Corpus of Electronic Texts Edition

Chronicon Scotorum (Author: [unknown])

Annal CS529

Kl. iii.

Annal CS530

Kl. iiii.

Cath Eblinne ria {MS folio 169ra(244a)}Muircertach mac Earca et cath Muighe Ailbe for Láighnibh et cath Aighne for Connachda et cath Almaine et cath Cinn Eich for Laignibh et orcain na Cliach in uno anno, de quibus Céndfaoladh cecinit:—

rann
1. Cath Cind Eich, cath Almaine,
   Ba aimsir airdirc aimre,
   Orgain na c-Cliach, cath Aidhne
   Et cath Maighe Ailbhe.

Annal CS531

Kl. u.

Badhadh Muircertaigh meic Erca a ttelcuma fhíona et a losccadh et a guin aidhche Samna a mullach Cleitigh uas Bóinn, ut dictum est a sancto Cairnecho:

rann
1. Isam omhan ar in ben
   Ima lúaidhfe ilar sín,
   Ar an fer loisgfidher,
   For taeb Cleitigh baidhfidh fíon.
2. [rann] Sín an ben ro marb thu
   A meic Earca mur adchiú;
   Bidh iomdha a hamnanna abhus,
   Cuirfédh nech for aineolus.
3. [rann] Ní hionmain an ben
   Dianad comainm Síon;
   Mo dáigh an ri {MS folio 169rb(244b)}loisgfes ten,
   A tigh Cleitigh baidfidh fín.
4. [rann] Fillis an rí mac Earca
   A lleith ua Néll
   Sirt fuil fernu i maig
   Brogais crica i cén.

---

p.26

5. [rann] Fo secht feris naoi ccarpte no ccatha
   Is bídh cían bus cumhan;
   Do bert gialla leis uú Néll
   La giallaibh maighe Muman.

rann
1. Osnadh, Esnadh, Sín gan ail,
   Gaeth garb et Gemadhaigh,
   Ochsadh, Iachtadh, rádh gan gáoi,
   Ite m'anmanda ar áen cáoi.

Ailbe Imlecha Iubhair quieuit.

Annal CS532

Kl. uii.

Tuathal Maelgarbh, regnauit annis .xi.

Dormitatio sancti Mochtai discipuli Patricii, .xui. Kl. Septembris sicut ipse scripsit in epistola sua: Mochteus peccator prespiter sancti Patricii discipulus in Domino salutem.

Annal CS533

Kl. i.

Bellum Luacra Moire eidir da Inber ria Tuathal Maelgarbh for Ciannachta.