Corpus of Electronic Texts Edition
Annals of Loch Cé A.D.1014-1590 (Author: [unknown])

Annal LC1054

LC1054.0


22] Kl. Enair .uii. f.; L. xuiii.; ceitri bliadna .l. ar
23] mile ais in Tigerna.

LC1054.1

Iomhar mac Arailt, rí Gall, do
24] ég.

LC1054.2

Aodh .H. Fergail, rí Tealcha óg, & mac Archon
25] .H. Celechán, rí .H. m-Bressail, do marbadh d' fheruibh
26] Fernmaighe.

LC1054.3

Maidhm Finn Mhaighe for Uíbh Méith &
27] for Uachtar thíre, ria n-Uíbh Echach, dú atorchair
28] an croibhdherg, ridamna Uachtair thíre.

LC1054.4

Aodh mac


p.52


1] Ceinnédigh mic Duinncuan, muire chloinne Toirrdhelbaigh,
2] do marbad do Connachtaibh.

LC1054.5

Cath edir fhira Alban &
3] Saxsanaibh, i torcradar tri míle d' feraibh Alban, &
4] míle go leith do Saxsanaibh, im Dolfinn mac Finntair.

LC1054.6


5] Loch Suidhe Odhráin a Sléibh Guareadha do élúdh a n-deredh
6] oidhche fhéle Míchíl, condeachaid isin Fábhaill, quod non
7] auditum est ab antiquis.

Annal LC1055

LC1055.0


8] Kl. Enáir .i. f.; L.xxix. Coic bliadna .l. ar mile
9] ais in Tigerna.

LC1055.1

Domnall Ruadh O Bríain do marbadh
10] la .H. n-Eidhin.

LC1055.2

Gilla Patraic rí Ossraighe do ecc.

LC1055.3


11] Maidhm ría Toirrdealbach .H. mBríain for Murchad
12] .H. m-Bríain, dú ad-torcradar ceitri ced im cetri
13] tóissechaibh.x.

LC1055.4

Cath martairthighe ria n-Dubh Dháleithe,
14] comarba Patraic, for mac Loingsich h-I Maoilt Sheachlainn
15] .i. comarba Finnén & Coluim Cille, dú i-d-torcradar
16] ile.

Annal LC1056

LC1056.0


17] Kl. Enair .ii. f.; L.x. Sé bliadna .l. ar mile ais
18] in Tigerna.

LC1056.1

Cathusach mac Girr Gharbhán, comarba Cuinich i
19] Cianachta; Cetfadh, cend cleirech Muman, quieuerunt.

LC1056.2


20] Crech lá Niall mac Maoilt Seclainn for Dál n-Araighe, go
21] d-tuc .xx. ced do bhuaibh, & tri .xx. duine do braid.

LC1056.3


22] Flann Main Isdreach, aird fhile & airdfher léighinn,
23] & soí shenchusa Erenn, in uita eterna requieuit.


p.54

LC1056.4


1] Tene gheláin do thocht gur ro mharbh triar ag Dissert
2] Tóla & mac leighinn ag Surd, & gurro bris
3] indile.

LC1056.5

Crech do chuáid Eochaid .H. Flaithemh i Magh
4] Iotha, oidhche n-odlac mór, go d-tuc .u. ced bó conuice
5] uissce .i. co h-obhuinn Maighe Uatha, & forfhágsat na
6] bú isin abhuinn, & ro báite ochtar ar da fichait
7] díbh, im Cuilend mac Dergain.

Annal LC1057

LC1057.0


8] Kl. Enair .iiii. f.; L. xx.i. Seacht mbliadna .l. ar
9] mile ais in Tigerna.

LC1057.1

Niall .H. h-Ecnechán, rí Cenel
10] nEnda, a suis occisus est.

LC1057.2

Dúnghal .H. Donnchada, ri
11] Eoganachta Caisil, do thuitim la Murchad .H. Briain.

LC1057.3


12] Finn Guine .H. Finn Ghuine, rdhamhna Muman, dó
13] thuitim la Maol Seclainn mac m-Bric.

LC1057.4

Maol Ruanaidh
14] .H. Fochartaigh, rí deisceirt Eli, do thuitim la Donnchad
15] mac Briain.

LC1057.5

Dubh Dháleithe .H. Cinaotha, aircinnech
16] Corcaige, & Robhartach mac Ferdhomnaigh, comarba
17] Coluim Cille, in Domino dormierunt.

LC1057.6

Domnall .H.
18] Ruairc do mharbhadh la Domnall mac Maol Ruanaid, rí
19] fer Manach.

Annal LC1058

LC1058.0


20] Kl. Enair u. f.; L. íí.; ocht mbliadna .l. ar mile
21] ais in Tigerna.

