Corpus of Electronic Texts Edition

Annals of Loch Cé A.D.1014-1590 (Author: [unknown])

Annal LC1325

LC1325.0

1] Kl. Enair for Mairt, & ochtmadh uathad fuirri;
2] M.ccc.xxu.; xu. cicli lunaris; octauo anno indictionis;
3] primo anno cicli solaris.

LC1325.1

Domhnall mac
4] Briain Ui Neill, ri Uladh, mortuus est.

LC1325.2

Diarmaitt
5] Ua Mailbrenaind, righ thoisech Cloinne Conchobhair,
6] mortuus est.

LC1325.3

Cú Ulad .H. Neill mortuus est .i. mac
7] Domhnaill mic Briain .H. Neill in Cú Uladh sin, acus
8] a mharbhadh do ronsat clann Neill mic Briain .H. Neill
9] .i. clann derbrathar a athar fein.

LC1325.4

Gilla Crist
10] cleirech Mac Diarmada mortuus est.

LC1325.5

Brian Ua
11] Gadhra mortuus est.

LC1325.6

In bódith fós ar fut Erend.

Annal LC1326

LC1326.0

12] Kl. Enair for Cedaoin, & xix. madh fuirri; anno
13] Domini M.ccc.xxui.; xui. anno cicli lunaris; ix. anno
14] indictionis; secundo anno cicli solaris.

LC1326.1

Risdard a
15] Burc .i. ant Iarla ruadh, tighearna Uladh & Condacht,
16] acus aen roga Gall Erend uili, do h-ecc isin
17] bliadhain sin ante festum Petri ad uincula.

LC1326.2

Cocadh
18] mor eidir righ Franc & righ Saxan in hoc anno.

LC1326.4

Lurint .H. Lachtnan, esbog Olifinn, in Cristo quieuit.

LC1326.3

Metra Seoan O Findachta do togadh dochum na
19] hespocoidi cedna iar sin.

LC1326.5

Imhar Mag Raghnaill,
20] taisech Muintiri h-Eoluis, occisus est o a bhraithribh
21] budein.

LC1326.6

Nicol .H. h-Edhin mortuus est.

Annal LC1327

LC1327.0

22] Kl. Enair for Dardaoin, & .x. mad .xx. fuirri;
23] anno Domini M.ccc.xx.uii.; xuii. lunaris cicli; x. anno
24] indictionis; tertio anno cicli solaris.

LC1327.1

Cocadh mor
25] eidir righ Saxan & a bhen budein, .i. inghen righ Franc,
26] & ri Saxan do athrighadh don cocad sin, & a mhac
27] fein do righadh di a naghaidh a athar, & coroin righ
28] do thabhairt dó tria chomhairle Saxan uili.

LC1327.2

Gormlaith
29] ingen Mic Diarmada, ben Magnusa mic Domhnaill
30] .H. Conchobhair tanaiste Condacht re h-edh, &

p.606

LC1327.3

Edubhard, ri
5] Saxan, iar mbuain a rigi de quieuit.

LC1327.4

Tedhm mor don
6] galar brec ar fut Erend uli co forlethan, co tucc
7] dith ar dainibh beca & mora isin bliadhain sin.
8] Mailechlainn riabhach, mac Domhnaill, mic Taidhc .H.
9] Conchubhair, do dol dég don galar sin.

LC1327.5

10] Fergal mac
11] Ualgairg .H. Ruairc mortuus est.

LC1327.6

Culén Ua Dimusaig
12] mortuus est.

LC1327.7

Sadhbh inghen Mic Aedacan mortua est.

Annal LC1328

LC1328.0

13] Kl. Enair for Aine, agus aenmadh .x. fuirri;
14] M.ccc.xx.uiii.; xuiii. cicli lunaris; xi. anno indic-
15] tionis; quarto anno cicli solaris.

LC1328.1

Mailechlainn O
16] Raighilligh, tighearna Muinntiri Maolmorda, do gabhail
17] & do lot do Gallaibh na Midhe; agus a fuaslucadh
18] ar braighdibh, & a dol decc da gonaibh ina tigh fein
19] iarsin.

LC1328.2

Tornach & tentich anbail isin bliadhain
20] sin, gur milledh moran do mhes & do toradh Erend
21] uili, & cur fasadar arbanna finna fasa.

LC1328.3

Teidhm
22] galair go coitcheand ar fud Erend uili, fris inabarthai
23] slaedan, re h-ed tri lá no cethair ar cech nech
24] da ngabhadh, gur bo tanaiste bais do h-e.

LC1328.4

Int Iarla
25] donn do theacht a nErind in hoc anno .i. Uilliam Burcc
26] mac sir Seoan mic in Iarla ruaidh.

LC1328.5

Dondchadh ruadh
27] .H. Gadhra, & coiger da cinedh fein maille ris, occisi
28] sunt.

LC1328.6

Conchubhar Mac Branain, adhbhar taisigh Corca
29] Achlann, do marbhadh la muinter Angaili.

LC1328.7

Daibet
30] Mac Gilla Comgaill galloclaech, & cethri fir dheag
31] da mhuinntir maille ris, do mharbhadh la Dondchadh ngall
32] mac Domhnuill .H. Conchubhair, & Dondchadh fein do
33] tromlot and beuss.

LC1328.8

Dubhesa inghean .H. Elide, ben

p.608

LC1328.9

Gaeth mór
4] dofulachta isint samhradh, agus terca bidh, & imad
5] étaigh.

LC1328.10

Crech mor la Uater a Burc ar Connachtaibh,
6] cur h-arced moran leis daes gradha Toirrdhealbaigh
7] .H. Conchobhair, righ Connacht.

LC1328.11

Sir Seon mac Feorais,
8] Iarla Lugmaigh .i. ant aen bharun do ba beodha &
9] do ba brighmhuire, & dob ferr enech, & do
10] po mo tindlaicthi do bhi a nErinn, do marbhadh a
11] fill da mhuinntir fein .i. do Gallaibh Oirgiall, &
12] moran do Ghalloibh & do Ghaidhelaibh maithi do
13] mharbadh maraoen ris; agus ri na senma .i. Maelruanaigh
14] Mac Cerbhaill .i. in giolla caech, & derbhrathair
15] aili dó do marbhadh maroen ris; & ni fes co
16] tainicc na co ticcfa choidhchi a chomhmaith do timpanach.

