Corpus of Electronic Texts Edition
Annals of Loch Cé A.D.1014-1590 (Author: [unknown])

Annal LC1479

LC1479.0


32] Kl. Enair; noi m-bliedhnai .x. ar tri fichit ar .cccc.
33] ar mile óiss in Tigernai.


p.180

Annal LC1480

LC1480.0


1] Kl. Enair; cetri fichit bliadan ar .cccc. ar mile
2] oeiss in Tigernai.

LC1480.1

Eoghan mac Nell I Domhnuill,
3] damhnai righ Tíri Conaill, do marbad re h-Eccnechán
4] mac Neachtain Ui Domnaill, a c-Cluain Loegh an
5] bliadain sin, i f-fell.

LC1480.2

Mac Maghnussai in t-Senaidh
6] dh'ec, .i. Cathal Og.

LC1480.3

Rudhraidhe, mac Rudhraidhe mic
7] Neachtuin Ui Domnaill, do marbad la clainn Nell
8] Uí Domnaill.

LC1480.4

Ferghal mac Eochada dh'ec.

LC1480.5

Eogan
9] mac mic Airt dh'ec.

Annal LC1481

LC1481.0


10] Kl. Enair; bliadain ar cetrae .xxit, ar .cccc. ar
11] mile, oeiss an Tigernai.

LC1481.1

Toirrdhelbach Mag Uidhir
12] do marbad a f-fell re cloinn Donnchaid Óicc mic
13] Donnchaid Meg Uidhir.

LC1481.2

Ua Neill .i. Conn do gabhail
14] an bliadain so.

LC1481.3

Mac Conmidhe, .i. Concobar Ruadh, sái
15] re dán, do dol dh'ec an bliadain soin.

LC1481.4

Brien mac Felim
16] Uí Raighilligh dh'ec.

LC1481.5

Slaine ingen Uí Briain, ben mic
17] Uilliam Clainni Ricaird, .i. Uilleg Ruad mic Uillec in
18] Finae, .i. feithem coitcend do dámhaib ocus do
19] deoradhaib Erenn, dh'ec.

Annal LC1482

LC1482.0


20] Kl. Ienair; da bliadain ar ceitri fichit, ar .cccc.
21] ar mile, ais an Tigerna.

LC1482.1

Conn mac Aodha Buidhe
22] mic Bríain Ballaigh I Neill, richoinneall oinigh ocus
23] daennachta, tinnlaicthe ocus tabartais an tuaiscert
24] uile, d'faghail bais an bliadain se.

LC1482.2

Diarmaid mac
25] Uilliam mic an Easpuig I Eadhra do marbad le ///clainn
26] I Eaghra Buidhe.

LC1482.3

Donnchadh Óg Mag Uidhir do marbad
27] d'urcor soighdi.

Annal LC1483

LC1483.0


28] Kl. Ienair; tri bliadna ocus ceitri fichit, ocus
29] .cccc. ocus mile, aois in Tigerna.

LC1483.1

Easpog Clochair
30] dh'ec, .i. Rossa mac Tomais Óig Meg Uidhir.

LC1483.2

O Fialan
31] dh'ec, .i. Seaan mac Eogain.

LC1483.3

O Cianan d'hec, .i. Ruaidhri
32] mac Taidhg.

LC1483.4

O Domnaill, .i. Aodh Ruadh, do dhul
33] sluagh a machaire Oirgiall, ocus Aodh Óg mac Aodha


p.182


1] Buidhe do dul sluag ele ann; ocus an Sradhbaile do
2] losgadh leo, ocus O Domnaill do teacht slan da tigh.

Annal LC1484

LC1484.0


3] Kl. Ienair; ceitri bliadna ocus ceithri fiched, ocus
4] .cccc. ocus mile, ais in Tigerna.

LC1484.1

Maidhm Mona
5] Lagradhi isin m-bliadain so.

LC1484.2

Mag Mathgamhna, .i.
6] Remann mac Rughraidhe meic Ardgail Moir, dh'ec a
7] n-Droichet Atha a m-brathidenus fhada.

LC1484.3

Murchad mac I
8] Conchobair Fhailge, .i. mac Cathair, do marbad d'urchar
9] do th-shuighid.

