Corpus of Electronic Texts Edition

Annals of Loch Cé A.D.1014-1590 (Author: [unknown])

Annal LC1134

LC1134.0

18] Kl. Enair .ii. f.; L. ii.; ceitri bliadna .xxx. ar ced
19] ar mile ais in Tigerna.

LC1134.1

In bódhíbhadh cedna bhóss ag
20] inredh na h-Erenn, conidh lan airgnigh sochaide in gach
21] aird i n-Erinn.

LC1134.2

Archú .H. Flaithbhertaigh, rídhamhna
22] Oiligh, do thuitim la Cenél Conaill a raoi mhadhma.

LC1134.3

Donnchad .H. Conchobair, rí .H. b-Failghe, & Maoil
23] Sechlainn mac a athar, do coimdhebaid, go torcradar
24] comthuitim.

LC1134.4

Sloiged la mac Murchada & la laighnibh,
25] i n-Ossraighibh, conus tárradar Ossraighe, & gurro

p.134

LC1134.5

Ar Ossraighe &
3] Gall Puirt Láirge do chur la mac Murchada & la
4] Laighnibh, i n-díghuil in áir rémhráite.

LC1134.6

Iomhar .H. h-Aodhacan,
5] an fer las ro cumdaighed reglés Póil & Petair i
6] n-Ard Macha, do ég ina ailitri a Róimh.

LC1134.7

Donnchad
7] mac Murchada h-I Briain do marbadh, cona mac, do
8] dhes Mumain.

LC1134.8

Maol Garbh mór in hoc anno.

Annal LC1135

LC1135.0

9] Kl. Enáir .iii. f.; L. xiii.; cóig bhliadna .xxx. ar ced
10] ar mile ais in Tigerna.

LC1135.1

Maol Mórdha .H. Conchobair,
11] rí .H. b-Failghe, do marbad dia derbráthair féin.

LC1135.2

Echrí
12] .H. Taidhg, ri b-fer Lí, cona brathair & cona mhnaoí,
13] do mhuchad in nuaimh do Uíbh Tuirtri.

LC1135.3

Ruaidri O
14] Canannán, rí chénel Conaill, fer cogtach, cosnamach, co
15] n-desherc & n-doendacht, do marbad d-Feruibh Muighe
16] h-Itha, .i. do Maol Ruanaidh O Cairellan & do chloinn
17] Diarmada.

LC1135.4

Doire Coluim Cille cona templaib do
18] loscad i tert Kl. Apríl.

LC1135.5

Cluain Iraird & Raith
19] Luraich, & Cenantus & il chella airchena, ab igne
20] dissipate sunt.

LC1135.6

Sochaide mhór do dhes Mumain do
21] thuitim la tuadh Mumain for tochur Cluana Caoin
22] Modhimog, i torchair Finnghuine .H. Caim, rí Glendamnach,
23] & Mathgamhain .H. Donnchada, rí chenel Laogaire,
24] & Aodh .H. Conchobair, rí Corcumruaidh, &
25] Maol Gorm .H. Rinn, & mac Lochlainn h-I Cinaodha do
26] Ibh mic Caille, et alii plurimi.

LC1135.7

Cú Mhara, imorro, mac
27] Conmara mic Domnaill, rí .H. Caissín, do thuitim
28] a b-frithghuin.

LC1135.8

Hanrico mac Uillilim, rí Franc, &
29] Saxan, & Bretan, do ég.

LC1135.9

Coisregad tempail Cormaic.

p.136

LC1135.10

Aodh .H. Cellaigh, rí .H. Maine, mortuus est.

LC1135.11

Aodh Mhág
1] Cochlain mortuus est.

Annal LC1136

LC1136.0

2] Kl. Enair iiii. f.; L. .xxiiii. Sé bliadna .xxx. ar
3] ced ar mile ais in Tigerna. Bissextilis annus et
4] embolismus annus; positus huius anni non frequenter
5] accedit, .i. i nomad lá don errach Domnach Inede;
6] undecim Kl^. April Domnach Cásc; an la ria mbelltaine
7] Dardaoin fresgabhala; in deachmadh lá do
8] t-shámradh Domnach Cincíse.

LC1136.1

Robhartach .H. Cellaigh,
9] airchinnech Fathna Móire, in penitentia mortuus est.

LC1136.2

Domnall mac Muircertaig h-I Briain dhéc i n-ailitri a
10] Lis Mhór.

LC1136.3

Conchobar mac Domnaill Mheg Lachlainn, rí
11] Oiligh, & rídhamhna Erenn, do marbad d' Feruibh Muighe
12] h-Itha a meabail airechta, dia Luain et octauus Kalendas
13] Iunii.