LC1328.12

Muiris .H. Gibillan, ard maigistir Eireann a ndlighidh
17] nua & a sendligidh, h-i canoin & i lex, fellsom
18] fesa agus fireolais; sai ndana agus nOgmorachta &
19] eladhan nimda eli; cananach corad h-i Tuaim da gualann,
20] agus a nOilfind, agus a nAchadh Conari, agus i
21] Cill Alaid agus a nEnach duin, agus i Cluain ferta
22] Brenaind, oificel agus breitheamh coitchend na h-airdespocoiti
23] uli, in Cristo quieuit.

LC1328.13

Tomas Ua Mellan,
24] espuc Enaigh duin, do ecc h-i cuirt an phapa in hoc
25] anno.

LC1328.14

Brian mac Tomaltaigh Mic Dondchaidh do marbhadh
26] bhadh do Bhrian mac Taidcc Mic Dondchaidh.

LC1328.15

Uilliam
27] Iarla Uladh do tinol tsluaigh moir fa Thoirdhealbach
28] .H. Chonchobair, ri Condacht, & bha Muircheartach
29] .H. mBriain, ri Tuadhmumhan & Mumhan archena,

p.610

LC1328.16

Coinne mor fa Ath cind
6] Locha Deiched eidir Uater mac Uilliam Burc agus
7] Gilliberd Mac Goisdelbh don dara leth, & Maelruanaigh
8] Mac Diarmada, agus Tomaltach a mhac,
9] agus Tomaltach Mac Dondchaidh, agus clann Maelruanaigh
10] archena don leith aile.

LC1328.17

Bresimh madhma
11] do thabhairt ar mac Uilliam, dar marbhadh Brian
12] mac Taidg Mic Dondchaidh le a bhrathair fein, a
13] ndighail Briain mic Tomultaigh Mic Donchaidh do
14] marbhsom remhe sin.

LC1328.18

Donnchad gall mac Domhnaill
15] .H. Chonchubhair do marbhadh la h-Aedh, mac Taidg,
16] mic Mailechlainn, mic Maghnusa.

Annal LC1329

LC1329.0

17] Kl. Enair for Domhnach, agus aili fichet fuirri;
18] M.ccc.xx.ix.; xix. cicli lunaris; xii. anno indictionis;
19] u. anno solaris cicli.

LC1329.1

Tadcc mac Toirrdhelbaigh
20] .H. Conchubhair do mharbhadh do Diarmaid .H. Gadhra i mebhail.

LC1329.2

21] Cathal mac Domhnaill .H. Ruairc, degh adhbhar righ
22] Breifne, do marbhadh la cloinn Seaain .H. Ferghail &
23] la Galloibh Midhe, per dolum, & drong da muintir
24] maille ris.

LC1329.3

Muircheartach mac Domhnaill .H. Conchubhair,
25] tigherna Carpri, & degh adhbhar rig Connacht,
26] mortuus est.

LC1329.4

Cathal, mac Aeda, mic Eoghain .H. Chonchobair,
27] do dichur ar ecin as na fedaibh & a Tir
28] Maine, tre forgall Uater a Burc ar cloinn Cellaigh
29] & ar Ibh Maine.

LC1329.5

Cocadh mor eidir Toirrdhelbach

p.612

LC1329.6

Creach la
3] Tomaltach Mac Diarmada ar Diarmaid .H. Flanncan,
4] taisech Cloinne Cathail.

LC1329.7

Aine inghen Fergail
5] .H. Raighilligh, ben Tomultaigh Mic Diarmada, mortua
6] est in treas la ria nodlaic moir.

LC1329.8

Dabog donn
7] mac Uilliam Burc, ridiri ro chonaig, mortuus est.

Annal LC1330

LC1330.0

8] Kl. Enair for Luan, & iii. uathad fuirri;
9] M.ccc.xxx.; primus annus lunaris cicli; xiii. anno
10] indictionis; sexto anno solaris cicli.

LC1330.1

Magnus, mac
11] Aedha Breifnigh .H. Conchobair, do marbhadh la Cathal,
12] mac Aeda, mic Eogain .H. Conchobair, h-i Ferann na
13] darach, & Simann mac ind Fhailgigh do marbhadh
14] maraen ris.

LC1330.2

Ammus longphuirt le Toirrdhelbach
15] .H. Conchobair ar Baiter mac Uilliam Burc, a Lecmaig
16] a Moig Luirg, & a ruagadh asside co Cairthi liacc
17] fada, & Gilleberd Mac Goisdelbh, tighearna Slebhi
18] Luga, do teacht fedhan mór i furtacht Mic Uilliam
19] Burc, & Tomaltach Mac Dondchaidh do teacht
20] fedhan aili i furtacht Mic Uilliam. Agus impudh do
21] na sluaghaibh sin dibhlinaibh ar .H. Conchubair co rancadar
22] Ath Disirt Nuadan, & becan do muintir
23] .H. Chonchobhair do marbhadh fon ath, .i. Donnchadh mac
24] Domhnaill Mic Mathghamhna & Mac Gilla Comgan,
25] & daine eli bosnach arimther sunn; & Ua Conchubhair
26] do imteacht co beodha nosmar is na Tuathaibh
27] iarsin. Agus gabhus Mac Uilliam longport an adhaig
28] sin a Cill Lomad ar inchaibh .H. Conchubhair.

LC1330.3

Sluagadh
29] Condacht uili do tinol do Mac Uilliam, eidir Gall

p.614

LC1330.4

Sluaghadh la
4] .H. Ruaircc co Fidh an atha, & in baili do ergi
5] doib iarsin, & maidhm do thabhairt ar .H. Ruairc,
6] & Art .H. Ruairc, adhbhar righ Breifne, do marbhadh ann,
7] & moran aili eidir maith agus saith.

LC1330.5

Gilla Isa
8] ruadh .H. Raighilligh, ri Muinntire Mailmordha & na
9] Breifne uili re moran daimsir remhe sin, do occ ina
10] senoir rathmhar ro chonaigh iar mbreith buadha o
11] demhan acus o domhan.

