Corpus of Electronic Texts Edition

Background details and bibliographic information

Mac Carthaigh's Book

Author: [unknown]

File Description

Funded by University College, Cork and
Professor Marianne McDonald via the CELT Project

2. Second draft, revised and corrected.

Extent of text: 5020 words

Publication

CELT: Corpus of Electronic Texts: a project of University College, Cork
College Road, Cork, Ireland—http://www.ucc.ie/celt

(2000) (2009)

Distributed by CELT online at University College, Cork, Ireland.
Text ID Number: G100014

Availability [RESTRICTED]

Available with prior consent of the CELT project for purposes of academic research and teaching only.


[RESTRICTED]

Hardcopy copyright lies with the School of Celtic Studies (Dublin Institute for Advanced Studies).

Sources

    Manuscript sources
  1. Oxford, Bodleian Library, Rawlinson B 488, fos. 27, 28.
    Editions
  1. Séamus Ó hInnse (ed.), Miscellaneous Irish Annals (A.D. 1114–1437). Dublin: DIAS, 1947, xix + pp. pls (MS facss.): Fragment 1 (1114–1437) (Mac Carthaigh's book); from MSS NLI G 6 and G 5. Fragments 2 and 3 (1237–1314, 1392–1407), from MS Rawlinson B 488. English translation, indexes. Appendix on the spelling of fragments 1 and 3 throwing light on the pronunciation of the scribes.
    Translations
  1. Séamus Ó hInnse (ed.), Miscellaneous Irish Annals (A.D. 1114–1437). Dublin: DIAS, 1947, xix + 222 pp. pls. (MS facss.): Fragment 1 (1114–1437) (Mac Carthaigh's book); from MSS NLI G 6 and G 5. Fragments 2 and 3 (1237–1314, 1392–1407), from MS Rawlinson B 488. Indexes.
    Literature
  1. Gerard Murphy, in Éigse 6, 1948/52, (pt. 1), pp. 80–82.
  2. John T. Collins: A McCarthy miscellany. In Journal of the Cork Historical and Archaeological Society 53, 1948, pp. 95–103. Miscellaneous Irish Annals, fragment 1.
  3. Canice Mooney, in Irish Historical Studies 7, 1950/51 (1951), pp. 292–295.
  4. Tomás Ó Fiaich: The contents of 'Mac Carthaigh's book'. In The Irish ecclesiastical record 5th series 74, 1950, pp. 30–39. Miscellaneous Irish Annals, fragment 1.
  5. Brian Ó Cuív, 'Miscellanea, I: An entry in the 'Mac Carthaigh book of annals'. In Éigse 8, 1956/57, pp. 96–98. Ad annum 1117.2.
  6. Gearóid Mac Niocaill, The medieval Irish annals (Dublin 1975), 26–27, 30.
  7. Diarmuid Ó Murchadha, 'A reconsideration of some place-names from Miscellaneous Irish Annals', Ainm 4 (1989–90), 180–193.
  8. Daniel P. Mc Carthy, on his website at http://www.cs.tcd.ie/misc/kronos/chronology/synchronisms/annals-chron.htm offers comprehensive information on two traditions of dating used in the Irish Annals, together with two ancillary articles, 'Chronological synchronisation of the Irish annals', and 'Collation of the Irish regnal canon'.
  9. Daniel P. Mc Carthy, The Irish Annals: their genesis, evolution and history (Dublin 2008).
    The edition used in the digital edition
  1. Miscellaneous Irish Annals (A.D. 1114–1437). Fragment II. Séamus Ó hInnse (ed), First edition [xix + 222 pp. pls. (MS facss.)] Dublin Institute for Advanced StudiesDublin (1947)

Encoding

Project Description

CELT: Corpus of Electronic Texts

Sampling Declaration

The present text represents pages 116–140 of the volume, being the years A.D. 1237–1314 in the chronology of the compiler(s). All editorial introduction, translation, notes and indexes have been omitted. Editorial corrigenda are integrated into the electronic edition. Missing text supplied by the editor is tagged sup resp="SOI".

Editorial Declaration

Correction

Text has been checked and proofread twice. All corrections and supplied text are tagged.

Normalization

The electronic text represents the edited text.

Quotation

There are no quotation marks.

Hyphenation

Soft hyphens are silently removed.

Segmentation

div0=the body of annals; div1=an annal (i.e. the annalistic matter gathered under one year); div2=an individual entry in an annal. From div1 and div2, canonical references can be made. All entries are numbered, and zero is reserved for the chronological criteria of each annal. The n attribute of each text in this corpus carries a unique identifying number for the whole text. Page-breaks are marked pb=""; folio breaks are marked mls unit="folio" n="". The title of the text is held as the first head element within each text.

Standard Values

Dates occuring in running text are tagged in ISO form.