LC1136.4

Aodh mac Toirrdhealbaigh h-I Conchobair do
14] dhallad le a brathair féin.

LC1136.5

Maidhm Finnabrach ar
15] Aodh mac Domnaill h-I Conchobair, & for Tadhc .H.
16] Ceallaigh & ar Ibh Maine, ubi cecidit Conchobar
17] .H. Cellaigh athair Taidhc, et alii multi.

LC1136.6

Conchobar
18] mac Toirrdhelbaig & Síl Muireghaigh uictores
19] fuerunt.

Annal LC1137

LC1137.0

20] Kl. Enair .ui. f.; L. u. Seacht mbliadna .xxx. ar ced
21] ar mile ais in Tigerna.

LC1137.1

Athach gaoithe dérmhaire
22] in lá ria b-fhéil imberta usce, gurro trascar fedha
23] & templa imdha i n-Erinn.

LC1137.2

Domnall .H. Conaing,
24] airdespuc Leithe Modha, tuir crabadh & h-ecna, &
25] irnaighthe, & toirberta bídh & seod do truagh &
26] do trén, in bona senectute dormiuit.

LC1137.3

Teidhm treaghuid
27] mhór i n-Erinn go coitchend, gurro mharbh sochaide.

p.138

LC1137.4

Sloiged la Laighnibh & la Gallaib d' fhóiridhin t-shíl
1] m-Briain, go Port Lairge, go tucsat gialla as.

LC1137.5

Crech
2] slóigedh la Síl m-Briain i g-Ciarraighibh, gurro airgset
3] tuathá & cealla.

LC1137.6

Domnall .H. Maoil Seclainn,
4] rídhamhna Erenn, a suis occisus est.

LC1137.7

Mór inghen Muirchertaigh
5] h-I Briain, ben Murchada h-I Maoilt Seclainn,
6] aird ríghan Erenn, in penitentia mortua est.

LC1137.8

Tacha mhór
7] a coicedh Connacht, et multi mortui sunt ab ea.

LC1137.9

Aodh
8] mac Domnaill h-I Conchobair occisus est.

LC1137.10

Domnall
9] .H. Dubtaigh, Elefinensis episopus & comarba
10] Ciarán Cluana Mic Nóis, apud Cluain Ferta Brénuinn
11] quieuit in Cristo.

Annal LC1138

LC1138.0

12] Kl. Enair .uii. f.; L. xui. Ocht mbliadna .xxx. ar
13] ced ar mile ais in Tigerna.

LC1138.1

Mathghamuin O Concobair,
14] rí Ciarraighe, tuir orduin & oirechuis Leithe Modha
15] ar thidhnacal séd & maoinibh, dormiuit.

LC1138.2

Lios Mhór,
16] & Cill Dara, & Tech Moling, & Sord Coluim
17] Cille, do loscad.

LC1138.3

Maol Ruanaidh .H. Cairellain, coinnel
18] adhanta thuaiscirt Erenn ar cruth, ar cheill, ar ghaisced,
19] do marbadh la Cenel Móain.

LC1138.4

Indredh tuaiscert t-Saxan
20] o Feruibh Alban, go tucsad bhraid n-díáirmhidhe &
21] gabhála imdha.

LC1138.5

Cormac mac Mhég Carrthaigh, aird rígh
22] Des Muman, & espuc righ n-Erenn ina reimhes, ar
23] crabadh, ar thidhnacul séd & maoine do chleirchibh
24] & chellaibh, & ar iarmart n-eglusdagdha a lebhruibh,
25] & a n-aidhmibh, do Dia & [...] do thuitim

p.140

Annal LC1170

LC1170.0

3] Kl. Enáir .u. f.; L. x. Seachtmodha ar ced ar mhile
4] ais an Tigerna.

LC1170.1

Conchobar mac Muircertaig Meg
5] Lachlainn, rí Cinel Eogain, & ridhamhna Erenn uile,
6] do marbad d-Aodh beg mac Cana, & do Uibh Carracán,
7] dé Satharn Cásc, ar lár Trín Mhóir a n-Ard Macha.

LC1170.2

Donnchad Cennsealach O Ceallaigh do marbad do
8] Laighnibh.

LC1170.3

Ath Clíath do milled do Diarmaid mac
9] Murchada, & dallmurrachibh tuc leis anoir do
10] mhilled na h-Erenn, a n-digail a ionnarbtha tar muir
11] ass a ferann fein, & a mac do mharbad.

LC1170.4

Tucsat
12] dana ár for Gallaibh Atha Cliath & Puirt Láirci, &
13] tuctha, trá, ar diáirmhe forra sum.