LC1058.1

Imlech Iobhair do loscad co leir,
22] edir dhaimliag & chloictech.

LC1058.2

Lulach mac Gilla
23] Comgháin, airdrígh Alban, do mharbad la Maol Coluim
24] mac Donnchada i cath.

LC1058.3

Maidhm Sleibhe Crott rian
25] Diarmaid mac Maoil Nambó, for Donnchadh mac
26] m-Briain, dú i torchair Cairpri .H. Líghdha, airchinnech
27] Imligh Ibhair, & Ríbhardan mac Concoirne, rí Ele,
28] et alíí multi.

LC1058.4

Mac Bethad mac Finn Laoich, airdrig


p.56


1] Alban, do marbad la Maol Coluim mac n-Donnchada
2] i cath.

Annal LC1059

LC1059.0


3] Kl. Enair ui. f.; L. xiii. Naoi m-bliadna .l. ar mile
4] ais in Tigerna.

LC1059.1

Creach la Maol Seclainn .H. Madadhain
5] a n-Airrteraibh, co rug tri ced bó uel paulo plus,
6] & gurro marb Gilla Muire mac Airechtaigh, muire
7] cloinne Síonaich.

LC1059.2

Maoil Sechlainn .H. Bric do muchad
8] a n-uaim la Maoil Sechlainn .H. b-Faoláin.

LC1059.3

Aodh .H.
9] Dubhda, ri .H. n-Amalghadha, a suis occisus est.

LC1059.4

Creach
10] la h-Ardghar Mhág Lachlainn co Cenel Eogain, a n-Dal
11] Araidhe, co d-tucsat borumha mhor, & da ced duine
12] edir mharbhad & erghabail.

LC1059.5

Cathal mac Tigernáin,
13] rí iarthair Connacht; Conghalach .H. Ríagain, ridhamna
14] Temrach; Duarcan .H. h-Egra, rí Luighne; Gilla
15] Coeimhghin mac Gilla Comhgaill, rídhamhna Laighen, occisi
16] sunt.

LC1059.6

Tomaltach .H. Maoil Bhrénuinn, muire shil
17] Muireghaigh, mortuus est.

Annal LC1060

LC1060.0


18] Kl. Enair .uíí. f.; L. xx.iiii. Sescat bliadan ar mile
19] ais in Tigerna. Millesimo ac .lx. anno Dominice
20] Incarnationis.

LC1060.1

Cogad mór i n-Ard Macha edir Cumuscach
21] .H. nEradhain & Dubh Dháleithe, comarba Patraic, imón
22] abdhuine.

LC1060.2

Cenantus do loscad co leir cona dhamliag.

LC1060.3

Leithghlend do loscad co h-uilighe génmothá an derthech.

LC1060.4

Domnall Déissech, prímh anmchara Erenn, & Conn na


p.58


1] m-bocht Cluana Mic Nóis, ad Christum uocati sunt.

LC1060.5


2] Flannagán .H. Cellaigh, rí Bregh, do h-éc ina
3] ailitri.

Annal LC1061

LC1061.0


4] Kl. Enáir ii. f.; L. u.; bliadain sescat ar mhíle
5] aois in Tigerna.

LC1061.1

Muiredach. H. Maol Coluim, aircinnech
6] Doire, do ec.

LC1061.2

Domnall .H. Maol Doraid do
7] marbad la Ruaidri .H. Canannán a cath.

LC1061.3

Cú Ulad
8] mac Conghalaigh, ri Uachtair thíre, in penitentia
9] mortuus est.

LC1061.4

Niall mac Maoilt Seclainn mortuus
10] est.

LC1061.5

Slúaighedh la h-Aodh .H. Conchobair co Cend choradh,
11] gurro briss in g-catraigh, & gur mhúich in tiprait.

LC1061.6

Glend Dá Lacha do loscad go leir.

Annal LC1062


12]

LC1062.0

Kl. Enair .iii. f.; L. xui. Da bhliadain .lx. ar
13] mile aois in Tigerna.

LC1062.1

Ruaidhri H. Flaithbertaig, ri
14] iarthair Connacht.

LC1062.2

Domnall .H. Moel Doraidh do
15] mharbhadh la h-Aodh .H. Concobair i cath.

LC1062.3

Gilla Criostv
16] .H. Moel Doraidh, comarba Coluim Cille edir Erinn is
17] Albain, quieuit.

LC1062.4

Creach la h-Ardghar Mhág Lachlainn
18] i Connachtoib, co d-tucsat sé mhíle do bhuaibh, &
19] míle do dhaoinibh.