Interpretation

Personal names including role names and group names (kindreds, lineages, dynasties, peoples etc.) have been tagged. Place names (kingdoms, lordships, churches, monasteries etc.) have not been tagged. Technical terms have been tagged. Content markup is subject to revision.

Canonical References

This text uses the DIV1 element to represent the Annal.

Refs: EVENT (<DIV2>)

This text uses the DIV1 element to represent the Annal.

Profile Description

Created: By various scribes of the late fifteenth century. Date range: c.1480–1499.

Use of language

Language: [GA] The text is in Early Modern Irish.
Language: [LA] Some words are in Latin.

Revision History


Corpus of Electronic Texts Edition: G100014

Mac Carthaigh's Book: Author: [unknown]


p.116

MCB1237.1

{folio 27A}Tomas .h. Ruadhan, espog Luighni, quievit.

MCB1237.2

H. Tormaig, easpog Conmhaicne, quievit.

Annal MCB1238.

MCB1238.1

M.cc.xxx.uiii. Kl. Enair ar Aine & xii. fuirri.

MCB1238.2

Donnchadh Uaithneach mac Aedha mic Ruaidhri do marbhadh la Tadhg mac Aedha mic Cathail Crobhdeirg.

MCB1238.3

Donnchadh mac Duarcan h. Eghra, rí Luigne, du gabail do Tadhg mac Aedha mic Cathail Crobhdeirg, & in tan rucadh da coimead ro marbhsat mic Aedha Hí Eaghra arinn tsligid.

MCB1238.4

Mael Ruanaidh mac Donnchadha Í Dubhda du marbhadh la Mael Seachlainn mac Concubhair Ruaidh mic Muircheartaigh Í Concubhair & la mac Tigearnan mic Chathail Í Conchobhair.

MCB1238.5

Caisleana do deanum i Muintir Murchadha & i Conmaicne Cuile & hi Ceara.

MCB1238.6

Ruaidhri mac Aedha Hí Flaithbheartaigh do gabail do Gallaibh.

MCB1238.7

Cloictheach Eanaig Duin do deanum.

MCB1238.8

Sluaigheadh mór la Gallaibh Ereann cu mMac Lachlainn, & a innarba asa thír & righi & í d'fhagbail ag mac Í Neill.

MCB1238.9

In t-easpog .i. ardeaspog O Ruanadha do eg.

Annal MCB1239.

MCB1239.1

M.cc.xxx.ix. Kl. Enair ar Sathurrn & xx.it iii. fuirri.

MCB1239.2

Muircheartach mac Domnaill I Briain do eg isin bliadhain-sin.

MCB1239.3

Toirrdhealbhach mac Ruaidhri h. Concubhair, rig Connacht, do eg.


p.118

MCB1239.4

Cath Cairn tSiaghail tug Domnall Mag Lachlainn du ar marbhadh Domnall Tamnaichi O Neill & Mag Mathamna & maith Cineoil Moain & sochuidhe air ceana; & do hathrighad in bliadhain roime sin & do gab aris in righi ceadna a haithli in madma móir sin tucc.

Annal MCB1240.

MCB1240.1

Mccxl. Kl. Enair ar Domnach; iu. uathaidh.

MCB1240.2

Aedh mac Gilla [na Naemh] Cruim Í Shechnusaigh do marbhadh la Concubhar mac Aedha mic Cathail Crobhdeirg & la Fiachra h. Flainn.

MCB1240.3

Feidlimidh mac Cathail Crobhdeirg, ri Conacht, do dul tairis docum righ Saxan & anóir mór do fhaghbail do don turussin.

MCB1240.4

Cormac mac Tomaltaigh do aithrigad.

MCB1240.5

Feargal mac Con Connacht Hi Raighilligh do marbhadh la Mael Ruanaidh mac Feargail & la Concubhar mac Cormaic.

MCB1240.6

Donnchadh mac Muircheartaigh do gabail righi na Cairrgi.

MCB1240.7

Gilla na Naem O Dreaain, oircinneach Arda Carna, do eg.

MCB1240.8

Sadb inghean Hi Ceinnedidh, bean Donnchadha Cairprigh I Briain, do eg.

Annal MCB1241.

MCB1241.1

Mccxl.i. Kl. Enair ar Mairt & xu. fuirri.

MCB1241.2

Domnall Mag Lachlainn, ri Cinel Eoghain, cona brathrib do marbhadh la Brian O Neill .i. a cath Cameirgi.

MCB1241.3

Domnall Mór O Domnaill, rí Ceneoil Conaill & Fear Manach, a egh re hagart iar mbreth buadha o deman & o doman, & a adhnacul i mainistir Easa Ruaidh.

MCB1241.4

Murchadh h. Flaithbheartaigh, easpog Eanaigh Duin, d'eg.

MCB1241.5

Diarmaid mac Magnusa mic Toirrdhealbhaigh, sai einig & eangnuma, do eg.

MCB1241.6

Tadhg mac Ruaidhri Hi Gadhra do eg.