LC1484.4

Easpag Daire dh'eg, .i. sar Nicol. mallacht ort a Nicolais I Siridain, tug oram mo leabhar do milliud re droch litir. Mesi Brian mac Diarmada, ocus tabhradh gach aon lefes bendacht ar m-anaim.

Annal LC1485

LC1485.0


10] Kl. Enair; cúicc bliadnae agus cethri fichid, agus
11] .cccc. ocus mile, óeiss an Tigerna.

LC1485.1

Aedh Ócc mac
12] Oedha Buidi Uí Neill, ridamnae slechtae Briain
13] Ballaigh, dh'ec.

LC1485.2

Ri Saxan, .i. Cing Risderd, do marbad
14] a cath, ocus cúicc ced .x. do marbad h-imaille fris.

LC1485.3


15] Maidhm na Muaidhe do tapairt d'Ua Domnaill, .i.
16] Oedh Ruadh, for Galloib ocus Goedhelaibh cuiced
17] Connacht.

LC1485.4

Gilla Patraic Ua h-Uiccind mortuus est.

LC1485.5


18] Mac Uilliam Burc, no Clainni Ricaird, dh'ec isin
19] bliadain so, .i. Uillec.

LC1485.6

An Barrach dh'ec.

LC1485.7

O Suilleabain
20] Berre dh'ec.

LC1485.8

O Baighill do chur a tigernas de, ocus
21] a mac do chur ina inadh, .i. Niall mac Toirrdhelbaigh.

LC1485.9


22] Art an Bogain O Conchobair do marbad da
23] derbhrathair fesin, .i. do Chathair.

Annal LC1486

LC1486.0


24] Kl. Enair; se bliadnae agus cetri fiched agus
25] .cccc. agus mile.

LC1486.1

Mac Diarmada Muigi Luirg, .i.
26] Ruaidri Óg mac Ruaidri Caich mic Oedhai, dh'ec .i. fer
27] mor doeinech mor caithmech mor conaigh, dh'ec ar an


p.184


1] c-carraicc; agus Concobar mac Corbmaic mic Tomaltaigh
2] an Oinigh do righad na inadh.

LC1486.2

Mag Radhnuill, .i.
3] Tadg mac Cathail, dh'ec.

LC1486.3

Moeileachlainn ocus Ruaidri,
4] da mac Mic Donnchada Tire h-Oilellae, do marbad la
5] clainn Domnuill Chaim mic Mic Donnchada.

LC1486.4

Sean
6] Buidhi mac Eoghain mic Nell Óig Uí Nell dh'ec.

LC1486.5


7] Domnall Óg mac Cartain, sái n-oinigh, mortuus est.

LC1486.6


8] An Barrach Mor do marbhadh.

Annal LC1487

LC1487.0


9] Kl. Ienair; seacht m-bliadnae agus cetri fiched,
10] agus .cccc. agus mile, oeis an Tigernai.

LC1487.1

Ua Raighilligh,
11] .i. Toirdealbach mac Seain mic Eoghain Ui Raigilligh,
12] dh'ec.

LC1487.2

Brien mac Briain Ballaich, mic Oedhae mic
13] Felim Ui Concobair, dh'ec.

LC1487.3

Ua Moel Conuiri, .i. Sigrad
14] mac Seain Rúaid, dh'ec.

LC1487.4

O Moel Sechluinn, .i. Laighnech
15] mac Cuirc mic Corbmaic Ballaigh, do marbad la Conn
16] mac Airt mic Cuinn mic Corbmaic Baillaigh Uí
17] Moeilechluinn.

LC1487.5

Brien mac Eogain mic Nell Oicc Uí
18] Nell dh'ec.

LC1487.6

Sean mac Conchobair mic Oedhugain dh'ec.

LC1487.7


19] Aod mac Briain mic Ferghail Ruaid Uí Uiginn dh'ec.

LC1487.8


20] Mac Goisdelbh, .i. Sean, dh'ec.

LC1487.9

An Dalatúnach, .i.
21] Emunn mac Pieruiss, dh'ec.