LC1062.5

Ruaidri mac Concairrge, ridhamna
20] Fern Maide, do mharbad do mac Neill h-I Ruairc.

Annal LC1063

LC1063.0


21] Kl. Enair .iiii. f.; L. xx.uii.; tri bliadna .lx. ar
22] mile ais in Tigerna.

LC1063.1

Cathal .H. Donnchada, rí .H.
23] n-Echach Muman, do marbad.

LC1063.2

Cú Dhuiligh .H. Taidhg,
24] ri b-Fer Lí; Moeil Sechlainn .H. Modhadháin, rídhamhna


p.60


1] Oiligh, a suis inimicis occisi sunt, .i. o Cénel Conaill.

LC1063.3


2] Coinnmhedh mór la Mág Lachlainn otá Glend Suilighe
3] siar co h-iarthar Luighne, & go Muaidh O n-Amalgada,
4] du atangadar righraide Connacht ina thech, im Aodh .H.
5] Conchobair, & im Aodh mac Neill I Ruairc, & im
6] mac Airt h-I Ruairc.

LC1063.4

Uaimh Alla a g-Cera do gabail
7] o Connachtaibh for muinter Aodha h-I Concobair, in ro
8] muchad .lx. ar ced.

LC1063.5

Niall mac Eochada, aird ri Ulad,
9] a ég in id Nouembir, in Dardaoin, & in .xuiii. esca.

Annal LC1064

LC1064.0


10] Kl. Enair .u. f.; L. .ix.; ceitri bliadna .lx. ar
11] mile ais in Tigerna.

LC1064.1

Doilghén .H. Sona, airchinnech
12] Aird Sratha; in Dall .H. Lonain primégeis fer
13] Muman; Eochaid .H. Doréidh, airchinnech Domhnaigh
14] mhóir Moighe h-Itha, in Domino dormierunt.

LC1064.2

Muircertach
15] .H. Neill, rí Tealcha óg, do marbad; o Uib
16] Cremthainn occisus est.

LC1064.3

Donnchad mac Briain
17] Boroimhe, airdrígh Muman, do eg a Róimh ina ailitri.

LC1064.4

Diarmaid .H. Lorcain, ridhamna Laighen, do mharbad la
18] Cenel Eogain a n-Ulltoib.

LC1064.5

Ardghal Mhág Lachlainn, rí
19] Oiligh do eg a Tealaigh og, et sepultus est in Ard
20] Macha in mausoleo regum.

LC1064.6

Leobeléin, rí Bretan, do
21] marbad la mac Iacoip.

LC1064.7

Echmarcach, rí Gall, do ég.

Annal LC1065

LC1065.0


22] Kl. Enair. uii. f.; L. xx. Coig bliadna .lx. & mile
23] ais in Tigerna.

LC1065.1

Dubhtach Albanach, prímh anmchara
24] Erenn & Alban, a n-Ard Macha quieuit.

LC1065.2

Donnchad
25] H. Mathghamhna, rí Ulad, do mharbadh a m-Bennchar a


p.62


1] suis.

LC1065.3

Aodh .H. h-Ualghaircc do ghabail righe Ceneoil
2] Eogain.

LC1065.4

Mac Taidhg h-I Cellaigh, rí O Maine, &
3] Flaithbertach O Flaithbertaigh, ri iarthair Connacht,
4] occisi sunt la h-Aodh .H. Concobair.

LC1065.5

Domnall .H.
5] Loingsigh, rí Dal n-Araide, & Muircertach .H.
6] Maol Fhabhuill, ri Cairrge Bracaighe, do mharbad o Uíbh
7] Méth.

LC1065.6

Leogán mac Laighnén, rí Laighne, do marbad la
8] Conchobar .H. Maoil Sechlainn.

LC1065.7

Echmhilidh .H. h-Aitheid,
9] ri .H. n-Echach, do marbad do Cenel Eogain.

Annal LC1066

LC1066.0


10] Kl. Enair i. f.; L. i. Se bliadna .lx. ar mile ais
11] in Tigerna.

LC1066.1

Aodh .H. Ruairc, ri .H. mBriuin, mortuus
12] est statim iar n-orguin Scríne Padraic.

LC1066.2

Gilla Braide,
13] imorro, rí .H. mBriuin, & mac Senáin, rí Gaileng,
14] occisi sunt.

LC1066.3

Cnó mes mór i nErinn uile, ut rebellat
15] fluminibus.

Annal LC1067

LC1067.0

Kl. Enair .iii. f.; L. xx.iii. Seacht mbliadna .lx.
18] ar mile ais in Tigerna.