LC1330.6

Benedect .H. Flannacan, prioir
12] Cilli mori na Sinna, quieuit in Cristo.

LC1330.7

Mailechlaind
13] Mac Carmaic, brugaidh cédach conaich, do ecc in hoc
14] anno.

LC1330.8

Maelisa dond Mac Aedacan mortuus est.

LC1330.9

Maidhm mor la Conchobar, mac Taidcc, mic Briain,
15] mic Aindrias, mic Briain Luignigh, mic Toirrdealbhaidh
16] móir .H. Chonchubhair, ar Dartraigibh, cor marbhadh moran
17] dibh leis.

LC1330.10

Toirrdhelbach .H. Conchubhair do marbhadh la
18] muintir Uater mic Uilliam Burc oc teacht o tigh ind
19] iarla.

Annal LC1331

LC1331.0

20] Kl. Enair for Mairt, & cethramhadh .x. fuirri;
21] M.ccc.xxx. primo; secundo anno cicli lunaris; xiiii.
22] anno indictionis; septimo anno cicli solaris.

LC1331.1

Mael-
23] ruanaigh Mac Diarmada, ri Moigi Luirg, do facbail
24] a rige & a flaithiusa, & do gabhail aibiti manaig
25] leith ime a manistir na Buille in hoc anno, & a
26] Ecc iar sin, & Tomaltach a mhac fein do gabhail na
27] rige cedna in sesodh la iar mbealtaine.

LC1331.2

Fergal mac
28] Mailechlaind charraigh Mic Diarmada do marbhadh
29] la Tadcc mac Cathail mic Domnaill .H. Conchobhair.

LC1331.3

Mor sluaghadh la Uater mac Uilliam Burcc h-i Maig
30] Luirg, & in tir uili do loscudh do acht a cella
31] nama; & tucc se cadus & comairci maith doibh;
32] agus cidh edh nir leicc Tomultach cona fedain buudein

p.616

LC1331.4

Mailir Mag Eochagan quieuit in
7] tertia Kl. Ienair.

Annal LC1332

LC1332.0

8] Kl. Enair for Cetain, & cuigedh ficheat fuirri;
9] anno Domini M.ccc,xxx. secundo; tertio anno cicli
10] lunaris; xu. anno indictionis; uiii. anno cicli solaris.

LC1332.1

Uater mac sir Uilliam Burc do gabhail lasin Iarla
11] ndonn, & a breith leis iar sin co caislen nua Indsi
12] hEogain, agus a dul decc don gorta h-i prisun in chaislein
13] sin.

LC1332.2

Maithi Alpan do marbhadh leisin mBailldelbach
14] isin bliadain céadhna.

LC1332.3

Maidhm Berna in mil
15] for Tomultach Mac nDiarmada, ri Muigi Luirg, &
16] ar mac Uilliam Burc, la mac ind Iarla agus la
17] Tomaltach Mac Dondchaidh, inar marbhadh moran do
18] muinntir mic Uilliam Burc.

LC1332.4

Uilliam gallda mac
19] Muircheartaigh móir Mecc Eochagain, dux Cenel
20] Fiachaidh, mortuus est immi Nouember.

Annal LC1333

LC1333.0

21] Kl. Enair for Aine, agus seisidh uathadh fuirri;
22] anno Domini M.ccc.xxx.iii.; quarto anno cicli lunaris;
23] primo anno indictionis; ix. anno cicli solaris.

LC1333.1

Uilliam
24] Burc .i. Iarla Uladh, do mapbhadh la Gallaibh Uladh, agus
25] na Gaill sin uili do toitim ann itir chrochadh &
26] marbhadh & tarraing la muintir ri Saxan.

LC1333.2

Aedh
27] .H. Domnaill, ri Tiri Conaill & fer Manach, agus
28] do ghabh braighti da crich Cairpri & na Breifne, &
29] adhbhar righ cuigidh Uladh uile, & lethdrommann Erenn

p.618

LC1333.3

Tomaltach Mac Dondchaidh, tighearna
13] Tire Oiliolla, sai nenigh & nengamha, agus fer rob
14] ferr comairci & cadhus agus firinne do bhai a naen
15] aimsir fris, mortuus est.

LC1333.4

Fedhlimid .H. Domnaill, ant
16] aen mac righ dob uasli agus dob ailli, agus dob arrachta,
17] agus is mo ris araibhi suil na sochaidhe agus fer
18] nErenn uili, do ecc isin bhliadhain sin.

LC1333.5

Gilleberd Mac
19] Goisdelbh do marbhadh ar lár a tigi fein la Cathal Mac
20] Diarmada Gall, per dolum.

LC1333.6

Aedh Mac Consnamha,
21] taisech Muinntire Cinaith, quieuit.

LC1333.7

Macc na h-oidchi
22] Mag Flannchaidh do marbhadh la Connachtaibh.

LC1333.8

Dondchadh
23] mac Aedha .H. Cellaigh do gabhail la Toirrdhealbhach
24] Ua Conchubair, ri Connacht.

LC1333.9

Sith do focra a
25] Ratsecer do cloinn Uilliam Burc a h-ucht righ Saxan.

LC1333.10

Conchubhar Mac Branan, toisech Corca Achlann,
26] mortuus est ui. idus Ienair.

Annal LC1334

LC1334.0

27] Kl. Enair for Satharn, agus sechtmadh .x. fuirri;
28] M.ccc.xxx.iiii.; quinto anno cicli lunaris; primo
29] anno indictionis; x. anno solaris cicli.

LC1334.1

Morsluaghadh
30] la Connachtaibh uili eidir Gallaibh & Gaidhelaibh isin
31] Mumhain dochom Meg Conmara. Braighdi & neart

p.620

LC1334.2

Deichnebhar do muinntir Dondchaidh
5] riabhaigh mic Maielechlainn charraigh Mic Diarmada
6] do badhadh ar Loch Teched. Tadcc, mac Cathail, mic
7] Domhnaill .H. Conchobhair, mortuus est.

LC1334.3

Seonacc, mac
8] Muircheartaigh móir Mec Eochacan, dux Cenel Fiachaidh,
9] mortuus est in .xiiii. Kl. Ienair.