LC1170.5

Ro millti dona
14] Laigin & fir Midhe, edir cealla & tuatha, leo;
15] & ro ghabhsat Ath Cliath & Port Lairce don dol sin.

LC1170.6

Gniomh mór ainbfhial do dhenum don mhanach mac comarba
16] Findein Moighe Bile, & do Maghnus mac Duinn Sleibe,
17] do righ Ulad, co tóissighibh Uladh, & co n-Ulltoib airchena,
18] cenmótha Maoil Isa espuc, & Giolla Domuin Ghuirt

p.142

LC1170.7

Dia Mairt, gairid iartain, ro
22] marbad h-é fein o a derbrathair a nDún.

LC1170.8

Diarmaid
23] .H. h-Ainbfheth, rí .H. Méth & toissech marcsluaigh
24] rígh Oiligh do marbadh do longus tánic a h-Innsibh Orc
25] isin innsi ro cumdaiged aca féin for Loch Ruide .i. Inis
26] Lachain.

LC1170.9

Iarla O Sdrangbhó do teacht a n-Erinn le
27] Diarmaid mac Murchada, a n-digail a ionnarbtha do
28] Ruaidri mac Toirrdhealbaigh h-I Conchobair; & tuc
29] Diarmaid a inghen féin & cuid dá dhuthaid dhó; &
30] ataid Goill t-shacson a n-Erinn ó shin.

p.144

Annal LC1171

LC1171.0

1] Kl. Enair .ui. f.; L. .xxii.; bliadhain ar seachtmodha,
2] ar ced, ar mhíle, ais an Tigerna.

LC1171.1

Diarmaid mac
3] Murchada, rí coiged Laighen, iar milled cheall n-iomdha,
4] & tuath, do ég a b-Ferna cen corp crist, cen aitrighe,
5] cen tiomna, a neinech Coluim Cille & Finnéin, &
6] na naom airchéna is a cealla ra mhill.

LC1171.2

Axoll mac
7] Torcaill, rí Atha Cliath, & h-Eoin a h-Innsibh Orc, do
8] mharbad dona Gallaib cedna.

LC1171.3

Sadhbh, ingen Gluin Iarainn
9] mic Murchadha, comarba Brígde, deg a n-aithrighe.

LC1171.4

Maidhm for Tigernan .H. Ruairc & ar Feruibh Midhe,
10] & ar Feruibh Fernmhoighe imalle, .i. maidhm an
11] luaitrigh secundum quosdam, ar faithche Atha Clíath, ria
12] Milóid Cogan cona mhuinter, i d-torchair sochaide mhór
13] im Aodh .H. Ruairc, .i. rí .H. m-Briuin, & machaire
14] Gaileng, & Conmaicne.

LC1171.5

Ro marbhtha ann, don, cóig
15] toissigh d' Feruibh Fernmhoighe, .i. Maol Mochta mac
16] Confeabhla & Concobar a derbrathair, dá thóissech
17] Cineoil b-Feradhaigh.

LC1171.6

Feindid O Conghaile, coinneal
18] ghaisced & engnama Oirgiall, mortuus est.

LC1171.7

Uenit in Hiberniam Henricus potentissimus rex Angliae,
19] gliae, et idem dux Normanniae et Aquitaniae, et comes
20] Andegauiae et aliarum multarum terrarum dominus,
21] cum ducentis .xl. nauibus; & tanic a tír ag Port
22] Lairge & ro ghabh gialla Muman; & tanic iarsin
23] co h-Ath Clíat, & ro ghabh gialla Laighen & fer Midhe,
24] & .H. m-Briuin, & Oirgíalla, & Ulad.

LC1171.8

Petrus
25] espuc O Maine Connacht, manach craiptech, & fer
26] úghdarrdha, do bathad ar Sinuinn a .ui. Kl. Ienair.

p.146

LC1171.9

1] Creach mór la Maghnus mac Duinn Sléibhe, go n-Ultaibh
2] uile, a ccúil an túaiscert, go ro airgsed Cúl rathain
3] & cealla oile, go rugsad uathad beg do Cinel
4] Eoghain forra um Conchobar .H. Catháin, & tugsad
5] cliathadh, & ro marbsad fer ar .xx. etir taoisechaibh,
6] & maca toisech, & sochaidhe eile maille friu; &
7] ro gonadh Maghnus fein, & an Maghnus sin dan do
8] marbadh gairid íar séin do Duinn Sleibhe, .i. da der brathair
9] fein, & do Giolla Aongusa mac Giolla easpuic,
10] .i. do reachtaire Monaigh an Duin, iar nolcaibh moraibh
11] iomdaibh do denamh do, .i. iar lecadh a mna posta fein,
12] & iar m-breith a mna o a oide, .i. o Coinmuighe .H.
13] Floinn, & rí ag á der brathair féin artus, .i. ag
14] Aodh; iart-tabairt eicin do for mnaoi a derbrathar
15] eile, .i. Eochada; iar sarugadh cloc & bachall, cleirech
16] & cealla.

