Corpus of Electronic Texts Edition
Chronicon Scotorum (Author: [unknown])

Annal CS929

Kl.

Tuathal ó Enecain episcopus Daim{liacc &} Lusca quieuit.

Cainech ingen Canadain rigan righ Temrach in penetentia quieuit, ben Donnchadha meic Flainn.

Diarmaid mac Cerbaill ri Osraighe mortuus est.

Cele mac Scannail comarba Benncuir ogus episcopus quieuit.

Gabáil for Loch Oirbsen do Gallaibh Luimnigh & innsi an locha d'argain doibh.

Annal CS930

Kl.

Obsessio Derce Ferna et a togail ubi mille homines moriuntur.

Ar na n-Gáll ro battur for Loch Oirbsen do chur la Connachtaibh.

Gaill Luimnigh do gabail a Maigh Raighne.

Torolb do gabáil for Loch Echach.

Nuadha episcopus Glinne da Locha quieuit.

Annal CS931

Kl.

Gaill Luimnigh do gabail for Loch Ribh.

Tipraide mac Ainnsine de Aibh Briuin princeps Cluana M Nois quieuit.

Bacall Ciarain do badhadh a Loch Teched et da fer .x. maille fria & a faghbailsi fo cedoir. {MS folio 198ra (298a)}


p.172

Crundmáol episcopus Cille Dara quieuit.

Cernachán mac Tigernaigh ri Brefne moritur.

Annal CS932

Kl.

Flann mac Maoilsinna ri Breg do marbadh d'Aibh Echach.

Loingsech h. Lethlabair ri Dail Araidhe moritur.

Colla h. Bairide ri Luimnigh moritur.

Annal CS933

Kl.

Raoinedh ria Fergal mac Domnaill & ria mac Uathmurain for Muircertach mac Néll du a ttorcair Máolgarb mac Gairbith ri Derlais & Conmál mac Bruatturain et alli.

Raoinedh ria Daaigh mac Néll co Gallaibh Locha Echach for coced n-Erend du ro marbta da ced decc uel amplius.

Gaill do gabail for Loch hErne cor loitetur iltuatha agus ecalsa co Loch Gamna.

Ard Macha d'argain do mac Gotrit o Loch Cuan.

Madudan mac Aodha co cuiccedh Erenn et Amlaibh mac Gothbhrith go n-Gallaibh gur ortattur go Shabh Betha conustarraidh Muircertach mac Néll gur fagsad da .xx. deg et a ngabail.

Cuilén mac Ograin ri Osraighe moritur.

Bard Bone primfile Eirenn do marbadh do Ibh Cormaic h. nEchach.