LC1334.4

Donnchadh
10] Mac Consnamha, taisech Muintire Cinaith, mortuus
11] est.

Annal LC1335

LC1335.0

12] Kl. Enair for Domhnach, & ochtmadh .xx.it fuirri;
13] M.ccc.xxx.u.; ui. anno cicli lunaris; tertio anno indictionis;
14] xi. anno cicli solaris.

LC1335.1

Findguala, inghen
15] .H. Briain, ben Toirrdhelbhaigh .H. Chonchobhair, mortua est.

LC1335.2

Seoan mac Airt .H. Eghra do gabhail le mac in Iarla,
16] & forccla a mhuintiri do arccain do.

LC1335.3

Crech la
17] Cloinn Domhnaill .H. Conchobhair ar cloinn Muiris
18] tsucaigh mic Gerailt, du ar marbhadh mac mic Muiris.
19] Creach ndigailti la cloinn Muiris ar cloinn Domhnaill
20] cédna iarsin.

LC1335.4

Iarthar Connacht uli do milledh le
21] hEmann a Burcc; daine imdho do marbhadh, &
22] creacha & loiscthi acus uilc diarmithi do denamh
23] do fos ar mac an Iarla acus ar cloinn Ricaird a Burc
24] isin bliadhain ceadna; acus sith do denamh doibh re
25] roile iar sin.

LC1335.5

Snechta mor isin errach cur dithaigh
26] urmhor minen Ereand uili.

Annal LC1336

LC1336.0

27] Kl. Enair for Luan, & naemhadh uathadh fuirri;
28] M.ccc.xx..ui.; uii. anno cicli lunaris; quarto anno
29] indictionis; xii. anno cicli solaris.

LC1336.1

Tomaltach Mac
30] Diarmada, righ Moighi Luircc, fer ro bo mo grain &
31] coscar ar a escardibh, & fer rop ferr Enech &

p.622

LC1336.2

Teboid a Burc .i. Mac Uilliam, mortuus est.

LC1336.3

Mailer
6] mac Siurtan dExetar mortuus est.

LC1336.4

Maidhm la h-Eogan
7] .H. Madadan ar cloinn Ricard a Burc, inar marbhadh
8] seiser agus tri fichit idir maith agur saith.

LC1336.5

Creach
9] mor la cloinn Diarmada Gall & la mac Feidhlimidh
10] .H. Conchobhair, for Cloinn Goisdelbh & Maidiucc
11] mac Baldrin do marbhadh ina toraighecht.

LC1336.6

Crech mor
12] le h-Emand mac Uilliam Burcc ar Cloinn Cathail, dar
13] hairced Conchobhar .H. Flannagan & daine imdo eli
14] amaille ris, & Maileachlainn .H. Flannagan do marbhadh
15] a toraighecht na creichi sin; & do ghabhadarsan
16] derbhrathair do Mac in milidh a toraighecht na creichi
17] sin.

LC1336.7

Conchubhar Mac Diarmada, ri Moigi Luirg, &
18] Aedh mac Fedhlimidh, mic Aedha, mic Eoghain .H. Chonchubhair,
19] & lucht tigi .H. Conchobhair maraen riu, acus
20] clann Dondchaidh & glaslaith criche Cairpri im
21] Cormac mac Ruaidhri, do dol ar creich a Tir Fiachrach
22] curranccadar mullach Ratha; & ba an tire do
23] teithed rompa.

LC1336.8

Marbhédala mora & capaill imda,
24] & beccan dechaibh & do fochrodh imda do thabhairt
25] leo; agus daine do marbhadh leo; & a teacht fein
26] slán da tigibh.

LC1336.9

Diarmaitt .H. Flannagan, dux Cloinne
27] Cathail, mortuus est.

LC1336.10

Toirrdelbhach Ua Conchobhair, ri
28] Connacht, do tinol imircech na Tuatha & Cloinne

p.624

LC1336.11

Trinnoit O Naan, ardmaighistir a neladhnaibh imdha, a
5] lex occus i canoin, quieuit in Cristo.

LC1336.12

Domhnall mac
6] Seoan mic Domnaill .H. Chonchobhair mortuus est.

LC1336.13

Niall mac Conchobhair mic Taidhcc occisus est durchur
7] tsoighdi.

Annal LC1337

LC1337.0

8] Kl. Enair for Cetain, agus fichit fuirri;
9] M.ccc.xxx.uii.; uiii. anno cicli lunaris; quinto anno
10] indictionis; xiii. anno cicli solaris.

LC1337.1

Sidh do denamh
11] dUilliam mac Iarla Uladh & do Brian bán .H. Briain,
12] & cach ferand dar folmhaigh se fo mac and Iarla
13] do lécan dó ar a chis fein do thabhairt as.

LC1337.2

Sidh do
14] denamh do Aedh remhar Ua Néill re h-Orgiallaibh & re
15] feraibh Manach.

LC1337.3

Foslongphurt do dhenamh la Toirrdhealbach
16] .H. Conchobhair, ri Connacht, ic Ath Liag a
17] naghaidh Emaind a Burc.

LC1337.4

Seoan .H. Fallamhain, dux
18] Cloinne h-Uatach, mortuus est.

LC1337.5

Tadhc Mag Flannchaidh,
19] dux Dartraighi, do marbadh la Corbmac mac Ruaidhri
20] mic Domhnaill .H. Chonchobair, maraen re moran eli,
21] a ndighail tSeoain mic Domhnaill; & creacha mora
22] do denamh ar Dartraigibh, & mac Muiris Meg
23] Flannchaidh do marbhadh an la cédna.

LC1337.6

Tadhc &
24] Mailechlainn, da mac Imair Meg Raghnaill, do gabhail
25] do Chathal Mag Raghnaill, & Cathal Mag Raghnaill
26] do marbhadh a tóraighechd la cloinn Imhair & la
27] hUilliam Mac Mathghamhna, .i. Conchobhar occus Tomultach
28] meic Imhair indsin, & ocbad an tire amaille
29] friu, & Maghnus mac Fergail do marbhadh doibh in

p.626

LC1337.7

Domhnall ruadh
3] .H. Mailli & Cormacc O Mailli do mharbhadh do
4] cloinn Mebricc & do Gallaibh eli maille friu, adaigh
5] feli Stefain.