Annal LC1488

LC1488.0


22] Kl. Ienair; ocht m-bliaghna agus ceithre fiched, agus
23] .cccc. agus mile, áois an Tigherna.

LC1488.1

Domhnall mac
24] Domhnuill meic Neill I Dhomhnaill do chrocadh le h-Aodh
25] mac Aodha Ruaidh an bhliaghuin-se.

LC1488.2

Maol Muire mac
26] Taidhg Óicc I Uiginn, sáoi re dán, d'fhaghuil bháis an
27] bhliagain-se.

LC1488.3

Domhnall Gorm, mac Alustruinn mheic
28] mheic Domhnaill, do mharbadh ré cloinn an aba mheic
29] Alustruinn.

LC1488.4

O Cealluigh d'ég, .i. Maoil Seachluinn mac
30] Aodha mheic Briain.

LC1488.5

O Flannagan Tuatha Ratha, edhon
31] Toirrdhealbhach mac Gilla Iosa, d'ég.

LC1488.6

O Túathuil .i.
32] Eumann do marbhudh le cloinn Taidhg I Chearbhuill.

LC1488.7


33] Tadhg mac Aodha mheic Toirrdhealbhuigh Chárruigh I
34] Chonchubhuir d'ég.

LC1488.8

Mag Uidhir d'ég, .i. Eumann mac


p.186


1] Tomáis Óig.

LC1488.9

Righ Albun, .i. Sémus Stiobhard, do mharbhudh
2] a g-cath le na mac fein, .i. Sémus Óg.

LC1488.10

Brian
3] mac Aodha Buide I Neill d'ég don ghalur bhreac.

LC1488.11

Mac
4] an Bhaird Oirgheall d'ég, .i. Núadha.

Annal LC1489

LC1489.0


5] Kl. Ienair; nai m-bliadnae ocus cetri fiched, ocus
6] .cccc. ocus mili, oeiss in Tigernai.

LC1489.1

O Nell, .i. Enri
7] mac Eogain, di dol dh'éc.

LC1489.2

O Baighill, .i. Toirrdhealbach
8] mac Nell Ruaidh, mortuus est.

LC1489.3

Ua Fialáin, .i. Eogan
9] Ócc, ocus Aithirne O h-Eoghusa, dh'éc.

LC1489.4

Mac Uibhilín, .i.
10] Sinicín Rúadh, do marbad la Ualtair mac Uibhilin.

LC1489.5


11] Sethraigh mac Gilla Patraic, rí Osraidhe, d'écc.

LC1489.6

Ua
12] Cerbaill, .i. Sean mac Moel Roanaidh, dh'ec.

LC1489.7

Mac Ui
13] Conchobair Ruaidh, .i. Toirrdhealbach mac Felim Find,
14] .i. fer a oessai as ferr do bui da chinet, do marbad le
15] clainn Ruaidri Oig mic Ruaidri Caoich, .i. re Tadg
16] ocus re Corbmac, a ///c-cairgín riebhuch ///clainni Faghartaig.

LC1489.8


17] An Calbhach mac Ui Domnuill dh'ec.

LC1489.9

Diermuitt,
18] mac Taidg mic Domnuill Oic Meig Carthaigh, do
19] marbad le h-Ierlai n-Desmuman, .i. Muiris mac Semuis.

LC1489.10


20] Ua Fíaláin, .i. Eogan Óg mac Eogain, dh'ec.

Annal LC1490

LC1490.0


21] Kl. Ienair, ocus deich m-bliadna ocus cetri .xxit
22] ocus .cccc. ocus mile aoiss in Tigernai.

LC1490.1

Toirrdealbach
23] mac Toirrdealbuigh Ui Baighill d'faghail baiss
24] ier na esccor in bliadain sin.

LC1490.2

Mac Domnuill na
25] h-Alban, .i. in tigerna ócc, an t-oen duiniu dob ferr ind
26] Erinn na ind Albain a comaimsir friss, do marbad co
27] mí-rathmar le fer tétt Erennach inda seomrai fein, .i.
28] Diermaid Cairbrech.

LC1490.3

In Dilmuinioch, .i. Emand mac
29] Tommaiss mic Geroit, dh'ec.