Annal MCB1242.

MCB1242.1

Mccxl.ii.Kl.Enair ar Ceadain & .xxui. fuirri.


p.120

MCB1242.2

Donnchadh Cairpreach O Briain, ri Tuadmuman, & a mac .i. Toirrdhealbhach, a n-eg leath ar leath.

MCB1242.3

In t-Athcleireach mac Aedha mic Ruaidri do marbhadh la Toirrdhealbhach mac Aeda mic Cathail Crobhdeirg.

MCB1242.4

Brian O Dubhda, ri O Fíachrach & O nAmalgadha, do eg.

MCB1242.5

Sluaigheadh mór lesin ngiústis & la Fedlimidh {folio 27B}O Conchobhair i Tir Conaill i ndeaghaidh Taidg I Conchobhair gur gabsat braighdi Í Domnaill don cur-sin.

MCB1242.6

Tadg O Conchobhair do gabhail in bliadhain-sin tre furail Fedlimidh la Coin Connacht O Raigilligh.

MCB1242.7

Magnus O Muireadhaigh do marbhadh do Tomas Mac Murchadha.

MCB1242.8

Niall mac Domhnaill Muraigh mic Ruaidhri Hí Conchobhair do loscadh & tri Hi Shechnusaigh i n-aentigh i Maig Eo na Saxan lá Logbais do muintir Mic Muiris.

MCB1242.9

Toirrdhealbhach mac Donnchadha Cairprigh d'eg.

Annal MCB1243.

MCB1243.1

Mccxl.iii. Kl. Enair ar Dardain & uii. uathaidh fuirri.

MCB1243.2

Tadg mac Aeda mic Cathail Crobhdeirg do gabail Cormaic mic Tomaltaigh & do breth a mathar fein leis a mainistir na Builli .i. ben Cormaic mic Tomaltaigh L. .i. inghean Mec Carrthaigh & a tabairt do Coin Connacht O Raigilligh.

MCB1243.3

Tadg arís do dul i coinni Con Connacht uathadh do dainib & a gabhail tre feall & a muintear do marbhadh, & Tadg do dalladh tre furail Gall & Gaeidhil la Coin Conacht O Raigilligh.

MCB1243.4

Sluaidheadh mór la ríg Saxan docum rig Frangc. Forcongur iarrata do teacht on rig ar ceann Gall Ereann & ro chuireadh Ricard mac Uilliam Burc do cur tairis, & teasta Ricard arin tsluaigheadh-sin.

MCB1243.5

Ruadhri mac Aedha mic Cathail Crobhdeirg do bathadh arin tSinainn ag Ath Líag.

MCB1243.6

Concubhar mac Aedha mic Cathail Crobhdeirg, adbhar rig Conacht, do eg.


p.122

Annal MCB1244.

MCB1244.1

M.ccxl.iiii. Kl. Enair ar Aine & xuiii. fuirri.

MCB1244.2

Sluaidheadh la Feidlimidh mac Cathail Crobhdeirg isin mBreifne du dighail a dalta & a brathur, .i. Taidhg Hí Conchobhair, ar Ib Raighilligh & ar fearaib Breifne, gur airgset & gur marbsat in neoch do fuaradar do buaib & do dainib innti nóco rancadar Ath na Cuire arin Geirgthigh a Loch Finnmuighi, & do bi inn abhann fo carrtuili; & do bi teach goblach isin port & docuaid Maghnus mac Muircheartaigh & Conchobhar mac Cormaic isin teach & tanic sidi gaiti ann gur toit in teach go tarla gabal i ceann mic Muircheartaigh gur bris a ceann & a muinel gur marb; & ba mor d'inadaibh edualaing asa tanic gu teasta amlaidh sin.

MCB1244.3

Donncadh O Dalaigh, saí dana & tighi n-aigheadh, do eg.

MCB1244.4

Donnchadh mac Fingin mic Mail Seachlainn mic Aedha mic Toirrdhealbaigh I Concubhair, easpog Shila Muireadhaigh, do eg.

MCB1244.5

Loscadh Tuama isin bliadhain-sin etir tighib & templaibh.

MCB1244.6

Cormac mac Tomaltaigh Mic Diarmada de Clainn Mail Ruanaigh, ríg Maighi Luirg & Airtigh & Tiri Tuathail & moran d'Furtuathaibh Connacht, do eg isin bliadhain-sin.

MCB1244.7

Feargal Mac Adain do marbhadh la Concubhar Mac Tigearnan i feill i nInis Fraich ar Loch Gile.

Annal MCB1245.

MCB1245.1

Mcc.xlu.Kl.Enair ar Domnach & xxix. fuirri.

MCB1245.2

Muircheartach mac Muirgiusa mic Cathail Mic Diarmada de Clainn Mail Ruanaidh do marbhadh do Breifnechaibh.