LC1337.8

In maighistir .H. Rothlan quieuit in Cristo.

LC1337.9

Matha .H. h-Uicinn, sai ndána & ndoennachta,
6] quieuit.

LC1337.10

Enri Mac Martin do marbhadh in hoc anno.

LC1337.11

Maidhm mor ar Toirrdelbhach .H. Conchobhair, ri Connacht,
7] re cloinn Cellaidh, & Toirrdhelbhach fein
8] do lot and, & do gabhail, & a eich & a etidh
9] do facbail do and, maille re h-ár mór do dhainibh.

LC1337.12

Lughaid .H. Dálaigh, espuc Cluana muc Nois in Cristo
10] quieuit.

LC1337.13

Tomas mac Cormaic .H. Domnaill, espog
11] Tiri Conaill .i. sai necna & crábhaidh, derci &
12] daennachta, in Cristo quieuit.

LC1337.14

Dondchadh mac Muircheartaigh
13] moir Mec Eochacan, dux Cenel Fiachaidh,
14] occisus est o Uibh Failgi.

Annal LC1338

LC1338.0

15] Kl. Enair for Dardaoin, & aen uathad fuirri;
16] M.ccc.xxx.octauo; ix. anno cicli lunaris; sexto anno
17] indictionis; xiiii. anno cicli solaris.

LC1338.1

Dondchadh mac
18] Ruaidhri .H. Concubair occisus est in hoc anno.

LC1338.2

Ruaidhri Mag Uidir, ri fer Manach & Locha h-Erne,
19] in fer is mó ro tidhnaicc darccet & dellach &
20] detach do damhaibh & dollamhnaibh Erend ina aimsir
21] fein, mortuus est.

LC1338.3

Emand a Burc .i. mac Iarla Uladh,
22] do gabhail la h-Emann a Burcc, & cloch do chur fa
23] na bhraighit, & a chur a Loch Mesca iar sin; agus
24] tanicc milledh Gall Connacht acus a chinidh fein trít
25] sin; agus do gabh Toirrdhelbach .H. Conchobair neart
26] Connacht iar sin, & do h-innarbadh Eman mac

p.628

LC1338.4

Lugni & in Corand do folmughadh & do fássughadh
5] & a tighearnas do gabhail da nGaidhelaibh duthchusa
6] budhein, ar ndichur a nGall estibh.

LC1338.5

Tadhc mac Ruaidhri
7] mic Cathail ruaidh .H. Concobhair, ris iráiti an bratach
8] righin, do gabhail do Thomas Mac Samhradhain, &
9] moran da mhuintir do marbad. Mag Samhradhain do
10] dol co tech .H. Conchubhair iar sin, & oc teacht do
11] o tig .H. Conchubhair ar ais, clann Muirceartaigh &
12] Muinter Eolais do comhtinol ar a chind, & Mag
13] Samhradhain do gabhail doibh, acus moran da mhuinntir do
14] mharbhadh.

LC1338.6

Derbail inghen Chathail mic Murchada, ben
15] Dondchaidh mic Aeda oic, quieuit.

LC1338.7

Caoiridh Erend do
16] écc in hoc anno achtmadh becc.

LC1338.8

Cocadh mor eidir righ
17] Franc agus righ Saxan in hoc anno.

Annal LC1339

LC1339.0

18] Kl. Enair for Aine & aili .x. fuirri; anno Do-
19] mini M.ccc.xxx.ix.; x. anno cicli lunaris; uii. anno
20] indictionis; xu. cicli solaris.

LC1339.1

Ruaidhri Ua Cellaigh
21] ri .H. Maine, do marbhadh la Cathal mac Aeda mic
22] Eoghain .H. Conchobair, ac dola o tigh .H. Conchubhair da
23] tig fein in hoc anno.

LC1339.2

Tomas Mag Samhradhain do bi
24] alláimh ag cloinn Muircheartaigh do lecud amach.

LC1339.3

Pláigh mór o tsicc & o thsneachta ar ellach & ar
25] gortaibh gemhair Erend o caictigis do gemrid co blaig
26] don errach.

LC1339.4

Sluaghadh mor la h-Aed remhar .H. Neill
27] dochom Tiri Conaill, dar marbadh mac Seoain .H. Neill

p.630

LC1339.5

Emand mac Uilliam Burcc dinnarbadh a h-Ultaibh cona
2] longus.

LC1339.6

Ben mic ind Iarla Uladh .i. inghen Toirrdhealbaigh
3] .H. Briain, do thabhairt do Toirrdhealbhach .H. Conchobhair
4] ri Connacht, & Derbail inghen Aeda .H.
5] Dhomhnaill do lecad do isin bliadhain sin.

LC1339.7

Cocadh
6] mor ar fod na Mide eidir Gallaibh & Gaidhelaibh.

LC1339.8

Arbhanna Erend do milledh, agus gorta mór innti.

LC1339.9

Tempall Cille Ronain do denamh la Ferghal Muimhnech
7] .H. Duibhgennan in hoc anno.

Annal LC1340

LC1340.0

8] Kl. Enair for Satharnn, & tres .xx. fuirri;
9] M.ccc.xl.; xi. anno cicli lunaris; uiii. anno indictionis;
10] xui. cicli solaris.

LC1340.1

Comhtocbhail cocaidh móir
11] eidir Mainechaibh .i. etir Tadcc mac Taidcc .H. Cellaigh,
12] da tucc Toirrdhealbach .H. Conchobhair urrlamus
13] .H. Maine, & Uilliam mac Dondchaidh Muimhnigh
14] .H. Cellaigh, cur cuiredh Uilliam mac Dondchaidh Muimhnigh
15] asin tír amach, & ro lensat uli e, cur impo
16] Uilliam friú, & cur marbhadh Dondchadh mac Aeda
17] .H. Cellaigh, & cur gabhadh Tadcc .H. Cellaigh, acus cur
18] lotedh, & a écc da lot iaramh.

LC1340.2

Maolsechlainn .H.
19] Gairmleadhaigh, taisech Cenel Moain, mortuus est.