LC1067.1

Sloigead la Toirrdhealbach
19] .H. m-Bríain co Loch Cime, corrus marbh don t-slóiged
20] sin .H. Conchobair, rí Ciarraige Luacra.

LC1067.2

Cell Dara
21] cona templaib do uile loscad.

LC1067.3

Aodh in Ghai Bhernaígh,
22] mac Taidhg in eich ghil mic Cathail .i. airdrí choiged
23] Connacht & luam gaiscid na n-Gaoideal, do marbad
24] i cath Turlaigh Aghna la h-Aodh mac Airt Uallaigh h-I
25] Ruairc, & Aodh .H. Concenuinn, rí .H. n-Diarmada,
26] et alíí multi.


p.64

Annal LC1068

LC1068.0


1] Kl. Enair .iii. f.; L. xx.iii.; ocht mbliadna .lx.
2] ar mile ais in Tigerna.

LC1068.1

Maidhm sithbhe do thabairt
3] d-Aodh .H. Maoilt Seclainn ar a derbhrathair budhein .i.
4] Domnall mac Neill mic Maoilt Seclainn, ri Oilig,
5] gur marbadh ann Domnall fein, & don Domnall,
6] imorro, do gairthi Domnall na m-bocht.

LC1068.2

Murchad .H.
7] Briain, rídhamhna Muman, do marbad la fira Teffa.
8] Flaithbertach .H. Fergail, rí Telcha óg, do ghuin la Cenel
9] m-Binnich.

Annal LC1069

LC1069.0


10] Kl. Enair .u. f.; L. iiii.; .ix. mbliadna .lx. ar mile
11] ais in Tigerna.

LC1069.1

Dún Dá Lethghlas & Ard Sratha, &
12] Lusca, & Surd Coluim Cille, ab igne dissipate sunt.

LC1069.2


13] H. h-Aodha, rí .H. b-Fiachrach Arda Sratha, mortuus est.

Annal LC1070

LC1070.0


14] Kl. Enáir. ui. f.; L. xu. Seachtmhodhad bliadan ar
15] mile ais in Tigerna.

LC1070.1

.H. Flaithrí, rí Uladh, do athríghad
16] la .H. Moel Ruanaidh & la u-Ullta; acht chena ro
17] marbad ant .H. Moel Ruanaidh sin fo cedóir i cath, la
18] Donn Slebhe .H. n-Eochada.

LC1070.2

Murchad mac Diarmada,
19] rí Laigen & Gall, mortuus est, et sepultus est
20] in Ath Clíath.

LC1070.3

Ab Ia .i. mac mic Boethain, do marbad
21] do mac in abadh h-I Maol Doraidh.

LC1070.4

Termann Dábheóc
22] do arguin do Ruaidhri O Canannáin; et uindicauit
23] Deus et Dabheog, ante plenum annum.

Annal LC1071

LC1071.0


24] Kl. Enair .uii. f.; L. .xxui.; bliadhain seachtmhodad
25] ar mile ais in Tigerna.

LC1071.1

Cill Dara, & Glenn Da
26] Lacha, & Cluain Dulcáin cremate sunt.

Annal LC1072

LC1072.0


27] Kl. Enair. i. f.; L. uii.; dhá bhliadhain .lxx. ar mile


p.66


1] aois in Tigerna.

LC1072.1

Diarmaid mac Maoil na m-Bó, ri
2] Laigen & Gall, do thuitim i cath la Conchobar .H.
3] Maol Sechlainn .i. rí Temrach, & ár Gall &
4] Laigen uime; in seachtmadh la d' fhebra, mairt illaithi
5] sheachtmhuine inar feradh in cath sin.

LC1072.2

H. Fógartha, rí
6] Eli, do mharbadh la .H. m-Briain.

LC1072.3

Ruaidri O Canannain,
7] rí Cenel Conaill, do marbad la .H. Maol Doraidh .i.
8] Aonghus.

LC1072.4

Franca do dhul i n-Albain, co tucsat mac righ
9] Alban i n-eidirecht leó.

Annal LC1073

LC1073.0


10] Kl. Enair .iii. f.; L. xuiii.; tri bliadna ar lxx. ar
11] mile aois in Tigerna.

LC1073.1

Conchobar .H. Maoilsechlainn,
12] rí Temhrac, do mharbadh do mac Flainn mic
13] Maoilt Sechlainn, dar sárugadh bhachla lossa, baculo
14] presente.

LC1073.2

Sloiged la Toirrdealbach i Leith Cuinn, conderna
15] creich n-diairmhidhe i n-Gaileng, & gurro mharbh
16] Maol Mórdha O Cathusuigh, ri Bregh.

LC1073.3

Sitrec mac Amhlaoibh
17] do mharbad a Manuinn.