LC1490.4

Ua Concubair Ruad, .i.


p.188


1] Fedlim Finn mac Taidg Uí Conchubair, fer cogtach
2] cathardhai comtimarcctech crechlinmar, dh'ec in
3] bliadain cednai.

LC1490.5

O Catháin, .i. Sean mac Diarmadai
4] mic Aibne, do gabail le luing tanic a h-Albain.

Annal LC1491

LC1491.0


5] Kl. Ienair, ocus aon bliadain dhec ocus cetri fiched,
6] ocus .cccc. ocus mile, aois an Tigerna.

LC1491.1

Feidhlim mac
7] Aodha mic Eogain I Néill do mharbad le Brian mac
8] Remaind mic Rughraidhe Meg Mathghamna.

LC1491.2

O Raighilligh
9] dh'ec in sa m-bliadain si, .i. Sean mac Toirdhealbaigh,
10] ocus O Raighilligh do gairm do Sheathan mac Cathail.

Annal LC1492

LC1492.0


11] Kl. Ienair; agus da bliaghuin dég agus ceitre
12] fiched .cccc. agus mile áois an Tighearna.

LC1492.1

Barun
13] Sláine d'ég do f-plaidh alluis, .i. Sémus Plemeann.

LC1492.2


14] Cuid do chrann na croiche naomhtha d'fhaghuil isin
15] Roimh adhlaicthe a d-talamh, .i. an chlár báoi os ceann
16] na croiche iona raibhe sgriobhtha Iesus Nazarenus Rex
17] Iudeorum; ocus do frith sgriobhtha san ionadh chedna
18] gurub í Elena ro fholaigh é.

LC1492.3

Ceann na sleighe lér loit
19] Longinus corp Crist do chur chum na Romha isin
20] m-bliaghain-se do thighearna na d-Turcach.

LC1492.4

Finghin O
21] Mathúna d'ég.

LC1492.5

Mac Gilla Fhinnen dh'ec, .i. Toirdhealbach
22] mac Bríain.

LC1492.6

Magraith, comharba termaind Dabeog,
23] .i. Diarmaid mac Marcais mic Muiris Meic Nicoil
24] mic Andrias, dh'ec.

LC1492.7

Tadhg Cam O Cleirigh, sencuidh
25] cineil Conall, dh'ec.

LC1492.8

Aongus mac an Ulltaigh, brathair
26] minur, dh'ec.

LC1492.9

Mac Con Mara, .i. Cu Mhedha mac Seaain,
27] dh'ec.

LC1492.10

An Calbach mac I Conchobair Fhailge, .i. mac
28] Cathair, do mharbad le maistir Gart.

LC1492.11

Seaan Buidhe
29] mac Eogain Meg Mathgamna dh'ec.

LC1492.12

Gofraigh O Cathain
30] do marbad le Baltar mac Uibelin.

LC1492.13

Cormac mac


p.190


1] Diarmada meic Ruaidri Caoich, ocus Diarmaid Riabach
2] a mac, do marbad le clainn Ruaidhri Oig mic Ruaidhri
3] Caoich mic Aodha, a n-Garga na Coilleadh Amhreidhe.

Annal LC1493

LC1493.0


4] Kl. Ienair, ocus trí bliadna dég agus ceitre fiched,
5] agus .cccc. agus mile, áois an Tigerna.

LC1493.1

O Néill, .i.
6] Conn mac Einrí, do mharbhudh le na dhearbhráthuir féin, .i.
7] Eunrí Ócc, agus Einrí Óg do ghabhail tigerntuis Thíre
8] h-Eoghuin.

LC1493.2

Finnguala ingen an Chalbhuigh I Chonchubhuir,
9] bean dércach daonnachtach fa mó clú na h-aimsir, do
10] dhol d'ég an bhliaghuin sin.

LC1493.3

Mac Conmidhe, .i. Tadhg,
11] mortuus est.

LC1493.4

Brian, mac Neill ghalta mheic Briain
12] Bhallaigh I Neill, do mharbhudh lé Brian mhac Muirceartaig
13] Mheug Aonghusa, a n-dioghuil a athar.