Annal LC1172

LC1172.0

17] Kl. Enair .uii. f.; L. ii. Dá bliadain .lxx. ar ced ar
18] mile ais in Tigerna.

LC1172.1

Rí Sacsan do dhul a h-Erinn dia
19] Domnaig Cásc, iar celebhrad aiffrinn.

LC1172.2

Tigernan O
20] Ruairc, ri Breifne & Conmaicne, & fer cumachta
21] moir fri ré fhoda, do marbad do Saxanuib cedna, &
22] Domnall mac Annaid dia cenel fein maille friu.

LC1172.3

A
23] dicendad dana doibh, & a cend & a corp do breth
24] co dochraidh co h-Ath Cliath. An cend do tocbail for
25] dorus in dúine ina scathdercc truagh do Gaidelaib.
26] An corp, dono, do crochad & a chosa suas.

LC1172.4

Maidm
27] for Cenel n-Eogain la .H. Maol Doraidh & la Cenel
28] Conaill, & ár lan mor do cuir forra; i mirbail,
29] tra, do naomaibh an Coimdedh a ní sin, .i. do Patraic

p.148

LC1172.5

Lán cuairt cóigid Connacht, an
3] cetramad feacht, la Gilla Moliac comarba Patraic,
4] .i. la primfaidh Eirenn, co h-Ard Macha.

LC1172.6

Domnall O
5] Fergail, toisech Conmaicne, do marbad la muinter righ
6] Saxan.

LC1172.7

Gilla Aodha, espuc Corcaighe, fer lán do rath
7] De, in bona senectute quieuit.

Annal LC1173

LC1173.0

8] Kl. Enair ii. f.; L. xiii.; tri bliadna seachtmada ar ced
9] ar mile ais in Tigerna.

LC1173.1

Muiredach O Cobthaigh, espuc
10] Doire & Ratha Both, & tuaiscert Erenn uile, an
11] mac óighe, & an leg loghmar, & an gem ghloine, &
12] an rédla solusta, & cisde taiscedha na h-egna, &
13] craobh cnuassaig na cánóine, iar tidhnacul bhídh &
14] édaigh do bhochtaibh, iar n-dail il mhaoine déigsibh, iar
15] m-buaidh gcrabad & oilitri, & aitrighe, ro fháidh a
16] spirad docum nime a n-duib reigles Coluim Cille a
17] n-Doire, in quarta id Febra, in sexta feria.

LC1173.2

Do-ronadh
18] mirbuile mora is in aghaidh ad-bath, .i. an aghaidh do
19] soillsiughadh óta iarmeirghe co gairm an chailig, &
20] in talaimh uile for lassadh, & caor mhór theinidh do
21] eirghe ós an m-baile, & a tocht soirrdhes, & eirghe
22] do chách uile, indar leo robe an lá acu; & ro bhói
23] amhlaid sin co h-imeal in aieoir indar leo.

LC1173.2

Crech mhór la
24] h-Aodh mac Aonghusa, & la clann Aodha, co ro airgset
25] trian mor; & ro marbad an fer sin a g-cinn tri
26] míos iar n-arguin Aird Macha dhó.

p.150

Annal LC1174

LC1174.0

1] Kl. Enair .iii. f.; L. xx.iiii.; ceitri bliadna &
2] seachtmodad ar ced, ar mile, ais in Tigerna.

LC1174.1

Flann
3] O Gormain, aird ferleighinn Airdi Macha & Erenn
4] uile, fer eolach comarthamuil is in egna Diadha &
5] domanda, iar m-beith bliadhain ar fhicith a b-Frangcaib
6] & a Sacsanaib ag foghluim, & fiche bliadan ag
7] follamnugh sgol nErenn, ad-bath co sithamail a .xiii. Kl.
8] April, dia Cedaoin ria g-Caisc, .lxx. aetatis suae
9] anno.

LC1174.2

Maol Patraic O Banáin, espuc Connere &
10] Dál n-Araidhe, fer airmidnech lán do noime, & do
11] chennsa, & do ghloine chridhe, dhéc co lan fheachtnach a
12] n-I Coluim Cille, iar sentaig thoghaide.