MCB1245.3

Concubhar Ruadh mac Muircheartaigh Muimhnigh do marbhadh ac eadrain da muintir fein i Purt na Leicci. Do marbhadh d'O Timaith a maer buddein tre imacallaimh focail, & Gilla Crist h. Birn mac Imair do marbhadh in mair iar sin.

MCB1245.4

Caislean Sligid do denum le Mac Muiris isin bliadhain-sin & a furail ar Feidhlimidh a denum ara phinginn fein.


p.124

Annal MCB1246.

MCB1246.1

Mcc.xl.ui. Kl. Enair ar Luan & x. uathaidh fuirri.

MCB1246.2

Fiachra O Floinn, taiseach Sil Mael Ruanaidh, do eg.

MCB1246.3

Sgribni gu hErinn o righ Saxan do innsaighidh Feidhlimidh Í Concubhair & Gall da rada dul i n-airrceist righ Saxan i mBreatnaibh do gabhail righi Breatan {folio 27C}ar ais no ar eigin, & tigearntus o Gallaibh Ereann do Feidlimidh tara ceann sin; & daronad in sluaigheadh mor sin la Féidhlimidh & la Gallaibh gu rancadur i mBreatnaib i nn-airceist in rígh & ro millset in crich; & ba honorach Feidlimidh ag rig Saxan & ba buidheach e-sium ag teacht on rí anoir.

MCB1246.4

Cearball Buidhe O Dalaigh quievit.

MCB1247.1

Mccxl.uii. Kl. Enair ar Mairt & xxi. fuirri.

MCB1247.2

Sluaigheadh mór la Mac Muiris & la Gallaibh i Ceneal Conaill co rancatur Eas Ruaidh. Ó Domnaill do tinol Ceneoil Conaill & Cineoil Eoghain & tancadur na sluaigh-sin i nn-arceist a cheli & tucsat tóchur troda da ceili & ro meabhadh ar O nDomnaill; & ro marbhadh Mael Seachlainn O Domnaill, rí Ceneoil Conaill, ann sin, & Mac Somairli .i. ríg Oirir Gaideal & in Gilla Muinelach O Baigill & maithi Cineoil Conaill do marbhadh ann la Mac Muiris Mic Gearailt. Ro hairgeadh & ro hinnrad Ceneal Conaill co léir uili leo & gerb iad Gaill ann rob esbadhach iad dun ruathur-sin.

MCB1247.3

Uilliam Brit & a brathuir, .i. serriam Connacht in tUilliamsin, & ridiri og & seiniscal Conacht .i. Mac Eliget du marbhadh do mac Anmchadha Mic Gilla Padraig d'Osraighibh.

MCB1247.4

Tadhg mac Concubhair Ruaidh do loscadh Innsi Moiri Claenlocha & ochtur ar xx.it do Gallaibh do loscadh innti.

MCB1247.5

Comergi do macaib ríg Connacht ma Torrdhealbhach mac Aedha mic Cathail Croibhdeirg co riachtadur Fid O nDiarmada & Muintir I Fathaigh, & ro marbsadur daine inntib; & rancatur as sin co caislen Bona na Gaillme & ro loisceatar in baile & in caislen & ro marbaid & ro milid daine roimda. Ro lenadar Gaill iat & tugsat tochur doibh & ro marbhadar-sum drong do Gallaibh, & do imgedar da n-aindeoin uatha & docuadur a Cera.


p.126

MCB1247.5

Ro tinoil dino Siurtan d'Esetur & Clann Adam & Gaill Cera & d'innsaigeadur gu Toirrdealbhach. Ro fhagaibh Torrdhealbhach in crich o nach roibi lín teagmala riu.

MCB1247.6

Buirgeis Cinn Trachta do loscadh do Tadhg mac Concubhair Ruaidh & do Tadhg mac Tuathail.

MCB1247.7

Cidh tra acht ni fuaradur Gaill re fada crithnughadh coimeagla mar in cogadh-sin fa macaibh rígh, uair nír facsat tuath na tricha cead gan creachargain do Connachtaibh isin bliadhainsin.

MCB1247.8

Giústis nua do chur do ríg Saxan i nErinn isin bliadhainsin & ba maith a smacht.

Annal MCB1248.

MCB1248.1

Mccxl.uiii. Kl. Enair ar Ceadain & aili uathaidh fuirri.