LC1340.3

Clann Ualgairg .H. Ruairc .i. Domhnall & Aodh, &
20] Gilla Criosd, & Ruaidhri do dol ar creich dochum
21] Cathail mic Aedha Breifnigh; & do ronsat croach
22] lán mór, & do marbhadh Conchobhar, mac Dondchaidh
23] riabhaigh, mic Maghnusa, mic Muircheartaigh Muimhnigh
24] leo in lá sin, agus moran aili maille ris; & isí
25] sin ced fola Muinntiri Ruairc & Cloinni Muircheartaigh
26] Muimhnigh mic Toirrdhealbaigh móir; &
27] do rone Cathal mac Aedha Breifnigh in toraighecht
28] chrodha iar sin, dar fostadh moran don chreich, &
29] dar marbhadh Domnall .H. Ruairc, aen rogha mac righ

p.632

LC1340.4

Aedh mac
6] Fedlimidh .H. Concobhair do ghabhail do Toirrdhealbach
7] .H. Conchobhair, ri Connacht, .i. do derbhrathair a athar,
8] & a chur a caislen Rosa Comain da chomhed. Cocadh
9] mor & esaenta adhbhal do ergi eidir .H. Conchobhair
10] & Mac Diarmada triasan ghabhail sin, & cur
11] milledh moran eatarro dibhlinaibh. Guasacht mor
12] dfagbhail dO Chonchobhair o Mac Diarmada isin Corand,
13] cur cuireadh da aimhdheoin e astech a mBali in
14] muta, & sidh do denamh doibh asa h-aithle sin re
15] chele.

LC1340.5

Siurtan ruadh Mac Goisdelb do marbhadh do
16] Chathal Mac Diarmada gall in hoc anno.

LC1340.6

Cathal
17] Mac Diarmada gall, aen rogha mac righ Connacht ar
18] gail acus ar gaiscidh, ar tresi & ar talchuirecht,
19] do mharbhadh do Dondchadh riabhach mac Maileachlainn
20] charraigh Mic Diarmada, per dolum, a Lis Selbaigh
21] i Cloinn Chonchubhair.

LC1340.7

Magnus mac Cathail mic Domh-
22] naill .H. Chonchobhair do marbhadh la Cathal mac Aeda
23] Breifnigh .H. Conchobhair.

LC1340.8

Brian occ Mag Samhradhain
24] do marbhadh la Tellach Dunchadha.

LC1340.9

Eogan .H. h-Edhin, ri
25] .H. Fiachrach Aidhne, occisus est a suis.

LC1340.10

Eogan mac Sefraidh
26] Meg Raghnaill & Aodh .H. Mailmiadaig do marbhadh
27] aroili.

LC1340.11

Addam Mag Tethedan quieuit in Cristo.

LC1340.12

Pilib .H. Dubgennan, ollamh Conmaicne, mortuus est.

LC1340.13

Imag inghen Mic Gosdelb, ben Eogain mic Finghin, quieuit.

LC1340.14

28] Uilliam Mac Gosdelb, mac Gilleberd, do marbhadh
29] ar greis isin Breifni la Teallach Echdhach.

LC1340.15

Ruaidhri

p.634

LC1340.16

Matha
2] mac Andaid .H. Raigillidh do mharbhadh la h-Andrias
3] mac Briain .H. Raighilligh, & crecha mora do denamh
4] isin Bolcan iar sin.

LC1340.17

Tempoll Cille Ronain do loscadh
5] in hoc anno.

LC1340.18

Niall .H. h-Uicinn, sai ndána, do badhadh.

LC1340.19

Conchubhar .H. Domhnaill cona thinol do teacht a Con-
6] nachtaibh.

Annal LC1341

LC1341.0

7] Kl. Enair for Luan, & seacht uathadh fuirri;
8] anno Domini M.ccc.xl.primo; xii. anno cicli lunaris;
9] ix. anno indictionis; xuii. cicli solaris.

LC1341.1

Maidm mor
10] do thabhairt do mac Uilliam Burc ar cloinn Muiris,
11] du ar marbhadh Tomas Mac Muiris & Muiris mac
12] Seonac ruaidh, & secht .xx. maroen riu.

LC1341.2

Domhnall
13] Mag Doschaidh, dux Cenel Luachain, mortuus est.

LC1341.3

Donnchadh mac meic na h-oidchi Meg Flannchaidh do
14] marbhadh la h-Aedh mac Taidcc Meg Flannchaidh in hoc
15] anno.

LC1341.4

Ua Gairmleadhaigh, dux cenel Muan, mortuus
16] est.

LC1341.5

Brian .H. Floinn, taisech Tellaigh Curnain,
17] mortuus est.

LC1341.6

Cathal Mac Cethernaig do marbad
18] do escur.

LC1341.7

Caislen Rosa Commain do gabhail do Toirrdelbhach
19] .H. Conchobhair, & Aed mac Feidlimidh
20] .H. Conchobhair do bi illaimh is in chaislen do treic do
21] Choncobhair h-e.

LC1341.8

Seonac Mag Mathghamhnai do chor a
22] hOrgiallaibh.

LC1341.9

Connacht .H. Cuinn, dux Muintire Gillaghain,
23] mortuus est.

LC1341.10

Diarmaid ruadh, mac Cormaic
24] oicc Mic Diarmada, mortuus est.

Annal LC1342

LC1342.0

25] Kl. Enair for Mairt, & .uii. mad x. fuirri; anno
26] Domini M. ccc. xl. secundo; xiii. anno cicli lunaris;
27] x. anno indictionis; xuiii. cicli solaris.

LC1342.1

In gilla
28] dubh Mag Uidhir do badhadh ar Loch h-Eirne ar deireadh

p.636

LC1342.2

Comergi coccaidh moir do ergi eidir Toirrdelbhach
2] .H. Conchobair, ri Connacht, & Conchobhar Mac
3] Diarmada, ri Moighi Luirg; & Emanda Burc dergi
4] le Mac Diarmada, & Aedh mac Feidhlimidh .H. Conchubair,
5] & Donnchadh .H. Birn dux Tiri Briuin na
6] Sinna; & .H. Birn do chur .H. Conchubhair a tempoll
7] Olifinn, ar ndol dosum do gabhail gill creichi do
8] ronsatt muinntir Birn ar Hoberd a Burcc remeside,
9] & cuit do galloclaechaibh .H. Conchubhair do marbhadh
10] doibh fan constapla, .i. fa Mac Ruaidhri.