Annal LC1494

LC1494.0


14] Kl. Ienair; ceithre bliaghna dég agus ceithre fiched,
15] agus .cccc. agus mile, áois an Tigerna.

LC1494.1

Inghen I
16] Dhomhnuill, .i. an inghen dubh, bean Néill mheic Cuinn,
17] d'fhaghail bhais an bhliaghain se.

LC1494.2

Sean mac Eogain mic
18] Neill Ghairbh h-Í Domnaill
, sáoi dhuine uasuil ar a
19] chuladh féin, do ghabhail le sliocht Donnchadha I Ghallcubhuir,
20] agus a thairbheart do Chonn mhac Aodha Ruaidh,
21] agus a chrochad gan chairde le Conn.

LC1494.3

Domhnall mac
22] Eoghain I Chonchubuir, tighearna Sligigh agus ó shliabh
23] anúas, do marbadh la cloinn Ruaidhri mheic Toirrdhealbuigh
24] I Chonchubhuir a m-badhun chaislein Bhuana Finne.

LC1494.4


25] O Ferguil d'ég, .i. Conmhac mac Seadhuin.

LC1494.5

Eoin Bearnach
26] mac Maol Mhuire meic Suibhne do marbhudh la Tadhg mac
27] Cuinn meic Domhnuill I Néill.

LC1494.6

Mac mheic Uilliam
28] Burc do mharbhudh fa chaislén Sligigh an bliaghuin-se, .i.
29] Uilliam mhac Riocuird mheic Eumuinn mheic Tomais a
30] Burc.


p.192

Annal LC1495

LC1495.0


1] Kl. Enair; .u. bhliaghna déug agus ceitri fiched,
2] agus .cccc. ocus Mile, aois an Tigherna.

LC1495.1

Maidhm an
3] Cheidigh Dhraoinigh do thabhuirt ar thighearna Sligigh, .i. ar
4] Fheilim mac Maghnuis I Choncubhuir, ris O n-Domhnuill,
5] .i. ré h-Aodh Ruadh.

LC1495.2

Mac Donchadha Thiri h-Oilealla, .i.
6] Tadhg mac Briain meic Conchubhuir, do mharbadh leis
7] O n-Domhnuill, .i. Aodh Ruadh mhac Neill Ghairbh, a m-Bel an Droichit.
8] O Dubhda, .i. Eogun Caoch mhac Ruaidhri, do
9] marbhudh ann fós; agus Brian Caoch mhac Taidhg mheic
10] Eoguin I Choncubhuir, agus Tadhg mhac Domhnuill mheic
11] Eoghain do marbadh ann fós. O Gadhra do ghabhail ann,
12] .i. Diarmuid mhac Eoghain. Morán do mharbudh agus do
13] bathadh ann do dheagh dháoinibh Iochtuir Chonnacht o sin
14] amach.

LC1495.3

Mac Uilliam Chloinne Riocuird do theacht a
15] n-Iochtur Chonnacht, agus an mhéid nár mhill O
16] Domhnuill roimhe sin do mhilledh do uile.

LC1495.4

Tomultach
17] mhac Cormuic Bhallaigh d'ég.

LC1495.5

Ua Duibhgiodhnán Chilli
18] Rónan, .i. Dubhtach mac Mhaoileachluinn mheic Mhatha
19] Ghlais, sáoi re seanchus agus re filighecht, d'ég.

LC1495.6

O
20] Domhnuill do dhul gu teach righ Albun an bliadain sin.

LC1495.7


21] Mac Samhraghain, .i. Feidhlim, do bhathadh, agus Mac
22] Samhraghain do ghairm iona ionadh do Dhomhnall Bhernach.

LC1495.8


23] Mac an Baird .i. Aodh dh'ec.

Annal LC1496

LC1496.0


24] Kl. Ienair; se bliagna dég agus ceithri fichit, agus
25] .cccc. agus Míle, áois an Tigherna.

LC1496.1

Mág Uidhir, .i.
26] Seadhan, do ghabhail a d-Tearmonn Mheugrath le Conn
27] mhac Aodha Ruaidh I Dhómhnuill, agus a lán d'eachaib
28] ocus d'édáil do bhúain d'Aodh .H. Dhomhnuill agus do
29] Mag Uidhir don bhreisim sin.

