Corpus of Electronic Texts Edition
Annála Connacht (Author: [unknown])

Annal 1261


23]

1261.1

Calann Enair for Sathurn & cethair fichet fuirri; anno
24] Domini millesimo cc.lx. primo; xx. primo anno cicli solaris;
25] Octauo anno cicli lunaris; quarto anno indictionis. Embolismalis.
26] B Ogdoas.


27]

1261.2

Se clerig x. do maithib clerech Ceneoil Conaill im Conchobar
28] h. Fergail do marbad la Conchobar h. Neill & la Cenel
29] nEogain i nDori Choluim Cille.


30]

1261.3

Conchobar h. Neill do marbad fo chedoir tre fertaib Coluim
31] Cille la Domnall h. mBreslein toisech Fanat.


32]

1261.4

Aed mac Mailsechlainn h. Conchobair do marbad do Maelfabaill
33] h. Edhin.


34]

1261.5

Cocad mor & uilcc imda do denam do Fingen mac Domnaill
35] Mec Carthaig & da braithrib ar Gallaib in hoc anno.


36]

1261.6

Sluagad mor la Clainn Gerailt i nDesmumain d'indsaigid
37] Meg Carthaig, & do innsaig Mag Carthaig iat-som & tucc maidm
38] forro & do marbad mac Tomas .i. Eoan proprium nomen & a

p.136


1] mac & u. ritere x. maille friu, [I] & ocht mbaruin maithe faeirri
2] & gilli oca imda & sersenaigh diairmithi do marbad and o sin.
3] In Barrach Mor do marbad lais beos. Fingin Mag Carthaig do
4] marbad do Gallaib iar sin & rigi Desmuman do gabail da derbrathair
5] donn athcleirech Mac Carthaig dia eis.


6]

1261.7

Art mac Cathail Riabaig hUi Ruairc do eludh o Aedh h.
7] Concobair & taisig na Brefne & Conmaicne do tabairt rigi na
8] Brefne do.


9]

1261.8

Mac Feorais do sarugad tempaill moir Fechin i ndEs Dara,
10] cor marb coiger do{folio 18b} [A] Luignib and fo Chathal h. nEgra.


11]

1261.9

Crech la Domnall h. nEgra for Clainn Feorais ina eric-side,
12] cur marb Sefin Mac Feorais. Et int at cluicc tuc se a
13] tempul Essa Dara is he bai imo chend ica marbad.


14]

1261.10

Brian Ruad h. Briain do loscad & do scailed Chaislein
15] h. Conaing & do marbad a mbai do dainib ann.


16]

1261.11

Caislen do thorned hic Eoan de Uerdun i Muig Duma
17] a Muintir Gillgan in hoc anno.


18]

1261.12

Longpurt Aeda h. Conchobair ic Snam Muredaig do loscad
19] dona Brefnechaib.


20]

1261.13

Loscad Cluana Sulind .i. longpuirt Fedlim h. Conchobair.


21]

1261.14

Crech mor la hAed h. Conchobair isin mBrefne co ranicc
22] Druim Lethan. Cortus madma do thabairt ar blaid da muintir
23] dia rutadaib, cur marbad sochuide can beith suaichnid dib.


24]

1261.15

Mac Aeda h. Conchobair do thabairt ar altram d'Art h.
25] Ruairc.


26]

1261.16

Gilla Crist mac Etna h. Mailchiaran tuisech Muintiri
27] Mailchiaran & Tellaig Congusa mortuus est.