Kl.
Mochta dalta Fetgna episcopus Áird Macha quieuit.
Cumusc cengigis a n-Árd Macha etir Cinel nEógain & Ulltu dú a ttorchair sochaidhe .i. eidir Aidéid mac Laigne & Flaithbertach mac Murchadha cor sgar Mael Brígde. Ríar Maoilbrigde iar sin et enigh Padraicc ó cuigedaibh hErend la gabail a n-aitire tricha secht ccumal et {MS folio 193va(289a)}cethrar hi crocaib ó Ulltaibh cenmothád cealla et manchu.
Riaccán mac Ectigern rí h. cCinnsiolaigh moritur.
Becc mac Ermain rí Uladh occisus est la Aitéid.
Kl.
Lachtnan mac Maeil Ciaráin rí Teabtha moritur.
Níall mac Laoguire rí na Dese moritur.
Faolán mac Gúaire rí h. cCinsiolaigh moritur.
Kl.
Duplactna mac Maoilgúaire rí Caisil moritur.
Maolpedair mac Cuáin episcopus Tire da Glas comurba Brenaindquieuit.
Ceallach mac Flannagáin ri Bregh occisus est o Fhogartach mac Tolairg.
Muiredach mac Eochagáin leithrí Uladh occisus est o Aitéd mac Laigne.
Maolaichen episcopus Áird Macha quieuit.
Kl.
Blathmac princeps Cluana Muc Nois .i. mac Taircedaigh do Breghmainib quieuit.
Ár Gall la Conaille & la Aiteid mac Laigne in qua ciciderunt Amlaibh h. Imair et Glun Tradna mac Glúin Iaráinn cum .dccc.
Scolaige mac Macáin rí Dealb{MS folio 193vb(289b)}na Bethra do marbadh la muintir Cluana Muc Nois conidh indside ro marbadh Maolacaidh. Maolacaidh tanaise Cluana Muc Nois & princeps Damainsi {do rad fri bas conadh baoi cinta do i mmarbadh Scolaighe} do dol martra la Delbna Betra a ndigail Scolaige.
Saorbretach mac Conaid sap{i}ens et episcopus & princeps Corcaighe quieuit.
Flann mac Lonain Firgil Gaedeal .i. primfile Gaoideal do marbadh d'Uíbh Cuirrbuide .i. o hUibh Fothaidh ag Loch da Caoch a n-Desibh Muman +.
Flaithbertach mac Murchadha ri Ailigh occisus est la hU Breasail.
Kl.
Cathraoinedh ria Maolfinnain mac Flandagain is Rait Cro for Ulltaibh & for Dál Araidhe ubi multi ceciderunt um Muircertach mac Edigh ri Dail Araidhe & im mac Maoil Mocherge .i. Aindiarraidh mac Indreactaigh ri Leite Cathail. Aidéid mac Laigne uulneratus euasit.
Uathmuran mac Concupair rí h. fFoilge a suis.
Inradh Connact la Flann mac Maoilseclainn et a geill do thobach.