MCB1248.2

Comergi do denam do macaib Maghnusa, & innto doib ar Gallaibh & caislean Mic Einri du loscadh leo, & do mac Conchobhair Ruaidh, & a constapla do gabhail & creacha tuaiscirt Umaill do breith doib ar Innsib Mod. Ro tinoil dono Siurtán d'Esetur & Seoan Puitiler & Robin Laighles & daine imda leó & táncadur co Baili Tobair Padraig & as sin gu hAchadh, Fhabhair, & ro airgseat Umhall ar {folio 27D}namarach tuaigh & teas. Tanic Enri dino sluag i nUmall, ar ba leis fein hí & ro bí innti 'na comnaighi. Doroinni dino Mac Enri sith re Domnall mac Magnusa & ro geall Domnall sochraidi & artraighi do innsaighid a braithreach. Mic h. Conchubhair do badar-sin ar Innsib Mod & rocualadar sochraiti do dul o Enrí ar ceand artraich cum Domnaill. Docuadar-sum i nn-arceist na buidhne-sin & ro marbadur dib Ouain mac na goillsighi & Seoan mac in gallshagairt, & ro marbhadh la Diarmaid mac Maghnusa arin ruathursin Senóid Guiber & iiii. dia muintir araen ris, & ro marbhadh Diarmaid arin lathair-sin & gnim truag e-sidei.

MCB1248.3

Tadhg mac Conchobhair Ruaidh du marbhadh do Gallaibh isin bliadhain-sin, & ba mór a gráin & a eagla in mic-sin ar Gallaibh co fuair bás.

MCB1248.4

Sluaidheadh le Muiris Fi Gearoid i Tir Conaill ; creacha & airgne do denum lais & O Canannan do innarbadh as tir amach & ríghi do fhagbail ac mac Hi Domnaill.


p.128

MCB1248.5

Sluaigheadh la Giustís na hEreann d'innsaigidh Hí Neill & Cinel Eoghain, & is i comairli dorinni o do bí neart Gall ar Erinn uili bráighde do tabhairt don Giustís.

MCB1248.6

Ruaidhri O Canannan du marbhadh la Gofraigh mac nDomnaill Moir Hí Domnaill & ríghi do gabhail do fein.

MCB1248.7

Muircheartach Cleirech O Dubhda do marbhadh la hAed mac Féidhlimidh Í Conchobhair isin bliadhain-sin.

MCB1248.8

Seoan Triiél co maithibh a muintiri do marbhadh la Gilla (na) Naem O Feargail.

MCB1248.9

Riccard mac muintire Uilliam Burc do eg a Saxanaib, & a corp do tabairt a nErinn & a adhlacadh i nAth Eiseal.

MCB1248.10

Amhlaibh mac Cathail Riabhaigh I Ruairc do marbhadh do Conchubhar Carrach Mac Donnchadha i meabhail.

Annal MCB1249.

MCB1249.1

Mccxl.ix. Kl. Enair ar Aine & xiii. fuirrí.

MCB1249.2

Sluaigheadh mor le Giusdís na hEreann do innsaighidh Laighin du cosc na mac rígh do bí ag denum uilc ar fud Laighean, & ni tucsat taeb ris, & ro airg-siumh in crich o nach rucc orro.

MCB1249.3

Cogad & uilc imda do denum do Fingin Mac Carrthaigh ar Gallaibh Desmumhan isin bliadhain-sin.

MCB1249.4

Adamh Minadur du marbhadh da mac Gilla Mo Coinni Í Catail & moran maille ris.

MCB1249.5

Piarus Puer & Dauid Triu & marcshluagh do gillib óga maraen riu do teacht roime Mic Feoruis i Conachtaib co caislean Sligidh; & do cualaidh mac Feidlimidh sin & tug airrceist orro & ro marbhadh leis Piarus Puér & Dauid Triu & cuicciúrdu gillib óga maraen riu, & rucad na cuirp-sin co hEas Dara. Imthusa mic Feidlimidh, tanic remi i Tír Fiachrach & ar fud crichi Mic Fheorais & ro airg o Muaigh co Traigh; & ro lean Gearoidin [...]


p.130

Annal MCB1303.

MCB1303.1

{folio 28A}intIarla & Gaill & Gaeidhil imda do dul a hErinn cabhlach mór & neart ar Albanchaibh do gabhail doibh.

MCB1303.2

Teapoid a Burc dearbrathair in Iarla d'ég ar toidheacht do don tshluaigheagh-sin i Carraig Feargusa adhaigh Nollac.

Annal MCB1304.

MCB1304.1

Mccxcxiiii.Kl.Enair.Matha mac Gilla Isa O Raighilligh, rí Brefne, do marbhadh do Teallach Dunchadha ar Achadh na Corra & galloglaigh do marbhadh malle fris. Mag Samradhan & Mag Dorchaidh do guin and.

MCB1304.2

In Cunndais bean Ricaird a Burc, Iarla Uladh, mortua est.

MCB1304.3

Uatér a Burc, oighri in Íarla ceadna, mortuus est.

Annal MCB1305.

MCB1305.1

Mcccu. Kl. Enair.Muircheartach O Conchobhair Fhailge & Mael Mordha & a brathair .i. in Calbhach O Conchobhair malle fri nonbur ar .xx.it do maithibh a muintire do marbhadh do Sir Ferus Mac Feoruis tre tangnacht a Caislen Feorais.

MCB1305.2

Caislean Innsi hEoghain do denum leisinn Iarla.