LC1174.3

Giolla Moliag
13] mac Ruaidri, comarba Patraic, airdespuc &
14] prímhfhaidh Aird Macha & Erenn uile, mac óighe lan
15] do ghloine cridhe, & do síthamhla, do ég co feachtnach a
16] .ui. Kl. April, dia Cedain iar Caiscc, issin seachtmad
17] bliadain .lxxx.at a aisi, & iar mbet .uii. mbliadna
18] .xxx. san airdespucoit; et ro bai an fer uasal sin
19] .ui. bliadna .x. co lan onórach a nabdaine Coluim Cille
20] a n-Doire, ria comarbus Patraic.

LC1174.4

Gilla Mocaibdheo, ab
21] mainistrech Petair & Poil a n-Ard Macha, mogh
22] trephair tairisi don Coimdich, do éc .ii. Kl. April,
23] .lxx.at aetatis suae.

Annal LC1175

LC1175.0

24] Kl. Ianair .iiii. f.; L. u. Cuic bliadna .lxx. ar ced
25] ar mile ais in Tigerna.

LC1175.1

Flaithbertach O Brolchan,
26] comarba Coluim Cille, tuir eccna & einigh, fer
27] dia tugatar cleirigh Erenn cathair esbuic ar eccna
28] & ar a fephus, & dia tarccus comharbus Iae,
29] do écc co feachtnach iar trebloit togaide a n-duibh

p.152

LC1175.2

Gilla Moliac .H. Branán do
2] oirnedh ina inadh i comarbus Coluim Cille.

LC1175.3

Maidm
3] ar Cenel Enda ria n-Echmarcach O Cathain, &
4] ria Niall O n-Gairmledhaich, & ár mór do chur
5] forra.

Annal LC1176

LC1176.0

6] Kl. Ianair .u. f.; L. xui. Se bliadna seachtmhodad
7] ar ced ar mile ais in Tigerna.

LC1176.1

Saxuin dinnarbad
8] do Domnall O Briain a Luimnech, tré fhorbhaisi do
9] dhenam forra.

LC1176.2

Inghen rí Oirghiall, .i. Benmidhe ingen
10] Donnchada I Cerbaill, ben Conmuidhe I Flaind, righan
11] .H. Tuirtri & fer Lí, do éc.

LC1176.3

Ingen Ruaidri I
12] Concobair, .i. ben Flaithbertaigh h-I Maoil Doraidh, do
13] marbad do macuib .H. Caireallán.

LC1176.4

Fabur &
14] Cenantus d' fhassugad do ghallaib, & do U Briuin.

LC1176.5

15] Lughmag d' fhassugad dona Sagsanaib.

LC1176.6

Caislén Gall &
16] Cenantus ag a n-denum.

LC1176.7

An t-Iarla Sacsanach do
17] ég a n-Ath Cliath do bhainne aillse ro ghabh for a chois,
18] tri mhirbhuilib Brighde & Coluim Cille, & na naom
19] áirchena isa cealla ro mhill.

LC1176.8

Caislén Slaine araibhe
20] Ricardd Plémenn cona slúaig, ass a rabhus ag milled
21] Oirgiall & .H. m-Briuin & fer Midhe, do mhilled
22] la Maol Seclainn mac mic Lachlainn, la ri Cenél
23] n-Eogain, & la h-Oirgialla, dú inar marbad ced nó
24] nisa mhó do Galloib, cenmothát mna & leinim, &
25] eich an caisléin, cona terno duine a m-bethaid ass an
26] g-caislen; & ro fassaiged trí caisleán a Midhe
27] ar na mharach ar omhan Ceneoil Eogain, .i. caislén
28] Cenannsa, & caislén Calatruim, & caislén Daire
29] Patraic.

LC1176.9

Cu Mhuighe O Floinn, rí .H. Tuirtri & fer

p.154

Annal LC1177

LC1177.0

3] Kl. Enair .uii. f.; L. xxuii. Seacht m-bliadna seachtmada
4] ar ced ar mile ais in Tigerna.

LC1177.1

Dún Da
5] Lethghlais do milled do t-Seon do Cúirsi & dona
6] rideribh tancadar maille fris, & caislén do denam
7] dhóibh ann ass a tucsad maidhm fá dhó for Ulltoib,
8] & maidhm for Cenél n-Eogain & for Oirghiallaib,
9] dú nar marbad Conchobar O Cairellén, .i. toisech
10] Clainni Diarmada, & in ro marbad maiti iomdha eli.

LC1177.2

11] Do rad, dana, Conchobar O Cairellán maidhm for O
12] Maol Doraid & for chenél Conaill, dú in ro marbad
13] ár chenél Enna im mac h-I Serrigh, & im maithib
14] iomdha eli airchena.

