Corpus of Electronic Texts Edition

Annála Connacht (Author: [unknown])

Annal 1273

1273.1

{folio 21a}Calann Enair for Domnach & sesed uathad fuirri.
5] Anno Domini m.cc.lxx. tertio. Primus annus decemnovennalis
6] cicli; u.to anno cicli solaris; primus annus indictionis cicli.
7] Communis. A.

1273.2

Conchobar Buidi mac Amlaib meic Airt h. Ruairc ri Brefne
9] do marbad la macaib Conchobair meic Tigernan h. Conchobair, &
10] ro marb-som in mac rob ferr dib-sim .i. Tigernan mac Conchobair.

1273.3

Eochaid Mac Mathgamna ri Oirgiall do marbad & daine
12] imda aili nach armther sunn do marbad maille ris d'O Anluain
13] & do Cenel Eogain in hoc ano.

1273.4

Crech do denam do Siurtan d'Exetra isin Corann & becan
15] do macaib rig Connacht do breith forro, & amglicus comairli
16] do denam ann sin tre forgall felduine, cur marbad Domnall mac
17] Dondchada meic Magnusa & Magnus mac Airt & Oirechtach Mac
18] Aedacan & Aed h. Birn & alii multi.

1273.5

Morsluagad la Mac Muris Mac Gerailt a Tuadmumain cur
20] gab braigti & nert ar h. mBriain.

1273.6

Cormac mac Diarmata meic Ruaidri mortuus est.

1273.7

Iofraid Genuille do techt 'na Giustis a nErinn o Rig Saxan
23] in hoc anno.

1273.8

Domnall Irruis mac Magnusa meic Murcertaig Mumnig do
25] innarba a hUmall & a hIrrus in hoc anno do Gallaib.

1273.9

Ruaidri h. Flaithbertaig do innarba a hIarthar Connacht
27] mur an cetna la Gallaib.