LC1342.3

Cocadh
11] coitchend & olc adhbhal do fás a Connachtaibh uli
12] an tan sin, & Clann Muircheartaigh im Aedh mac
13] Aeda Breisnigh, & im Chathal mac Aeda Breisnigh,
14] & im Tadc mac Ruaidhri do comergi leo sin uli,
15] & moran do milledh doibh darbhannaibh an tiri ar
16] tus.

LC1342.4

Fell granna do denamh ar cloinn Uilliam Burc
17] tre forgall .H. Chonchobhair, dar marbhadh Tomas a
18] Burc le Cloinn Muiris, & se na noirechtus fein,
19] & Seonin a Burc do marbhadh ar in asti ceadhna le
20] cloinn Ricaird. Cathal mac Gilla Criosd Mic Diarmada
21] do marbhadh dFergal .H. Taidc ar in cocadh cedna
22] sin. Ferghal mac Gilla Chriosd finn mic Cormaic do
23] marbhadh ar in cocadh cedna sin. Brisim brogda do
24] thabhairt do Mac Diarmada & da macaibh righ ar
25] .H. Conchobhair a mbeol Atha Slisen, dar lingedh ant
26] ath fair, & dar marbhadh and Diarmaid mac Briain
27] .H. Ferghail .i. fer a aisi fein is ferr do bai do
28] Chonmaicnibh uile, & mac Hoberd a Burc, &
29] Conchobar mac Dondchaidh duibh .H. Elide.

LC1342.5

Seoan Mag
30] Mathghamhna, sai nenigh & nengnamha, ri Orgiall, do
31] dola ar creich dochum Roailb Meg Matgamhna, &

p.638

LC1342.6

Cormac
3] mac Ruaidhri mic Domhnaill .H. Chonchobair do gabhail
4] la Conchobhar mac Taidc, & le Ruaidhri mac Cathail
5] .H. Conchobhair, is in bhliadhain cedna sin, & Conchobar
6] do gabhail le Brian mac Ruaidhri, & a thabhairt a laimh
7] Conchobhair Mic Diarmada, & a chor do iarsin ar
8] in charraic da chomhod.

LC1342.7

Domhnall .H. Dochartaigh,
9] taisech Arda Midair, sai nenig & nengnama, derci
10] & doennachta, do ég ina tig fein in hoc anno, &
11] Seoan .H. Dochartaigh do gabhail a inait da esi.

LC1342.8

Sil
12] Muiredaigh uili idir deoin & aimhdeoin do dilsiugudh
13] righ Connacht .i. Toirrdhelbach mac Aodha mic
14] Eogain .H. Chonchobair; & is iat is oiregda ro
15] erig do an tan sin .i. Emund mac Uilliam Burc, &
16] Conchobhar Mac Diarmada, ri Moighi Luirg, cona
17] brathraibh & cona oireacht uile, & Aedh mac
18] Aedu Breifnigh, mic Cathail ruaidh h-I Chonchubhair,
19] & Tadc mac Ruaidhri .H. Conchubhair, & Cathal
20] mac Aeda Breifnigh mic Cathail ruaidh, & sochraide
21] Breifne & Conmaicne, & Aodh mac Fedlimidh mic
22] Aedha mic Eogain; & Toirrdhelbach do chur asin
23] tir amach leo uli mar narb ingnadh.

LC1342.9

Acus conad i
24] comhairle tucsat a charaid do iarsin dol do tig Mic
25] Diarmada is in oidche; acus fuaratar Clann Muircheartaigh
26] fis na comhairli sin, & do indliter remhe
27] ar sligtibh & ar bernadhaibh baeghail an longphurt,
28] & tainicc sim tarsibh sin uli isan oidche ro dorcha
29] dis no triar marcach; & do ergidh do ar tochar in
30] longphuirt, & do chuaidh tarrsa ar tarad a lama
31] laidiri, & do loit se Cathal mac Aodha Breifnigh.
32] Ocus ni raibi a fiss sin ag Mac Diarmada no co

p.640

LC1342.10

Conchubhar rúadh Mag Eochacan,
10] dux Cenel Fiachaidh, do marbhadh do Gallaibh.

LC1342.11

Tomas
11] .H. Cinga mortuus est.

LC1342.12

Muiris Mac Eochagan quieuit.

LC1342.13

Simon mac Conchobair mic Simoin mic Gilla Arraith,
12] taisech do thaisechaibh Luigni, mortuus est.

LC1342.14

Murchadh
13] mac Tomaltaigh .H. Flannacan .i. an tres duine as
14] fearr do bi do Chloinn Chathail, do mharbhadh do
15] galloglachaibh mic Cathail.

LC1342.15

Aodh mac Aedha Breifnigh,
16] mic Cathail ruaidh .H. Chonchobhair, do rigad do Chonnachtaibh
17] & do mac Uilliam Burc in cet Luan don
18] gemhriudh, & tanaistecht Connacht do thabhairt do
19] Aedh mac Fedlimidh .H. Conchobhair; & Tir nOiliolla
20] do thabhairt dFerghal Mac Diarmada, & Tadg
21] mac Tomaltaigh mic Muirgiusa Mic Dondchadha do
22] innarbadh as a duthaigh fein do Chonchobhar Mac
23] Diarmada & da braithrichaibh; & Mac Donnchadha
24] do bheith imaraen re Toirrdhelbach .H. Conchubhair.

LC1342.16

25] Conchubhar .H. Domhnaill, ri Tire Conaill, &
26] soidech dingbala dErinn uli da ndeonaigedh Dia do
27] hi, ar a uasli & ar a urdearcus, & ar febuss
28] enigh & engnamha, do marbhadh do Niall .H. Domhnaill
29] .i. mac a athar fein, & tech Findrois do loscadh
30] fair, & .H. Domhnaill do dol asin tig amach, &
31] a thoitim iar sin a ndoras a tigi fein, iar mbreith

p.642

LC1342.17

Flann occ .H. Domhnallain,
5] ollamh dána .H. Chonchobhair, quieuit.

