Kl.
Aodh mac Maoilmithidh in perigrinatione moritur .i. hi Cind Ri Monaidh.
Sluaiccedh la Domnall mac Muircertaigh rí Temrach go ttug gialla h. Rúairg .i. Fergail ri Connacht.
Cláochlódh abbad a n-Ard Macha .i. Dub da Lethe a n-inad Muiredaigh.
Kl.
Muiredach mac Fergusa comarba Padraig .uii. annis in principcitu quieuit.
Maidm for h. Ruairg a mBairinn Corcumruaidh re Comaltan h. Clerigh & re Maelseclainn mac Corcda dú a ttorcrattur da .xx. ced um Taithlech h. n-Gadhra .i. righ Luigne.
Catusach mac Murchad [OElig ]hain episcopus Aird Macha quieuit. {MS folio 201ra (304a)}
Fingin episcopus muintire Iae quieuit.
Donnchadh mac Tuathad rigdamna Laigen moritur.
Ceallach mac Faeláin ri Laigen moritur.
Cormac h. Cillin do Uib fFiacrach Aidhne comorba Ciaráin & Comain & comurba Tuama Gréne, et as aige do ronadh tempul mor Tuama Grene et a claigtec, sapiens et senex et episcopus quieuit in Christo. .i. liath na ttri lemenn.da bliadain .x. cethre ced o ég Ciarain go liath na ttri lemend
Fergal h. Ruairc Nabcodón na n-Gaoidhiol .i. rí Connacht post inumerabilia mala do tuitim la Domnall mac Congalaigh righ Cnoghba.
Kl.
Cath eidir Cinel nEogain et Cinel Conaill dú a ttorcair ile um Maeilisa h. Canannáin et um Muircertach mac Concupuir et um mac righ Connacht.
Cerball mac Lorcain ridamna Laigen do marbadh do Domnall mac Congalaigh ri Bregh.
Kl.
Sloiccedh la Donmall h. Nell go Laignibh gur indir o Berba sair co fairrge go ttuc boruma mor leis & go ttard forbais for Gullu Atha Cliath & for Laighnibh fria ré da mhís.
Kl.
Eogan mac Cleirigh episcopus Connacht quieuit.
Maelfinnian mac Auchtain episcopus Cenannsa & comorba Ultain quieuit.
Beollán mac Ciarmaic rí Lochu Gabur moritur.
Carrach calma {.i. Donnchadh} h. Maeilechlainn rigdamna Midhe per dolum occisus est o Art mac Carrthaigh. {MS folio 201rb (304b)}