aodh h. Dubhda ri tuaisgeirt Connacht moritur.
Tri meic Cearbaill meic Lorcáin d'arccain termainn Caoimgein & a marbadh a ttriur ren-aidqe.
Domnall mac Lorcain ri Lagen occisus est ó Ibh Censilaigh.