Kl.
Muiredhach mac Brain leithrí Laigen[gap: extent: ?]
Artri princeps Aird Macha co sgrin Patraic do dul co Connachtaibh.
Cath i ferann Delbnae Nuat .i. cat Forath ubi H. Maine & a righ{MS folio 183vb(273b)} do marbadh .i. Catal mac Murchadha & plurimi. Rige H. mBriuin .i. Diarmaid mac Tomaltaigh & Maolcothaigh mac Fogharthaigh uictores erant.
Diarmaid ab Iae co sgrin Colaim Cille do dul a n-Albain.
Kl.
Uastatio Laigen la Aodh mac Néll.
Mors Aedha meic Neill Frosaigh ic Ath da Ferta a Muigh Conaille.
Cath edir Cinél Eogain & Cinel Conail in quo cecidit Maol Breasail mac Murcadha rí Cineóil Conaill: Murchadh mac Maeili Duin uictor fuit.
Catal mac Dunlainge ri H. cCinsiolaigh moritur..
Concupar mac Donnchada regnat.
Kl.
Ailebra h. Muirli episcopus Air- & Daimliag moritur.
Fedhlimidh mac Crimthain do gabail Muman.
Kl.
Sluaiged la Concupur mac Donnchadha co Ard Achod Slebe {MS folio 184ra(274a)} Fuaid. Ionradh na nAirter les co nuige Emhain Macha.
Coniulff ri Saxan moritur.
Kl.
Sicc mór go risit na muire et na locha go ructha na graige & fedhmanna forra.
Eochaidh h. Tuathail episcopus et ab Lughmhaigh quieuit.
Orgain Daiminsi et Corcaighe o gentib.