LC1496.2

O Mathghamna an Fuinn


p.194


1] Iartharuigh, .i. Fingin, feicheamh coitcheann daonnachta
2] agus oinigh iarthuir Mhumhun, ogus an fear fa treidhighe
3] a laidin agus a m-béurla a g-comhaimsir fris, do dhul
4] dég an bhliaghuinsi.

LC1496.3

Glaisne, mac Remainn mheic
5] Rughruidhe Mheg Mathghamhna, do mharbhudh lá Gillapadruic
6] mhac Aodha Óig mheic Aodha Ruaidh, ag caislén
7] Muineacháin.

LC1496.4

O Dubhda Dubh, .i. Uilliam mac Domhnuill
8] Bhallaigh, do ecc.

LC1496.5

O Flannagán Tuaithe Ratha d'éug, .i.
9] Gillibert mac Cormuic mheic Gilla Iosa.

LC1496.6

Mac Samhradháin,
10] .i. Domhnull Bernach mac Tomáis mheic Ferguil,
11] do mharbadh a b-fheall.

LC1496.7

Mac Suibhne Thire Boghaine, .i.
12] Maol Muiri, d'ég.

LC1496.8

Mac Saor Edbhaird Iustas d'ég, .i.
13] Rolan.

LC1496.9

O Ferghuil d'ég, .i. Rughruidhe mhac Cathuil.

LC1496.10

O
14] Ferghuil do ghairm do Chédach.

Annal LC1497

LC1497.0


15] Kll. Enair for dhomhnach. Seacht m-bliadna dhec
16] ocus ceitri fichit, .cccc. ocus mile, aois an Tigerna.

LC1497.1


17] Eignechán mac Nechtain h-I Dhomnaill, ridhamhna
18] Cineoil Conaill, ocus an fer is mó fuair do dhochur a
19] dhúthaide leth re cendus fedhna, ocus is mó lér tuit dá
20] naimdib, do marbadh le Conn mac Aodha Rúaidh h-I
21] Dhomnaill a b-fhoslongport h-I Dhomnaill fein.

LC1497.2


22] Aodh Ruadh .H. Domhnaill do chur a thigernuis de tré
23] bhuaidhriud a chloinne féin.

LC1497.3

Conn mac Aodha Ruaidh do
24] ghabháil tigernuis Tire Conaill a n-ionadh a athar.

LC1497.4


25] Sloiged lánmor la .H. n-Domnaill, .i. Conn, a g-Connachtaib,
26] go maithibh Conaldach maille fris; acht
27] chena ro eirighset slicht Briain Laighnigh go h-uilidhe leó
28] tar Corrsliabh na Seghsa, ocus a Magh Luirg in Dághdha.
29] Is annsin ro thinóil Mac Diarmada, .i. Tadhg mac
30] Ruaidri mic Diarmada, a chinedh ocus a ///clann maicne
31] fein as gach aird dá innsoiged, ocus an mheid fuair do
32] Shíl Muireghaigh, ocus do thoeissechaibh thuath Connacht,
33] ionnus go m-bói ocht g-cóirighthi dhéc do dh'egh