MCB1305.3

Maidm le hAedh mac Cathail Í Conchobhair & le Clainn Muircheartaigh air Muintir Raighilligh co ndorchair ann Pilip O Raighilligh & oighri Clainni Suibhne & Mag Buirrce ceann na ngalloclach malle fri c. ar xl. do dainib eili.

MCB1305.4

Toirrdhealbhach mac Neill Ruaigh Hi Briain quievit in Christo.

MCB1305.5

Matha Og O Raighilligh do marbhadh do Teallach Dunchadha.

MCB1305.6

Aed Og O Feargail in Christo quievit.

Annal MCB1306.

MCB1306.1

Mccc.ui.Kl.Enair.Toirrdhealbhach O Briain, ri Tuadhmumhan, do eg. Donnchadh O Briain a mac do righad na inad.


p.132

MCB1306.2

Feargal Mag Radhnaill, taiseach Muintire hEoluis, do marbhadh da brathribh fein.

MCB1306.3

Donnchadh mac Conchobhair in Copain & Flann O Floinn do marbhadh le hAedh mac Eoghain I Conchobhair.

MCB1306.4

Cagad mor etir Aedh mac Eoghain Í Conchobhair, rí Conacht, & maithi Síla Muireadhaigh araen ris & Aedh mac Cathail Ú Conchobhair gu moran do macaib rígh & taiseach Conacht malle ré taiseachaibh & oireachtaibh na Brefne air cheana 'man Sinainn re tri mís no ceathair, co ndearnadar drem do macaibh rígh Aedha mic Cathail forbais isna Tuathaibh maraen re sochraide gur gabsat creacha & airgne. Flann mac Fiachra Í Floinn, adbur taisigh Shíl Mail Ruanaidh, & Brian mac Donnchadha Riabhaigh Í Conchobhair maeraen redainib imda eile do marbhadh ar lorg na creiche-sin.

MCB1306.5

Donnchadh O Flaithbheartaigh, espog Cilli hAlaidh, saí einigh & crabhaidh, in Christo quievit.

MCB1306.6

Roberd a Briús, mórmaer Cairrgi, do gabhail ríghi nAlban ar eigin i n-agaigh rígh Saxan.

MCB1306.7

Domnall Tuirtreach O Neill do marbhadh i tuisil re lucht taighi I Neill.

MCB1306.8

Sir Uilliam Prinndargás, ridire rocrodha, mortuus est.

MCB1306.9

Creach mór do deanum do Clainn Muircheartaigh i crích Cairpri du ar marbhadh Dauid O Caeman & daine imda eli.

MCB1306.10

Brían Carrach O hEghra do marbhadh la Cormac O Flannacan.

Annal MCB1307.

MCB1307.1

{folio 28B}M.ccc.uii. Kl. Enair. Donnchadh Muimhneach O Ceallaigh, rígh O Maine, saí coimdeas im gach ní do maith dar fhoghain do duine, quievit in Christo.

MCB1307.2

Domnall mac Taidhg mic Briain mic Annrias mic Briain Luighnigh mic Toirrdhealbhaigh Móir do marbhadh le hAedh mBrefnech mac Cathail Ruaidh Í Conchobhair.

MCB1307.3

Tadhg mac Maeil Shechlainn mic Donnchadha mic Domnaill mic Maghnusa mic Torrdhealbhaigh Moir do marbhadh do Cathal mac Domnaill mic Taidhg.

MCB1307.4

Mael Shechlainn O Gairmfhleadhaigh, taiseach Clainni Moáin, quievit in Christo.


p.134

MCB1307.5

Amlaibh mac Airt mic Cathail O Ruairc, ri Brefne, do marbhadh la mac Feargail Gairbh Meg Samradhain.

MCB1307.6

Concubhar mac Fiachra O Floinn mortuus est.

MCB1307.7

Eachdhruim O Maine do loscadh le dreim do macaib rígh O Maine.

MCB1307.8

Goill Rosa Comain uib dorba do marbhadh le Donnchadh O Cellaigh, rig O Maine, ag Áth Eascrach Cuan du i ndorchuir Pilip Muinnter & Seoan Muinnter & Maighiu Triu maraen re dainibh ele etir marbhadh & fhadhbagh & gabhail. Do gabhadh ann Diarmaid Gall Mac Diarmada & Cormac Mac Cethernaigh & ro leiceagh as a sochraideadha fo comus, & ro gabhadh ann fos seirriam Rosa Comain; & do leiced as iad air trill & doronsat síth ar son in baile do loscadh le hEmunn Butillér.

MCB1307.9

Donnchadh O Flannacan, easpog Oili Finn, in Christo quievit.

MCB1307.10

Coróin do tabairt do Saxan & Breatan & Ereann .i d'Edubard Og.

MCB1307.11

Ailbe inghean Taidg Í Conchobhair mortua est.