LC1177.3

Milid Gócan, cona rideribh, do
15] breith do Muircertach mac Ruaidri h-I Conchobair co
16] Ros Comáin, do milled Connacht, ar ulca ré nathair.
17] Ro loisced umorro, Connachta fo cedóir.

LC1177.4

Tuaim,
18] dono, & cella an tíre do milled ar ulca ris na
19] Gallaib, & tucsat maidhm fors na Gallaib, .i.
20] Ruaidri O Conchobair co b-Feruibh Connacht maille
21] ris; & ro dhíchuirset ar eicin ass an tir amach iad.

LC1177.5

Ro dhall, dono, Ruaidri O Conchobair a mac iarsin a
22] n-digail an turuir sin.

LC1177.6

Oedh O Neill, .i. rí Ceneoil
23] Eogain re h-athaid, & rídhamhna Erenn uile, do
24] marbad le Maol Seclainn Mhág Lachlainn, & la
25] h-Ardghal Mhág Lachlainn.

LC1177.7

Ardghal fein, dono, do mharbad
26] d-O Neill aga marbad ansein.

LC1177.8

An Timpanach .H.

p.156

LC1177.9

Sluaigedh la Seon do Cúirsi & las na rideribh
3] a n-Dal Araidhe, dár mhapbhsat Domnall mac mhic
4] Cathusaigh, rí Dal Araidhe.
5] Tánic, dono, Seon don
6] turus cedna a n-Ibh Tuirtri & a b-feraibh Lí, coro
7] loisc Cu Mhuighe O Floinn Airrther Maighe remhe, & co
8] ro loisc Cul Rathain, & cealla imdha eli.

Annal LC1178

LC1178.0

9] Kl. Enair i. f.; L. ix.; ocht mbliadna .lxx. ar ced
10] ar mile ais in Tigerna; céd bliadain noidecda.

LC1178.1

Uilc
11] mhor do dhenum á Cenel Móáin an bhliadain sin, .i.
12] muinnter Domnaill I Gairmleghaigh do marbad
13] Concobair mic Conallaigh I Luinich lár tighe Domnaill
14] I Gairmleghaigh fein, a meabail, ar comairce airchindigh
15] na h-Ernaidhe.

LC1178.2

Athtóissech do dhenum do Domnall O
16] Gairmleghaigh, & Cenel Móain do tabairt toissighechta
17] do Ruaidri O Flaithbertaigh.

LC1178.3

Domnall mac
18] Domnaill i Gairmleghaigh do marbadh a meabail le
19] clainn I Flaithbertaigh & le clainn n-Domhnaill airchena;
20] & Tigernan mac Raghnaill mic Domnaill, &
21] ochhtar lain bhiatach do Cenel Móein ar aon rú.

LC1178.4

Gaoth
22] adhbail do thoighecht isin m-bliadain si, co ro trascair
23] bhloidh mhoir do choilltib, & d' fhidhbadaibh & do
24] railghibh ra móraibh fri lár, & co ro trascair fós se .xx.
25] ralach, uel paulo plus, a n-Doire Coluim Cille.

LC1178.5

Is an
26] m-bliadain sin, dono, tainic Seon do Cúirsi cona
27] rideribh co Dún, ar crechaib co machaire Conaille, co

p.158

LC1178.6

Tanic dono Murchad O
3] Cerbaill, rí Oirgiall, & mac Duinn Slebi, .i. rí
4] Uladh, chuca an oidhche sin; & tucsat telcadh dhó.

LC1178.7

Ro
5] mheabad for ghallaib & ro cuired a n-derg ár.

LC1178.8

6] Tanic dona an Seon cedna ar crechaibh a n-Dál
7] Araidhe, & a n-Uíbh Tuirtri.

LC1178.9

Tuc, dona, Cú Mhoighe O
8] Flóinn, rí .H. Tuirtri & b-Fer Lí telcadh dhoibh.

LC1178.10

Ro
9] mhoigh, dono, an cath sin for ghalloibh, & ro cuired a nár.

Annal LC1179

LC1179.0

10] Kl. Enáir ii. f.; L. xx. Noi m-bliadna seachtmada
11] ar ced, ar mile, ais an Tigerna; .i. an dara bliadain
12] noidhegda, in treas bliadain for bisex.

LC1179.1

Sith do dhenum
13] do Donnchadh .H. Cairellán, & do clainn Diarmada
14] uile, re Cenel Móien & re .H. n-Gairmleghaigh, .i.
15] re h-Amhlaib mac mic Máien, .i, derbrathair mna
16] Donnchada I Cairellén, ar lár tempail Arda Sratha,
17] fá mhionnuibh Domnaig mhoir & na h-Ernaide, &
18] Arda Sratha.