p.196


1] slúaguibh do aon chomhairle; ocus tiaghuid ar cinn h-I Dhomhnaill
2] a g-Coirr Shleibh. Acht chena nír chonguibh an
3] coimthinól calma cath slúagach sin O Domnaill. Is
4] annsin ro innsaighset in dá ard shocraide sin a cheli im
5] Choirr Sléibh, ocus ní sguchad ó cheli do fhóbairset no
6] go n-dorchair il-iomad da n-ánradaibh ocus dá n-aos
7] gaiscid isin n-gleó sin. Acht chena ro brissedh ar
8] .H. n-Domnaill don dul sin, gur ro marbadh ocht ced no
9] ni budh mó dia mhuinter, ocus gur ro gabadh ann Féidhlim
10] mac Maghnusa h-I Chonchobair, .i. leith rí Connacht ó
11] Choirr Sliabh go Drobhaois; ocus ro gabad ann an dá
12] Mac Shuibhne, ocus ni h-eitir a riomh iná ///ró airem ar
13] benadh d'édáluibh airm ocus ech ocus éidigh, ocus dá gach
14] cinél airm ocus erraidh o sin amach don dul sin; ocus
15] ro imthigh .H. Domnaill fein ar toradh a eisiomuil ocus
16] do nert a laime ass an maidhm sin. Ocus rug Mac
17] Diarmada a bráighde ocus a bhuan édail lais iar
18] m-buaidh g-cosgair; ocus isse fuaslucad ro bhen Mac
19] Diarmada as Feilim mac Maghnusa h-I Chonchobair,
20] .i. cuid Chlainni Mhaol Ruanaidh do chóiced Chuain Sligigh,
21] ocus clann Taidhg mic Briain mic Dhonnchadha ina
22] n-urraighibh aige frissin do comall dó a péin sé fichit
23] ///loilgech.

LC1497.5

Ocus fá chend aithghirre ina dhiaidh sin .H.
24] Néill, .i. Enrí Óg .H. Neill, do thoighecht a Tir Chonaill
25] sluaig dí-áirimh, ocus an tir do mhilledh go h-uilidhe lais;
26] ocus O Domnaill do breith orra, ocus maidm Bhél Átha
27] Doire do thabairt ar .H. n-Domnaill, ocus é féin .i.
28] Conn do thuitim ann, ocus morán eli maille fris, ocus
29] clann h-I Domnaill do ghabáil, .i. Domnall ocus Niall
30] Garbh, ocus Niall d'fhagail bháis annsan glas; ocus


p.198


1] Aodh Ruadh .H. Domnaill do ghabáil a thigernius fein
2] in darna feacht do toil Dé ocus daoinibh.

LC1497.6

Aodh mac
3] Aodha Ruaidh do leigion ass a braighdenus an bhlíadain
4] sin.

LC1497.7

Mac Diarmada Mhoighe Luirg, .i. Conchobar mac
5] Cormaic mic Tomaltaigh an Einigh, do marbadh la clainn
6] Ruaidhri mic Diarmada ag Cuirrech O n-Guanradh.

LC1497.8


7] Mac Donnchada an Choruinn, .i. Brian mac Mhaol
8] Ruanaidh mic Tomaltaig, dh'éc.

LC1497.9

Gorta mhór ar fedh
9] Erenn in hoc anno.

LC1497.10

Ailionora ingen Iarla Cille
10] Dara, .i. ben h-I Neill .i. Chuinn mic Enrí mic Eogain,
11] dh'éc.

LC1497.11

Domnall mac Aodha Óig mic Aodha Buidhe do
12] mharbadh lá Sean n-Dubh mac n-Domnaill.

Annal LC1498

LC1498.0


13] Kll. Enáir; ocht m-bliadna dhéc ocus ceithre xxit,
14] ocus .cccc. ocus mile, ais in Tigerna.

LC1498.1

H. Neill, .i.
15] Enrí Óg mac Enri mic Eogain, tigerna Chéneil Eogain,
16] ocus fer lán do uaisle ocus d'ard rath, do marbad a
17] n-Doirín in Fhiadha le clainn Chuinn h-I Neill, a n-digail
18] i n-athar.

LC1498.2

H. Cathain, .i. Sean mac Aibhne, fer einigh
19] coitchinn d'eigsibh ocus d'aois ealadhna Erenn, dh'éc in
20] hoc anno.

LC1498.3

Domnall mhac Nechtain h-I Domnaill dh'ec
21] don ghalar bhrec.

LC1498.4

H. Briain, .i. an Gilla Dubh O Briain,
22] dh'éc.

LC1498.5

Maidhm na Croissi Caibhénaighe ar .H. Neill .i.
23] Domnall mac Enrí mic Eogain, ocus Feidhlim mac Enri
24] Óig do thuitim a b-frithghuin an madhma sin.

LC1498.6

O Cúirnín,
25] .i. ollam fer m-Breiffne dh'éc, Conchobar Carrach, .i.
26] ard ollam .H. Ruairc ocus na Raghallach
.