MCB1307.12

Clann Muircheartaigh do teacht i Maigh Cetni & arbanna crichi Cairpri & morán d'arbannaibh Tíri hOilealla & in Corainn do loscadh leó, & is don toisc-sin do marbhadh Tadhg mac Maghnusa.

MCB1307.13

Cathal mac Maghnusa do marbhadh lesin Cathal ceadna.

MCB1307.14

Maghnus Mag Oireachtaigh mortuus est.

Annal MCB1308.

MCB1308.1

Mccc.uiii. Kl. Enair.Da crích Cairpri Droma Cliab d'argain do Ruaidhri mac Cathail Ruaidh I Conchobhair.

MCB1308.2

Tigearnan Mag Tigearnan mortuus est.

MCB1308.3

Creach mór do denum do Mael Ruanaigh Mac Diarmada ar macaib Domnaill Í Conchobhair i crich Cairpri. Creach ele do denum do Brian O Dubhda & do Gallaibh Luighne & O Fíachrach arna macaib ceadna.

MCB1308.4

Soighnen teneadh do toitim i mainistir na mbrathar i rRos Comain gur bris in mainistir.


p.136

Annal MCB1309.

MCB1309.1

Mccc.ix. Kl. Enair.Aedh mac Eoghain mic Ruaidhri mic Aedha mic Cathail Crobhdeirg, ríg Conacht & adbhar ríg Ereann, do marbhadh le hAedh mBrefneach O Conchobhair i Coill in Clachan & morán do maithibh a muintire; & is iat so na maithisin .i. Concubhar Mac Diarmada & Diarmaid Ruadh mac Taidhg Í Conchobhair & Diarmaid mac inCharraig mic Taidhg mic Mael Ruanaidh &Diarmaid O hEili & Gilla na Naem Mac Aedhacain ollamh. Aedh Brefneach do teacht as tír & na Tri Tuatha (do) techt 'na teach.

MCB1309.2

Mael Ruanaigh Mac Diarmada & Si(l Muiread)aigh do tabairt {folio 28C}Uilliam a Burc co hOil Finn.

MCB1309.3

Aedh Brefneach do beth isna Tuathaibh & a dul isa Midhe a coinde in Iarla, & na Tri Tuatha do impodh fair da eis. Aedh ar teacht asa Midhe do gabhail longphuirt a nUachtar Tiri & crech do denum dó ar Aedh O Flannacan & a caithem ann.

MCB1309.4

Concubhar mac Donnchadha Í Briain do marbhadh do Gallaibh a feall.

MCB1309.5

Cathal mac in Liathanaidh, ab na Trinoide, do togha cum easpogoidi Oili Finn.

MCB1309.6

Ruaidhri mac Cathail & O Floinn do dul aranMachaire marcsluagh & mac Mic Feorais do marbhadh leo.

MCB1309.7

Coinne do denum d'Uilliam a Burc & do Conachtaib re mac Cathail 'ma Áth Slisen. Brisedh coinne eaturu & maidm do tabairt ar mac Cathail ann sin & drem da muintir do marbhadh.

MCB1309.8

Uilliam Burc do dul co mainistir na Buille & Clann Muircheartaigh do teacht a Tír nOilealla. Arbar imda do loscadh & do milleadh doibh.

MCB1309.9

Mac Uilliam do teacht ar Corrshliab anúass. Mac Cathail do cur asa longphort dó & Donnchadh O Finnachta do marbhadh do tosach sluaigh Mic Uilliam & daine eli nach airimhtear sunna.


p.138

MCB1310.1

Mccc.x. Kl. Enair.Creach mor risi n-abarthai Creach in Toitean do denam d'Aedh Brefneach ar Mael Ruanaidh Mac Diarmada a Clochar O Muirgile, & Donnchadh mac Donnchadha Mic Diarmada do ghabhail & a bean .i. inghean Í Flannacan do marbhadh ann. Mna & leinibh imda do loscadh ann.

MCB1310.2

Longphort do gabhail a Cill Fhada d'Uilliam Burc & do Connachtaigh. Aedh Breifneach do deanum longphuirt a Cill Srianan ina n-aghaidh & cethern cunnbalafein da marbhadh a feill .i. Seónag Mac Uighilin .i. ar comaghaibh.

MCB1310.3

Feidhlimidh mac Aedha do righad ar Connachtaib.

MCB1310.4

Cormac O Flannacan, taiseach Tuaithi Ratha, do marbhadh la Muintir Peodachan.

MCB1310.5

Caislen Sligidh do dénum leisinn Iarla.

MCB1310.6

Fichi tunna fína do cur fo thír in Muig Cetne in tan-sin.

MCB1310.7

Mac Craith Mag Uidir, rígdamna Fear Manach, & Donn Mac Gilla Michil, taiseach Clainni Congaili, do milleadh & do loscadh le Roalb Mac Mathgamna.

MCB1310.8

Feargal Mag Dhorchaidh do eg.