LC1179.2

H. Gairmleghaigh, dono, do thoighecht isin
19] ló ar na mharach do ghabáil tuilled slána co tech
20] Donnchada I Cairellán.

LC1179.3

Meabal ainbfhial do dhenum
21] ar lár an airechta a n-dorus tige I Cairellan, a
22] b-fhiadhnuse a derbhshethar fein, .i. mna Donnchada, .i. é
23] fein & triar dhá muinnter maille ris do marbadh.

LC1179.4

24] Ard Macha do loscad ex maiore parte, .i. na h-uile
25] reglésa & na h-uile templa, cenmothá regles Brighde,
26] & tempal na Ferta.

LC1179.5

Cealla thíre h-Eogain o th-sleibh
27] bhudh dhes d' fholmhugad tría chogad & tria dhochmataigh an

p.160

LC1179.6

Gilla Domnaigh O Forannáin, aircinnech
2] Arda Sratha, et Moel Muire mac Gilla Comáin,
3] secnapad an baile cedna, in Cristo quieuerunt.

LC1179.7

4] Cluana & Ard Sratha, & Domnach Mór, & an
5] Ernaidhe d' fholmhugad o Feraibh Mhoighe h-Ithe.

Annal LC1180

LC1180.0

6] Kl. Enáir .iii. f.; L. i. Ochtmada ar ced ar mile
7] aois an Tigerna.

LC1180.1

Gilla an Coimdhed .H. Carán,
8] comarba Patraic, do ég.

LC1180.2

Raghnall .H. Cairellán do
9] marbadh do Chenel Móéin a neinech Coluim Cille, ar
10] lár Doire.

LC1180.3

Mac Raith .H. Daigri, airchinnech Doire,
11] do écc.

LC1180.4

Donnchad .H. Cairelláin do mharbad do chenél
12] Conaill, a n-díghuil a mheabhla ar O n-Gairmleghaigh, &
13] a n-einech Coluim Cille.

LC1180.4

Cath na Conchobar a Connacht,
14] dár mharbhustar Conchobar Moen Mhoighe Conchobar
15] .H. Ceallaig, .i. ri .H. Maine, & Tadhg a mac,
16] & Diarmaid .H. Ceallaig, & maithi .H. Maine uile,
17] a moigh Sruibhe gealáin a g-cínn Daire na g-capall.

LC1180.5

Muirghes .H. h-Eidhin do marbad.

LC1180.6

Domnall .H. Cinnéidig,
18] ri Urmuman, mortuus est.

Annal LC1181

LC1181.0

19] Kl. Enair .u. f.; L. xii. bliadain ochtmadad ar
20] ced ar mile ais an Tigerna.

LC1181.1

Cath moighe Diúghbha
21] for clainn Toirrdhealbaigh Mhóir h-I Conchobair, le
22] Flaithbertach .H. Móel Doraidh, ri chenel Conail, &
23] is de goirter cath na rídhamhna, andorchuir Brian
24] Luighnech & Maghnus, & tri mic Aodha mic
25] Toirrdhealbaigh h-I Conchobair, .i. Maoil Sechluinn
26] & Muiredach & Muircertach; & Aodh mac

p.162

LC1181.2

Donnchad mac Domnaill
4] Midhigh h-I Conchobair ro thairring Flaithbertach .H.
5] Moel Doraidh do chosnum criche Cairpri dhó feisin; &
6] rucad cuirp na rigraide sin iar ná n-oiged co Cluain
7] Mic Nóis, a n-othar lighe rigraidhe a sinnser.

LC1181.3

Dunlaing
8] .H. Caollaighi, espuc Leithglinne, quieuit.

LC1181.3

Alaxandair
9] pápa in Cristo quieuit.

LC1181.4

Tadhg O Dálaigh, ollam Erenn
10] & Alpan, in Cristo quieuit.

LC1181.5

Sittric .H. Cuinn,
11] toisech muinteri Gillcán, do marbhad do mac Oedha
12] .H. Fergail.

LC1181.6

Donn Sleibhe O Gadra mortuus est.

LC1181.7

13] Sloiged lá Domnall mac Aodha Méc Lachlainn, &
14] le Cenél n-Eogain Tealcha Óc, a n-Ulltaibh, & do
15] bhrisedor cath ar Ultaibh & ar Uíbh Tuirtri, &
16] ar Feraibh Lí, im Ruaidri mac Duinn Slebi, & im
17] Coinmhoighe .H. Floinn.

LC1181.8

Tomaltach O Conchobair do
18] gabhail comarbuis Patraic, & co n-derna cuairt
19] Ceneoil Eogain, & co tuc bennachtain.