LC1342.18

Domhnall
6] .H. Cuindlis, sai senchasa, occisus est o Ibh Diarmada.

LC1342.19

Tomas mac Gilla Coisclidh, sai nenigh, in Cristo quieuit.

LC1342.20

Matha Mac Maghnusa, brughaidh Locha h-Erne, quieuit
7] in Cristo.

Annal LC1343

LC1343.0

8] Kl. Enair for Cetain, & ochtmad .xx. fuirri;
9] anno Domini M.ccc.xl.iii.; xiiii. cicli lunaris; xi.
10] anno indictionis; xix. cicli solaris.

LC1343.1

Toirrdhelbach
11] .H. Concobhair do gabhail a rigi foin doridisi, &
12] sith do denamh do Mac Diarmada friss.

LC1343.2

Slaine
13] inghen .H. Bhriain, ben Toirrdhelbaigh .H. Chonchobhair
14] beus, & ben mic Iarla Uladh h-i remiside, mortua
15] est.

LC1343.3

Derbhail inghen Aeda .H. Domhnaill do teacht
16] ar cuairt co h-Inis Doighri dochum Chonchubhair Mic
17] Diarmada, & galar a h-ecca dia gabhail an
18] sin, & a h-adhnacal a manistir na Builli iar sin.

LC1343.4

Dubhcablaich inghen Conchobair Mic Diarmada, ben
19] Ui Bhirn, quieuit.

LC1343.5

Tomas Mac Samradain, dux
20] Tellaich Echach, quieuit.

LC1343.6

Murcheartach .H. Briain
21] ri Tuadhmumhan, mortuus est; & Diarmaid
22] .H. Briain do rigadh ina inat; & a innarba sis
23] le Brian .H. mBriain, & maithe Tuadhmumhan do
24] focra do iar sin.

LC1343.7

Uillec mac Ricaird mic Uillian
25] leith, macacamh gall Erend uili an enech & an
26] engnamh, quieuit.

LC1343.8

Cathal .H. Madadan, sai Erenn,
27] do marbhadh do cloinn Ricaird.

LC1343.9

Donnchadh clerech

p.644

LC1343.10

Cathal mac an Liathanaigh,
4] ab na Trinnoitte for Loch Cé, & togha espuicc
5] Olifinn, in Cristo quieuit.

LC1343.11

Maidm mor le Clainn
6] Feorais & le Clainn Ricaird ar Manechaibh, du
7] ar marbhadh en mac righ dec do clainn Cellaigh, fa
8] Conchobar cerrbach .H. Cellaigh.

LC1343.12

Niall .H. Domhnaill
9] do athrigad la h-Aengus .H. nDomhnaill acus la Domhnall
10] ndubh .H. mBaighill, & le h-Ua nDochartaigh,
11] acus le neart Aeda remair .H. Neill, & le Clainn
12] tSubhne archena, & Aengus do righadh doibh diblinaibh.
13] Niall do dol is tir aridisi; & Clann Muircheartaigh
14] do dichur asin Breifne le h-Ualgarg .H. Ruairc, &
15] la Toirrdhealbach .H. Concobhair, & le Tadcc Mag
16] Raghnaill, & a ndol a Tir Aeda; & Aengus
17] .H. Domhnaill do thabhairt Tiri h-Aeda doibh eidir fer
18] & arbhar, & cona maithis archena; acus
19] imrisain do thabhairt do Oengus .H. Domnaill &
20] do Chlainn Muircheartaigh iarsin do Niall .H. Domhnaill,
21] & maidhm do thabhairt for Niall doibh, dar
22] marbhadh Andilis .H. Baighill & a mhac .i. taisech
23] Tiri h-Anmirech, & Eogan mac Airt .H. Domhnaill,
24] et alii multi.

LC1343.13

Tempoll Cilli Ronain do denamh.

LC1343.14

25] Iohannes .H. Flaithimh, espog Cilli h-Alaidh, quieuit.

LC1343.15

26] Seoan Mag Eoaidh, espacc Conmaicne, quieuit.

LC1343.16

Conchobhar
27] Mac Diarmada ri Moigi Luirg, & tuili
28] ordain & oirichais cloinne Maelruanaigh moir,
29] mic Taidcc, mic Cathail, mic Conchobhair, do ecc ina
30] tigh fein seachtmhain ria samhain, dia satharnn arai
31] laithi seachtmhaine, iar mbreith buadha o deman &
32] o domhan; & a adhlacadh a manistir na Builli; &
33] Ferghal Mac Diarmada, a derbrathair fein, do rigad
34] ina inad.

p.646

Annal LC1344

LC1344.0

1] Kl. Enair for Dardaoin, & nomadh uathad
2] fuirri; anno Domini M.ccc.xl. quarto; xu. cicli
3] lunasis; xii. anno indictionis; xx. anno cicli solaris.

LC1344.1

Tomas mac Cathail riabhaigh .H. Ruaircc do marbadh
4] la Clainn Muircheartaigh in hoc anno.

LC1344.2

Aedh, mac
5] mic Roailbh Meg Mathghamhna, mortuus est .i. righ
6] Oirgiall; acus Murchadh og, mac Murchadha móir,
7] mic Briain na coiligh aifrinn, do rigadh ana inat,
8] & a ég a cind seachtmaine. Maghnus, mac Eochada
9] mic Roailb, do gabhail rige nOirgiall iar sin.

LC1344.3

Art
10] mor mac Corbmaicc .H. Maileachlainn, ri Midhe, do
11] marbhadh do Corbmac ballach .H. Mailechlainn, agus
12] rigi Midhe do gabhail do fein iarsin.

LC1344.4

Uilliam, mac
13] Mathghamhna Meg Ragnaill, do marbadh le macaibh
14] Cathail Meg Raghnaill.

LC1344.5

Matha, mac Gilla Criosd
15] clerigh Mic Diarmada, do marbhad do muinntir Elidi
16] ar in Corrsliabh.

LC1344.6

Espocc Lugni in Cristo quieuit.

LC1344.7

Murchadh mac Mailmuad .H. Eghra, ab na Buille
17] & damna espaicc Lugne, quieuit.