MCB1310.9

Una inghean Aedha mic Feidhlimidh d'eg.

MCB1310.10

Sluaigheadh le Seafraigh O Feargail co Dun Uabhuir ait ar marbhadh Domnall mac Aedha Oig Í Feargail & Aedh mag Maeil Isa & Gofraig mac Muircertaigh.

MCB1310.11

Creacha móra do denum le Uilliam Burc & le Mael Ruanaidh Mac Diarmada & le Clainn Domnaill i crich Cairpri ac Cloinn Muircheartaigh. Cealla & tempaill do sarughad doibh.

Annal MCB1311.

MCB1311.1

M.ccc.xi.primo. Kl. Enair.Crea(ch m)or do deanum le Clainn Muircheartaigh i Connachta {folio 28B}& Gilla Crist mac Muirgiusa mic Donnchadha Mic Diarmada do marbhadh ann & Aedh mac Cormaic & Uilliam Mac Gilla Arraith & Donnchadh mac Tomaltaigh & daine maithi eli.

MCB1311.2

Da mac Uilliam Leth a Burc do marbhadh dona macaib righ Laighneacha.


p.140

MCB1311.3

Tadhc O hAnlighe, taiseach Cineoil nDofha, do marbhadh la Siurtan d'Esetur.

MCB1311.4

Domnall mac Amlaibh mic Airt h. Ruairc, rí Brefne, mortuus est.

MCB1311.5

Domnall O Bírn, taiseach Tíri Briuin, do eg.

MCB1311.6

Sluaigheadh mór le hUilliam Burc isin Mumain i nn-aghaidh in Claraigh & cath do tabairt daib da cele & maidm do tabhairt arin Clarach ann; & Uilliam Burc do gabhail ar deireadh a muintire ag lenmain in madma, & gidh eadh ro gabhadh Uilliam & is é tuc in maidm.

MCB1311.7

Cogad mor i Tuadhmumhain isin bliadhain-sin, & cath do tabhairt do Donnchadh Mac Con Mara & da oireacht .i. do Tricha Cead O Caisin i nn-aghidh Í Briain & fear Mumhan uili; & Donnchadh Mac Con Mara do marbhadh ann & maithi a oirechta uili & Domnall O Grada, taiseach Cineoil Dungaile, & ar diairmithi aturu leth ar leth.

MCB1311.8

Donnchadh O Briain, rígh Tuadhmuman & deghadhbhar ríg Ereann, do marbhadh i mebail do Murchadh mac Mathgamhna I Briain.

MCB1311.9

Lochlainn Riabhach O Deaghaidh da marbhadh le Mathgamain mac Domnaill Connachtaigh Í Briain.

MCB1311.10

Seónag Mac Uighilin do marbhadh in Gruelaigh i mBaili Thobair Bríghde, & a marbhadh fein inn, & is don gearrshamhaigh dar marb sé Aedh Brefneach O Conchobhair do marbhadh e fein.

MCB1311.11

Creach do denum le Feidhlimidh O Conchobhair, ri Conacht, ar Clainn Muircheartaigh ar bord Muigi Cetne & Mael Shechlainn mac Conchobhair Ruaidh, risi raiti Ceann in Meghil, & daine eli do marbhadh ann.

MCB1311.12

Diarmaid O Briain .i. Cleirech mortuus est. Muircheartach O Briain do rígadh 'na inad.

MCB1311.13

Gilla Ísa O Dálaigh, ollamh risin dan, mortuus est.

MCB1311.14

Gilla Crist Mac Donnchadha mortuus est.

Annal MCB1312.

MCB1312.1

Mcccxii. Kl. Enair.Uilliam Mac Feorais, ardeaspog Tuama, in Christo quievit.

MCB1312.2

Benidhecht O Bragan, espog Luighne, in Christo quievit.

MCB1312.3

Malaici Mac Aedha, espog Oili Finn, do togha cum airdespogoide Tuama.


p.142

Annal MCB1313.

MCB1313.1

Mcccxiii. Kl. Enair.Diarmaid Cléireach O Briain, rí Tuadhmumhan, quievit inChristo.

MCB1313.2

Clemens Papa mortuus est.

MCB1313.3

GillaÍsa Mag Dhorchaidh, taiseach Cineoil Luachain, do marbhadh.

MCB1313.4

Rex Frangcie mortuus est.

MCB1313.5

Tadhg mac Annrias d'eg.

MCB1313.6

Cathal mac Murchadha Carraigh Í Feargail d'eg.

MCB1313.7

Tigearnan mac Neill Í Ruairc do marbhadh.

Annal MCB1314.

MCB1314.1

Mccc.xiiii. Kl. Enair. Niall O Domhnaill occisusest.

MCB1314.2

Maidm Muintire Raighilligh ag Druim Leathan le Ruaidhri mac Cathail Í Conchobhair.

MCB1314.3

Niall mac Briain O Néill mortuus est.