Annal LC1182

LC1182.0

20] Kl. Enair ui. f.; L. xxiii.; da bliadain ochtmhoda
21] ar ced, ar mile, ais in Tigerna.

LC1182.1

Sloiged la Domhnall
22] mac Lachlainn co Dún m-Bó a n-Dáil Ríatta, & cath
23] do thabairt dóibh do ghalloib annsein; & maidhm ar
24] chenel n-Eogain, & Raghnall O Breislén do marbad
25] ann, & Gilla Crist .H. Cathán, et alii multi, &
26] sóscéla Martain do bhreth do ghalloib leo.

LC1182.2

Aedh .H.
27] Caellaighi, espuc Airgiall, & cend canánach, quieuit.

LC1182.3

28] Gilla in Coimdedh mac Inlestair .H. h-Ainlighe, tússech
29] Ceneoil Doffa, mortuus est.

LC1182.4

Domnall .H. h-Uallachan,
30] airdespuc Muman; Aughustín .H. Sealbaig, espug
31] Puirt Láirce, & .H. h-Aedha, espuc Corcaige, mortui
32] sunt.

LC1182.5

Milid Gocán ar n-gabáil dó righe Corcaige &

p.164

LC1182.6

7] Maidhm re Ruaidri .H. Conchobair, & re Conchobar
8] Moen Mhoighe, for Donnchad mac Domnaill Midhigh, &
9] for .H. Moel Doraid, ubi multi ceciderunt.

Annal LC1183

LC1183.0

10] Kl. Enair .uii. f.; L. iiii. Tri bliadna ochtmadad
11] ar ced, ar mile, ais in Tigerna.

LC1183.1

Ruaidri .H. Conchobair,
12] ri Erenn, do dul da ailitri do Connga Feichin,
13] & a righe d' fháil agá na mac, .i. ag Conchobar
14] Mhoenn Maide.

LC1183.2

Henric mac na h-Impereise, ri Saxsan,
15] mortuus est.

LC1183.3

Iósebh .H. h-Oedha, espuc .H. Ceinnsealaigh,
16] quieuit.

LC1183.4

Domnall mac Gilla Enáin, dux clainni
17] Flaithemail, occisus est.

LC1183.5

Tachar itir an n-Gilla
18] Riabach .H. Flaithbertaigh & mac h-I Gairimleghaigh,
19] & .H. Flaithpertaigh do mharbadh ann, & dream
20] do Chenel Móeín do marbad ann.

LC1183.6

Bécc .H. h-Egra
21] mortuus est.

Annal LC1184

LC1184.0

22] Kl. Enáir .i. f; L. xu.; ceitri bliadna ochtmada,

p.166

LC1184.1

Art .H. Moeil Sechlainn,
2] rí Midhe, do mhasbad do Diarmaid .H. Briain
3] a conne ac Druim Chuilinn, iar d-toigecht dó do lar a
4] airechta féin, do labra re mac h-I Briain a oenar,
5] & mac I Briain do fheall fair.

LC1184.2

Amhláib mac Fergail
6] h-I Ruairc, ri Breiffne, interfectus est.

LC1184.3

Deich tighe
7] fichet do mhaithib mhuinntire Arda Macha do arguin do
8] ghallaib na Midhe.

LC1184.4

Maol Iossa .H. Cerbail do gabhail
9] comharbuis Patraic, iar ná fácbáil do Tomaltach
10] .H. Conchobair.

LC1184.5

Maol Sechlainn bec .H. Moeil Sechlainn
11] do ghabáil righe Midhe a h-aithle bháis Airt.

LC1184.6

12] Caislén do thógbáil la Gallaib a Cill Fáir.

LC1184.7

Caislén
13] eli do mhilled ann la Moeil Sechlainn & la Conchobar
14] Moen Maige .H. Conchobair, co sochaide moir
15] da Ghallaib maille riu.

LC1184.8

Tempall mor Tuama da
16] gualann do thuitim a naén ló edir chend & chloich.

LC1184.9

17] Carraig Locha Ce do loscad do thene dhaith, .i. rí port
18] ro oirrderc muinteri Maol Ruanaid, baile na ranic
19] anacal maoine iná daoine da raibh ann, dú in ro millit
20] se fichit no a secht b-fhichit do dhaoinibh suaichcenta, im chúig
21] dhuoine dhég do shíol righ & taoissech, im mhnaoi mic
22] Diarmada, .i. inghen h-I Edhin, & im mhnaoi a mic, .i.
23] ingen Domhnaill h-I Conchobair, & im ingen h-I Dubhda,
24] & im mac Donnchada h-I Maoil Bhrenuinn, & im

p.168

LC1184.10

Isin
10] Aoine iar n-Init chorghuis do righnedh an gniom sin.