Kl.
Flaitbertach mac Muircertaigh meic Nell ridamna Temrach iugulatus est o Cinel Conaill.
Domnall mac Finn ridamna Laigen moritur.
Fogartach mac Donnagan ri Airgiall moritur.
Oenagan mc Egertaigh aircinnech egailsi bige qui fuit germanus ataui Cuinn na {MS folio 199vb (301b)} mbocht episcopus Cluana muc Nois.
Kl.
Donnchadh mac Domnaill h. Maoileclainn rigdamna Temrach iugulatus est o Fergal Got mac Aongusa.
Cloigtech Slaine do losgadh do gentibh cona lán do daoinibh ann .i. im Conecan fer leginn Sláine.
Madudan mac Aodha rí Uladh a suis occisus est.
Cath Muine Brocan eidir Gallaibh et Gaeidelaibh dú a ttorcair Ruaidri Ó Canannain a ffrithguin an catha et dú a ttorchair ile do Gallaibh. Gotfrit fugit, Congalach mac Maoilmithidh uictor fuit.
Donnchadh mac Domnaill letri Mide moritur.
Crech la Congalach mac Maoilmithidh 'sin Mumain gar airg Iarmumhain & gar marp da mac Cinnedigh .i. Ectigern & Donnacan.
Rúarcc h. Laegachan rí fFer Cul Teabtha moritur.
Kl.
Aodh mac Maoilruanaidh rigdamna Temrach iugulatus est ó Domnall mac Donnchadha.
Bécc mac Duinncuan rí Teabta moritur.
Cinnedigh mac Lorcain rí Dáil cCais moritur.
Gothfrith mac Sitriucca do gabad Atha Cliath & d'argain Cenannsa {MS folio 200ra (302a)} agus Domnaigh Padraig et Aird Breacain & Tuilén et Disirt Ciarain et Cille Scire — sed Deus uendicauit: mortuus est in breui tempore — ubi capta Bunt .iii. hominum cum maxima auri et argenti.
Saoire Cluana Iraird ó Congalach mac Maoilmithid.
Kl.
Flann h. Beccan airchinnech Droma Cliab moritur.
Concupur mac Domnaill h. Maoileclainn.
Ferdomnach h. Maonaigh abb Cluana M Nois quieuit {i n-Glinn da Loca mortuus .i. do Corca Moga}.
Domnall Donn mac Donnchadha rigdamna Temrach moritur, athair Maoilseclainn Moir.
Kl.
Cluain M Nois d'argain d'feroibh Muman go n-Gallaibh Luimnigh.
Eithne ben Congalaigh meic Maoilmithidh .i. ingen Fergaile airdrigh Erenn moritur.
Maolcoluim mac Domnaill rí Alban a suis occisus est.