Kl.
Fergus mac Fotaidh ri Connacht moritur. rcon
Donnacan mac Maeili Tuile scriba et ancorita quieuit in Italia.
Mael Rúanaidh rí Midhe moritur.
Congaluch mac Irgalaigh tanaisi abbadh Cluana Muc Nois quieuit.
Kl.
Ronán abb Cluana Muc Nois quieuit: do Laicchnibh Rois Tethrach dho.
Coirpre mac Cathail ri Laigen moritur. rl
Tolorg mac Allailed flaith Fella occissus est o Galloibh Locha Ribh et ternum Finnacan mac Allailed uatoiph.{MS folio 186va(279a)}
Kl.
Forandán ab Áird Macha du ergabail ó gentibh a c-Cluain Comarda cona mindaibh et cona muintir et a mbreith a longaibh go Luimnech.
Orgain Dhúin Masc o gentibh dú ro marbadh Áodh mac Duibh da Crioch ab Thíre da Ghlass et Cluana Eidnigh & Ceiternach mac Con Dinaisc secnab Cille Dara.
Dún la Turges do Gallaiph for Loch Ribh goro loitetor Connachta(?) et Mide et cor loisccsiot Cluain Muc Nois cona dertighibh et Cluain Ferta Brenuinn et Tír da Glass et Lotra et catracha iomdha.
Cathrainedh for gentibh ria Niall mac Aodha a Maigh Itha.
Orgain Dondchadha meic Follamhain & Fláinn meic Mail Ruanaidh la Mael Seclainn mac Mail Ruanaidh.
Turges do ergabad la Maol Sechlainn mac Mail Ruanaidh et badhadh Turges i lLoch Uair.
Kl.
Cathal mac Aililla rí h. Maine, Ferdomnach sapiens Áird Macha, Connmach Mor mac Coscraigh rí H. mBriuin dormierunt.
Niall Caille mac Aeda rí Temrach do badhadh a cCallaind.
Máol Dúin mac Conaill ri Cal{a}troma do guin o Laighnibh.
{MS folio 187vb(279b)}Cath for Connachta re Galloibh ubi Rígán mac Fergusa et Mughrón mac Diarmada et Aodh mac Catharnaigh & alii ceciderunt.
Donnchadh mac Amalccadha ri h. nEchdach moritur.
Orgain Termainn Ciaráin o Fedhlimidh mac Crimthainn. Ciaran dano do tocht 'na diaigh a Mumain & forgom da bacaill do inn cor gabh guin meadhóin é.
Mael Sechlainn regnat re.
Kl.
Feidhlimidh rí Muman optimus Scotorum scriba et ancorite quieuit rm [with tilde over m].
rann
- Dursan, a Dhé, d'Feidhlimidh,
Tonn báis barom rodbáidhe;
Fo deara brón d'Eirennchaibh
Nad mair mac Crimthainn Claire.
Togail Innsi Muinremair la Maol Sechlainn di macoib bais Luigni et Gaileng ro battur og innrad na tuath more gentilium.
Ráoinedh mór ré Cerball mac Dunghaile for Agond in quo ceciderunt .m.cc..
{MS folio 188ra(280a)}Cédorgain Imlicch Iubair o gentibh.
Eogan mac Edacan meic Torbaig ancorita a c-Cl{u}ain Mac Nois quieuit.