Kl.
Dalladh Aodha meic Flainn h. Maodechlainn la Donnchadh mac Flainn.
Cath Atha Cliath for Gaoidelaibh ria n-Gallaibh .i. ria n-Imur .i. Sitriuc Gaile in quo ceciderunt Niall Glúnduph mac Aoda ri Temrach et Concupur h. Maoilechlainn ridamna Eirenn .i. ri Midhe & Aodh mac Eochuccan ri Uladh et Maolmithidh mac Flannagain ri Breagh & Maolcraoibe h. Duibsinaigh ri Airgiall et Maolcroib mac Doligen ri Tortan. Ceallach mac Foghartaigh ri Deiscert Bregh, Eiremon mac Cinnedigh flaith Cineoil Maine & alii multi duces qui non nominati sunt cum Niall i ccath Atha Cliath interfecti sunt.
Cormac mac Mothlai ri na n-Deisi moritur.
Dubhgilla mac Lachtnain ri Teabtha moritur.
Donnchad regnat. re
Loingsech episcopus Cluana M Nois quieuit. {MS folio 196vb (295b)}
Caisc for .uii. Kl & Minchaisc a samradh.
Kl.
Cathraoinedh ré Donnchadh mac Flainn h. Maoileclainn for gentibh go ttuccadh ár forra conar fédadh airem fair, gur mo imorro do Gallaibh do marbadh ann inás do Gaoidelaibh do marbadh isin cath roimhe. Muircertach mac Tigernain do tuitim a frrithguin ann.
Cenannus do innradh do Gallaibh iar suidhe et brisidh an doimliag.
Finncar episcopus Daimliag quieuit.
Kl.
Domnall mac Flainn h. Maoileclainn ridamhna Temrach .i. ri Mide do marbad la a brathair .i. la Donnchadh ig Bru{i}dhin da Coca.
Ciarán episcopus Tulain quieuit.
Magna pestilentia in Hibernia.
Ruman mac Catusaicch episcopus Cluana Irairtt.
Goffraicch h. Imair do gabáil a n-Ath Cliath.
Maolseclainn mac Maoilruanaidh ridamna Erenn inmatura morte periit.
Orgain Aird Macha do Gofraicc o Ath Cliath.
Maonach cele De do tiachtain don fairrgi aniar do denam reachda hErenn. {MS folio 197ra (296a)}
Kl.
Tadhcc mac Faolain ri Laigen moritur.
Maol Poil mac Aililla episcopus et optimus Leithe Cuind & cenn Indh Idnain quieuit.
Cormac episcopus Cluana Ferta Brenainn quieuit.
Uathmaran mac Dobailen ri Luigne Connacht mortuus est.
Sluaicchedh la Donnchadh ri Temrach co Connachta gur marbadh drem mor dia muintir ann a nduibtir Ata Luain um Cinaedh mac Concupoir ri h. fFoilge.
Orgain Cluana M Nois do Gallaibh Luimnigh et tect doib for Loch Ribh gur ortattur a innsi uile.
Orgain Eninsi do Gallaibh la Foturtuib Tire dú ro marbta da ced deg do Gaoidiolaibh.
Mael mac Duach ri Aidhne iugulatus o Galloibh.
Finnduine h. Maoilmuaidh ri Wer cCell moritur.
Kl.
Maelmordha mac Concuphair ri h. fFoilge iugulatus.
Ligach ingen Flainn meic Maeileclainn ben righ Bregh .i. Mailmithigh moritur ut dixit Gille Mocudu:
- Ingen Flainn is Maolmuire,
maith an ben Ligach fria linn;
a clann Congalach caomh crithir
is Aodh mac Mithidh mhind.
Duiblitir sagart {MS folio 197rb (296b)} Arda Macha do marbadh do Gallaibh .i. Cille Slebe.
Maoltuile mac Colmain fer leiginn Cluana M Nois quieuit.
Dedemus h. Foirbten tanaisi Cluana M Nois quieuit occus Flann Fobair uero anno uno interfuit et omnem
[WMH amends to 'omnes', but considers entry unintelligible.]
exprobrauerunt.